"انا لـ هالحين عايش في هذاك الزمان حبيت مره وخفت احب ... من بعدها...."

part 7

{ اللهم أني أسألك حسن الخاتمة }
_________________________
شاهين : هي تكفين لا تزعلين ماقدر على زعلك
الكل قعد يضحك على حور وشاهين ، خلصوا اكل وكل واحد راح نام ماعدا عزوز والمها
المها بصوت خفيف : عزوزز لا تسولف بصوت عالي
عزوز : ابشري
المها : عزوز متى بنسوي العرس ؟
عزوز : شسوي كل مانبي نسوي العرس يصير شي احس هونت مابي عرس .
المها بحزن : يعني ماتبيني ؟
عزوز : لا ياغبيه فهمتي غلط يعني مانسوي عرس حتى لو نسوي عرس بس نسوي صغير بس .
المها وهي قاعد تقوم : اقول انت تبي تنام روح نام
عزوز بضحكه : هههههه مصدقه اكيد بسوي لك احلا عرس واكبر عرس .
المها استحت : يلا نعست بنام .
عزوز : بتتركيني ؟
المها : شسوي نعست وثاني شي باجر لازم نقعد مبجر عشان كل واحد يرجع البيت . 
عزوز : راشد رجع البيت ترا .
المها : ليش ؟
عزوز : مادري اتوقع امه دقت عليه قالت ابيك بموضوع مهم .
المها : اها ، يلا تصبح على خير
عزوز وانتي من اهله .
مشت المها لأتجاه غرف البنات ومشى عزوز لأتجاه غرف العيال .
_____________________________________
راشد : يمه مستحيل البنت ماعرفها ولا تعرفني ماني  متزوجها وثاني شي يمه قارنتي بين اعمارنا انا ٣٠ وهي ٢٢ شوفي الفرق فرق ٧ سنين متخيله ؟
ام راشد : ياحبيبي البنت مو ناقصها شي تهبل ماشاءالله والعمر خله على جنب منو الحين الي صار يهتم للعمر .
راشد بغضب : يمه ياعمري فكري بشغلي منو بيتحملني سفرات وطلعات حتى انا ماقدر اقعد وياها اصلن .
ابو راشد : خلاص يا جماعه روحوا ناموا شفتوا ساعه كم عشان تتناقشون بهالموضوع ؟
ام راشد مشت عند راشد وقعدت جنبه ومسكت كتفه بحزن : ياوليدي يمكن اليوم اكون معاكم يمكن باجر مو معاكم خلني اشوفك معرس تكفى طالبك .
راشد حزن على كلامه وكانت في فكره براسه
راشد : خلاص ابشري بس بشرط
ام راشد : وش؟
راشد : اشوف البنت قبل لا اخطبها
ام راشد استغربت منه وقالت
ام راشد : ليه؟
راشد : بسولف معاها بشوفها يعني
ام راشد : اي بالشوفه شرعيه تشوفها .
راشد : لا يمه فهمتيني غلط يعني بس بسولف معاها .
ام راشد : خلاص تمام بكلم عمتك ام تركي بشوفها .
راشد تمام يمه .
_____________________________________
" في بيت ابو هنادي "
ام هنادي : يلا عشان نروح المستشفى بسرعه ابوكم يبينا .
المها : يمه ليش ابوي يبينا ؟
حور : عشان يقول لنا وصيته ههههههههههه
شوق فيها ضحكه بس مسكت نفسها احتراماً لمشاعر امهم .
هنادي : يمه معليك اكيد في خبر حلو عن ابوي
ام هنادي بحزن : ان شاء الله .
حور قعدت جنب امها وحطت ايدها كتفها : يمه لا تزعلين بس كنت بغير الجو ولا ابوي مافيه الا العافيه .
ام هنادي قامت وهي مدمعه : يابنات يلا سياره .
شوق : السايق برا .
هنادي : يلا
طلعوا برا البيت وركبو بسياره وهم مو عارفين ليش ابوهم يبيهم ماكانوا حاطين اي فكره براسهم .
_____________________________________
ام تركي وهي بالغرفه ماسكه تلفون ، تركي الي كان يطق الباب
تركي : يمه عادي ادخل ؟
ام تركي عدلت جلستها : اي اي يمه ادخل .
دخل تركي وجهه كان واضح انه في خبر حلو .
ام تركي : ليه مستانس ؟
تركي بحماس : يمه لقيت علاج عشان اقدر امشي .
ام تركي : وش هو ؟
تركي : علاج طبيعي الطبيب اسمه مروان عليه مدح يقولون يخلي الواحد يمشي حتى لو كان مستحيل ، تركي بحزن قال : نفس حالتي مثلاً
ام تركي : خلاص ابشر ، وين ؟
تركي : خذيت موعد بالمستشفى اليوم ساعه ٨ العشاء .
اك تركي : خلاص تمام .
دق تلفون ام تركي وكان الي داق عبدالله ( ابو تركي ) ام تركي انصدمت وماتوقعت يدق عليها بعد ٣٤ سنه من اختفائه ،
تركي : يمه ردي شفيك .
ام تركي ببكي : ا.....بووكك..
تركي بصدمه : ابوييي ؟؟؟
ام تركي وهي تشهق : اي
تركي : يمه رديي عليه .
ام تركي بغضب : شلون تبيني ارد على واحد مختفي من ٣٤ سنه وارد طبيعي شلونننن؟
تركي : يمهه لا تصرخين لا يسمعون الي بالبيت .
ام تركي : رد عليه .
تركي : ها
ام تركي بعصبيه : رد عليه .
تركي : شلون .
ام تركي نفس ما انت تقول لي ردي رد .
تركي : يمه ..
قاطعته ام تركي وقال : رد
تركي : ابشري
مسك تركي التلفون واول ما رد بتوتر
تركي : هلا .
_____________________________________
حماسسسس للبارت ثاني صحح؟؟ادعموني وضيفونييي تيكك ll3i3i@ عشان اكمل اكتبب🔥🫶🏻