واذا حبك يصير الموت اموت وبيدك ادفني
واكتب ع القبر مظلوم مات وماشبع مني
حسام....عندي الحل
بتول..... شنو هو
حسام.... دزيلي صورتج وانا احكم حلوه لو لا
بتول... لا والله صدك
حسام.... أي والله خل اشوفج وانتي لبسه الفستان
بتول.... مستحيل
حسام.... ليش يعني
بتول.... انت شنو جاي تحجي اكيد لا
حسام.... ليش
بتول..... بدون ليش انسى
حسام.... يعني ماعندج ثقى بيه
بتول.... لا موهيج
حسام.... لا هيج
بتول.... يعني لو مااثق بيك شلون احبك وامنك على قلبي
حسام.... لو فعلاً توثقين بيه ماجان كلتي هذا الكلام
بتول.... يعني شنو انا ماحبك
حسام.... لا تكوليني حجي ماكلته تحبيني بس ماتوثقين بيه
اصلا مو مهم الصوره اصلا اني كل يوم اشوفج ب الحقيقه وشايفج كبالي بس اكتشفت ماتوثقين بيه
بتول.... هسه شنو راح تسويه سالفه
حسام.... ماراح اسوي شي انسي خلص اخذي راحتج وقيسي فستانج على راحتج
بتول.... هاي شنو يعني زعلت
حسام.... لا مازعلت ليش اكو شي يزعل يله باي
بتول.... اهوو هسه بله هاي شنو هسه يعني زعل
صرت افكر بيني وبين نفسي ادزله صورتي لو لا
انا صارلي وياه اربع سنوات ولا يوم طلب مني صوره
ولا كلي او سوه شي مو تمام وحسام صح منفتح ومايهمه احد بس ولا مره حاول يتصرف وياي بطريقه غلط يعني شنو راح يصير اذا دزيتله صورتي دزيتله صورتين بدل الوحده وياريت ماسويت هذا الشي وخليته يزعل
بتول..... وهاي اثنين بدل وحده
حسام.... جنت بسياره اريد ارجع البيت ودزتلي بتول صورتها وكاتبه هاي صورتين بدل الوحده
بصراحه فرحت كلش صح هيه طالعه طك ب الكاع و اول مره اشوفها ب دون حجاب بس فرحت لان هيه تثق بيه ودزتهن
جنت ناوي اشوف الصور وامسحهن بس بعدني جاي اشوفهم
وامي اتصلت
عواطف.... الوو حسام انت وين ابوك تخربط وماخذي للمستشفى
حسام.... على كيفج خلي بالج منه هسه جاي بطريق
ابوي قلبه ضعيف ودائما يتخربط
رحت وراها للمستشفى
حسام.... هاا يوم شنو كال الدكتور
عواطف.... يكول لازم نسويله عمليه عنده الشرايين تعبانه ولازم نبدلهم
حسام.... أي نسوي العمليه شنو ننتضر
هسه اروح احجي وياه الدكتور
حسام... السلام عليكم دكتور
دكتور....وعليكم السلام ابني حسام تفضل
حسام.... شلون وضع الوالد
دكتور... والله كلش تعبان ولازم يسوي عمليه
وحتى اكون واضح وياك هيه كلش خطره وحساسه لان وضع ابوك كلش خطر مو بس شراينه تعبانه وقلبه هم تعبان
حسام.... هسه شنو تنصحنه نسوي
دكتور.... انا عندي صديق دكتور من الهند وكلش شاطر وعنده عمليات كلش ناجحه مثل حالت ابوك
حسام.... تمام نخلي يسويها
دكتور.... بس هو مايقدار يجي هاي الفتره لازم انتو تروحون
حسام.... أي عادي نروح
دكتور.... خلص انا اخابره وادزله كل تفاصيل ابوك
وابلغك شنو يصير
حسام..... تمام شكرا
حسام.... عندك العافيه هاي شنو كل يوم تدلل علينه
اياد.... الله يعافيك ابني
عواطف.... شنو كلك الدكتور
حسام..... كال لازم نسويله عمليه بس مو هنا لازم نروح الهند بعد شكو عليك راح تشوف الهنديات
عواطف.... لا يا هنديات اصلا هنا مو حلوات بس
لي يطلعن ب التلفزيون
حسام.... هو اصلا انا راح اودي لهذني لي يطلعن ب تلفزيون كارينا وكاترينا واشواريا
اياد.... اخ اشواريا
حسام..... هله طلع دايخ على اشواريا راحت عليج عواطف
عواطف..... شنو ماكو روحه رجلي على رجلك
