Limang daang taon matapos itakda ang kapalaran ng mundo, isang tahimik na gabi ang nagdala ng kakaibang pangyayari. Sa ilalim ng kalmado na kalangitan, dalawang bata ang sabay na isinilang sa magkaibang bahagi ng lupain, si Lian at si Shael. Bagamat magkalayo, tila iisa ang tibok ng kanilang mga puso noong araw ng kanilang kapanganakan.
Sa oras ng kanilang pagluwal, isang kakaibang tanda ang sabay na lumitaw sa kanilang mga katawan. Sa leeg ni Lian, isang detalyadong imahe ng isang dragon ang bumalot, tila nagpapahiwatig ng kapangyarihang nagmumula sa loob niya. Samantala, sa pulso ni Shael, ang anyo ng isang espada ay umusbong, matalim at makapangyarihan, parang handang humati sa anumang balakid.
Hindi nagtagal, naramdaman nina Yin at Yang ang pagyanig ng kapalaran—ang mga sugo na pinakahihintay ay dumating na. Sa isang silid ng kanilang templo, nagsalubong ang kanilang mga mata, puno ng pag-aalala at pag-asa.
“Narito na sila,” wika ni Yin, ang kanyang mga mata ay kumikislap sa ilalim ng liwanag ng buwan.
“Ang mga tanda ng dragon at espada,” sagot ni Yang, habang hawak ang lumang propesiya na matagal nang binantayan. “Panahon na upang maghanda.”
Agad nilang kinumpirma ang katotohanan ng kanilang nadarama. Sa kanilang mga kamay, dinala nila ang mga sinaunang kasulatan, naghahanda sa paglalakbay na maghahatid sa kanila kay Lian at Shael. Ang dalawang bata na siyang susi sa pagpigil sa parating na kaguluhan. Habang unti-unting umaangat ang araw, alam nilang ang kanilang mundo ay muling mababalot ng hamon, ngunit sa pagkakataong ito, hindi sila nag-iisa.
YOU ARE READING
Oscura Luminis
FantasiaIn a world restored by the twins Yin and Yang, a prophecy threatens to unravel the delicate balance they've fought to maintain. On their master's deathbed, the twins are tasked with finding two key figures marked by a dragon and a sword. These indiv...
