"انا لـ هالحين عايش في هذاك الزمان حبيت مره وخفت احب ... من بعدها...."

part 8

استغفرالله واتوب اليه ، لا حوله ولا قوة الا بالله .
_____________________________________
تركي : هلا
الممرضه: سلام عليكم
تركي باستغراب : وعليكم سلام منو معاي
ام تركي كانت مستغربه من تركي
الممرضه : قريب عبدالله احمد ناصر ؟
تركي بحزن : اي ابنه ليش ؟
الممرضه : المريض عبدالله احمد الناصر قال لي دقي على هالرقم وقولي له تعال المستشفى انت وام تركي هذا الي قاله
تركي : مريض !
الممرضه : ارجوك لوسمحت تعال المستشفى لانه حالته صعبه حيل .
تركي : ابشري
سكر تركي وهو مو فاهم اي شي ، ام تركي : وش فيه ؟
تركي : يمه ابوي بالمستشفى وحالته صعبه .
ام تركي : شفيه ؟
تركي : مادري الممرضه دقت قالت انه يبينا يلا نروح ، ام تركي وهي تقوم : يلا
_____________________________
" في المستشفى "
حور بفرحه : يبا اشتقتت لكك
وراحت حضنته وهو منسدح على السرير
ابو هنادي بتعب : ياعمري .
المها : شلونك يبا .
ابو هنادي بحزن : نفس ما انتي شايفه الحمدالله على كل حال .
هنادي : يبا معليك بتصير زين الحمدالله .
ابو هنادي يبي يغير الموضوع : يابنات وين امكم
ام هنادي توه فتحت الباب حق الغرفه .
ام هنادي : شلونك عساك طيب .
ابو هنادي : الحمدالله
ابو هنادي حاول انه يقعد بس ماقدر .
شوق : يبا خلاص عادي مو لازم تقعد اهم شي راحتك .
ابو هنادي بكل جدي وضيقه : يابنات اوصيكم على نفسكم وتكفون طالبكم لا تبكون اذا صارلي شي .
الكل بدء يحس بالخوف .
شوق وهي الدمعه في عينها : يبااا لا تقول كذا
ابو هنادي وهو يبكي : باقي لي من عمري كم ساعه .
شوق انصدمت وصارت ماتقدر توقف على رجولها ، وام هنادي الي للحينها مو مستوعبه الكلام هي وبناتها
المها : ها مستحيل
ام هنادي وهي تبكي : شلون تكفى لاتتركنا تكفى
ابو هنادي بدء يحش بضيقه ومايقدر يتنفس .
ابو هنادي وهو مختنق : مش... كورين ... يابناتي .
وهنا انتهت قصة ابو هنادي وللأسف مات 💔
اول ما مات شوق قعدت تصارخ ولا عن ام هنادي اغمى عليها ولا اقولكم عن هنادي المسكينه الي قاعده تحاول تقعد ابوها ولا حور الي للحينها مو مستوعبه ، جلست حور على الأرض وهي تناظرهم تبي تعرف شلون صار كل هذا تشوف هنادي المسكينه قاعده تحاول تقعد أبوها من موته و شوق الي تصارخ و ام هنادي الي اغمى عليها والكل ناسيها بسبب حزنه ، واخيراً استوعبت حور امها وراحت تصحيها هي وهنادي ، طلعت شوق وهي تبكي وتشاهق .
_____________________________________
" في المستشفى "
ام تركي وهي قاعده تمشي تركي بالكرسي  : شلون بشوف ابوك بعد ٣٤ سنه شلون ؟
تركي : يمه خلاص انسي ٣٤ سنه عادي لا تتوترين
ام تركي ان شاءالله .
ام تركي وقفت : هذيك شوق صح ؟
تركي : شوق ! منو شوق ؟
ام تركي : انت غبي هذولاك بنات عمك الي بشاليه لما جلستوا مع بعض
تركي : اي بس مو يعني اني احفظ منو شوق ماشاءالله واجد هم .
ام تركي قربت شوي ورجعت تركض عند تركي .
ام تركي : تركي قاعده تشهق روح شوفها انت روح شوفها وانا بشوف ابوك ولا تقول انا معك .
تركي : ابشري .
ام تركي راحت وتركي قعد يحرك الكرسي من الدولايب عشان يقدر يوصل لها ، بعد ماوصل لها وشافها بحاله صعبه
تركي : شوق
شوق كانت تبكي وجالسه بالممر وكانت ماتبي احد يسولف معاها
تركي : شوقق
شوق وهي تبكي : ابو.ي ماتت
تركي انصدم وماعرف وش يسوي
تركي : زين تعالي روح نقعد بالكافيه الي تحت تعالي ، قامت شوق وراحت مع تركي وهي تبكي وقاعده تدرج الكرسي .
_____________________________________
" في المستشفى "
هنادي : حور جيبي ماي بسرعه امي قعدت .
حور قامت وهي عيونها متفخه من البكي : ابشري .
ام هنادي بصوت خفيف : ابوكم وينه
حور رجعت تبكي وماقدرت تمسك نفسها وهنادي ايضاً ماقدرت تمسك نفسها وقامت تبكي ، فجاة رن تلفون هنادي ، فتحت شنطتها عشان تاخذ تلفون لما اخذته الي داق محمد
هنادي : هلا .
محمد بغضب : بسرعه اطلعييي من المستشفى انا برا
هنادي باستغراب : شفيك ؟
محمد بتوتر وخوف : عبدالله بالمستشفى وعمتي ام تركي عنده .
هنادي توترت بس حاولت ماتبين لحور شي وغيرت الموضوع هنادي : تمام الحين بجيك عشان اخذه .
سكرت هنادي والتفتت على حور هنادي : انتبهي على امي بروح عند محمد باخذ شي واجي .
حور : يلا ناطرك .
طلعت هنادي مسرعه لعبدالله ومرت من عند الكوفي الي بالمستشفى وشافت شوق وتركي قاعدين باحد طاولات الكوفي وعرفت انه كلام محمد صحيح ماهتمت لهم وراحت لمحمد،
_____________________________________
" في المستشفى "
ام تركي وهي واقفه قدام باب غرفه ام عبدالله : شلون تبيني ادخل شلون ؟!!
ام تركي تراجعت عن دخول الغرفه بسبب خوفها وحزنها ، عبدالله فتح الباب عشان يمشي بالممر ولا يشوف وحده لابسه عبايه ونقاب قاعده تمشي كان متتردد من ينطق اسمها بعد ٣٤ سنه بضبط ،
عبدالله بخوف وتوتر : ام ..ترك.ي ، ام تركي .
_____________________________________
معليه هذا البارت كله بالمستشفى بس البارت الجاي بتعرفونن قصة عبدالله وليش اختفى وهل هنادي ومحمد لهم دخل او لا ، متحمسين صحح 🥹🫶🏻 ادعموني وضيفوني تيك عشان اكمل اكتب ll3i3i@ .💙
الكاتبه : بشاير ال علي .