"انا لـ هالحين عايش في هذاك الزمان حبيت مره وخفت احب ... من بعدها...."

part 11

{ اللهم اغفر لي ذنوبي }
__________________
" في المخفر "
الشرطي : وصلنا بلاغ انكم دخلتوا القصر وايضا تبون تسرقون القصر .
صباح بخوف : يويلييي شكلنا بنتعفن بالسجون
لولوة : لا والله مو كذا .
عوض : يا حضرة الشرطي والله حنا دخلنا القصر على اساس كان مافيه احد واصلن هذا القصر كان مهجور من ١١ سنه اتوقع .
حمد : طيب ليه تدخلون قصر مو قصركم ؟
حمد < ولد بريع ، ماتو اهله وسلموا القصر لحمد عشان يعتني فيه لانه تركوه بسبب الشغل >
شاهين كان يبي يركض لحمد عشان يضربه بس العيال مسكوه
شاهين بغضب شديد : اسكت لا الحين والله اكسرك هني فاهم ؟
حمد بخباثه : شف ياحضره الشرطي قاعد يهددني قدامكم برفع عليه قضيه
راشد : يا حضره الشرطي بفهمك السالفه .
_____________________________________
ام تركي بصدمه : شلون صار كذا شلون مات .
الدكتور : لوسمحتي اطلعي برا الغرفه .
ام تركي وعت على نفسها وطلعت ، وصل تركي عندها وقال : يمه فيك شي .
ام تركي بحزن : ابوك مات .
تركي حزن بس كان مايهمه لانه تركه وهو ببطن امه .
تركي : يمه خلاص الله يرحمه قومي خلينا نرجع ساعه ٣ ونص باليل .
تركي : يلا مشينا .
_____________________________________
الشرطي : وش يسون معاكم البنات ها ؟
حمد : الله يستر ليه البنات معاهم
راشد : هي اعقل عن هسوالف لا ادفنك هني والله .
حمد يناظر لولوة من اول ماراحو المخفر وهو منعجب فيه لانها كانت ماتلبس نقاب بس شيله وعبايه مفتوحه كل البنات كذا يلبسون
عوض : وش تناظر ؟
حمد صد عليه
حمد : بسامحكم بس علشان البنات هذول والله مره ثانيه اخليكم تتعفنون بالسجن .
البنات كلهم ناظروا حق لولوه لانهم شافوا من البدايه كيف يناظرها حمد
لولوة : وش فيكم تناظروني ترا مو انا قتله تعال شفيكم .
عوض : انا اوريكم تطلعون برا البيت بدون اذن
صباح : لااا انا مالي دخل لولوة هي عطتنا الفكره
بدر وهو يناظر صباح : عوض سامح صباح عشاني يلا .
شاهين : اقول اسكت الحين يقلب عليك .
لولوة بدلع : OK انا الي عطيتهم الفكره بس مو يعني انا الي جبرتهم يجون معاي .
حمد انعجب فيها زياده من صوتها وشكلها وكان ناوي على شي من شافها ومن سمع صوتها ، قرر يسويه ،
عوض بغضب : عدلي صوتك يابنت الذين ترانا بمخفر كله رجاجيل والله العن خيرك .
لولوة : افف طيب .
الهنوف : يلا عاد اخلصوا .
عزوز : تعالي انتي ليه طلعتي معاهم ؟
الهنوف :  خلاص بالبيت اسالني بس خلونا نروح البيت تعرفون انه عندي فوبيا من المخافر بسرعه
حمد : خلاص مسامحكم .
الشرطي : تعالوا وقعوا كلكم عشان تقدرون ترجعون بيتكم .
وقعوا وكلهم طلعوا برا المخفر ، كانوا متجهين كلهم لسياراتهم فجاة وقف عزوز
عزوز : ياعيال الحقوا
شاهين : شفيك ؟
عزوز : عمي سعد زوج عمتي مات .
بدر : احلف
عزوز : والله محمد منزل شوف
عوض : يلا بسرعه عشان نروح لهم
راشد : هي ياولد ساعه ٤ الفجر وين تبي نروح لهم
شاهين : اقول خلونا كل واحد يرجع بيته وصبح نروح مع الحريم .
راشد : يلا
فعلاً كل واحد راح لسياره مع خواتهم
_____________________________________
"  في العزاء < بيت ام هنادي > "
لولوه : بنات بروح اجيب القهوه لانه تركتها على نار والعامله الله يستر عليها مادري وينها
البنات بصوت واحد : يلا
اتجهت لولوه للمطبخ الي بالحوش
~ ملاحظه * في مطبخين داخل البيت الي هو يعتبر جنب دوانيه الرجاجيل و برا البيت في الحوش * ~
لولوة : منو اخذ القهوه ياربي
حمد الي كان متجه للمطبخ وكان ماسك دله القهوه عشان يسون قهوه للرجاجيل حمد وهو يطق باب المطبخ
حمد : ياعالم
عدلت لولوة طرحتها والي كان طالع نص شعرها
لولوة بدلع : مافي احد
حمد عرف صوتها من المخفر وكان ناوي يخطبها بس يبي يقول لها قبل لا يخطبها ولقى الوقت المناسب
دخل حمد وهو ماسك دله القهوه
حمد : سلام عليكم
لولوة : وعليكم سلام بغيت شي ؟
حمد : اي والله نبي القهوه .
لولوه باستغراب ودلع : انا عاد كنت حسبالي انتو ماخذينها
حمد : وش الي ماخذينها
لولوة : كنت مسويه قهوه للحريم وتركتها على نار ورجعت مالقيتها .
حمد : لا مو حنا زين تقدرين تسوين قهوه للرجاجيل ؟
لولوة : طيب .
حمد كان طالع ولا تذكر يقول لها شي
حمد رجع دخل : عفوا وش اسمك ؟
لولوة : لولوه وش تبي فيه ؟
حمد : لولوه
لولوه : هلا
حمد : ابيك على سنه الله ورسوله اذا موافقه قوليلي عشان اكلم اهلك ؟
لولوه استحت وكان باين عليها ،
وهي تفتح ادراج الكبت الي فيه القهوه ، لولوه : شوف انا ماراح اقول شي بس انا وياك ترا مانعرف بعض يعني زواجنا كله بيصير غلط بس عن نفسي يمكن افكر
حمد وهو فرحان : طيب خذي راحتك متى ماودك تقولين لي اليوم تراني موجود لين بليل
لولوه : ابشر .
دخل راشد عليهم فجاة بدون مقدمات وهو معصب ، مسك حمد من دشداشته
راشد بغضب شديد : شوف ان تكلمت معاها مرا ثانيه وربي الكعبه لادفنك هنا فاهم ياكلب .
حمد بغضب وهو بعد ماسكه من دشدادشته
حمد : كلب مافي غيرك والله مانك ماخذها ياقليل الادب.
لولوه بخوف : تكفون اتركوا بعضكم خلاصصص
راشد بغضب : ادخلي داخل
لولوه ببكي : راشد تكفى اتركه .
راشد ترك حمد وراح مسك لولوه من يدها بقوه وسحبها برا المطبخ
راشد وهو يصرخ عليها : لا تقولين لاحد انك كنتي هنا والله ياويلك .
راحت تركض لولوه عند البنات وكانت تبكي .
_____________________________________
اسفه على تاخير بس والله مو بيدي ❤️ضيفوني تيك عشان اكمل كتابه ll3i3i@ ❤️❤️