حسام.... هاي شنو ام حسام طلعتي تغارين والله عبالي قويه وماتهمج هاي الأمور
اياد.... ماتغار عليه تغار على مكانها وبرستيجها
حسام..... هنا الحجي
عواطف..... طبعاً يعني بعد هذا العمر اخلي كلشي سويته يروح بلاش
ا ياد.... مو كتلك
حسام يله خل نرجع البيت وباجر نحجي وياه الدكتور
حسام.... رجعنا البيت
بتول.... اريد انام يمعوده كافي تحجين وياه استاذ قاسم
هدى.... اش وبعدين وياج نامي قابل كاضتج
بتول..... ماعرف انام وانتي تبسبسين على راسي
هدى....خلي سماعات ب ذانج وسديهن ونامي
قاسم.... شبيج
هدى....ماكو شي بس هاي بتول كا العاده تنك على راسي
قاسم ..... هههههه شلون صارت
هدى.... زينه
قاسم.... حبيبتي يله خطيه خليها تنام وانتي هم
نامي باجر اجي اخذج الدوام
هدى... تمام حبي
قاسم.... باي قلبي
هدى.... باي
هدى..... يله ارتاحيتي
بتول.... أي رتاحيت
بتول خل اشوف حسام
هدى.... هاا مو ع أساس تريدين تنامين
بتول .... اي نعسانه بس خل اشوف حسام وانام
دزيتله رساله
بتول... نايم
حسام.... لا حبي كاعد
بتول.... شعجب
حسام.... هسه اجيت من المستشفى
بتول.... اسم الله حبيبي شنو بيك
حسام.... مو اني ابويه
بتول.... سلامته شنو صاير وياه
حسام.... قلبه وشراينه تعبانه ولازم نسويله عمليه
ويمكن اخذا الهند
بتول.... شمعنى الهند
حسام.... عمود شاروخ وانوشكا شارما يسوله العمليه
بتول.... هههههه هاي شنو
حسام.... دكتور يكول اكو دكتور هناك شاطر وراح يتواصل وياه ويرجعلي الخبر
بتول.... الله كريم
حسام.... ونعم بالله
بتول.... تصبح على خير حبي استودعتك الله
حسام.... وانتي بخير قلبي والله احبج من تكليلي
استودعتك الله
حسام.... صار ثاني يوم وتصلت ب الدكتور
حسام.... السلام عليكم دكتور
دكتور..... وعليكم السلام اهلا ابني
حسام.... حجيت وياي الدكتور
دكتور....نعم
حسام.... شنو كالك
دكتور.... بعد مادزيتله كل الفحوصات والصور الحالة ابوك وطلع عليهم موافق يسوي العمليه
ونطاني عنوان المستشفى ب الهند لي لازم تسوون العمليه هناك وهسه انا ادزلك الرقم الدكتور والمستشفى
حسام.... تمام
نزلت جو لكيتهم كاعدين
حسام... صباح الخير
عواطف.... صباح الخيرات
اياد.... صباح الخيرات
حسام.... حجيت وياه الدكتور وكلشي تمام
لازم تنطيني جوازاتكم
عواطف..... تمام
حسام.... اريد احجي وياكم قبل لانسافر
اياد.... كول ابني
حسام.... كو بنيه عاجبتني واريد اخطبها قبل لا نروح
عواطف.... منو هاي نعرفها
حسام.... لا ماتعرفيها
عواطف.... وشلون شكلها هاي بنت منو
حسام..... اسمها بتول وهيه على اسمها تروحين وتشوفينها
عواطف.... يارا تعرفها
حسام.... نعم تعرفها
اياد....بنت منو
حسام.... ابوها متوفي وهيه من عائله بسيطه
اياد.... وشمعنه هيه من دون بنات للجامعه
حسام.... احبها
عواطف.... مادام تحبها وعاجبتك تمام
حسام.... شكرا
عواطف ....يله تعال اكل
بتول.... كعدت من النوم لكيت هدى تبدل
بتول....شنو هاي الكشخه كل هذا القاسم
هدى.... أي شعندي غيره غير خطيبي وبعد شكم اسبوع ويصير زوجي
بتول... تتهنين يارب اشوفج احلى عروس
هدى.... حبيبتي وانتي هم بعد قلبي
اجه قاسم
قاسم.... شلونج عمه اخبارج
اطياف.... بخير ابني انت شلونك اهلك شلونهم
قاسم.... الحمدلله زينين يسلمون عليكم
اطياف.... الله يسلمك ابني
قاسم.... ماخلصت هدى
اطياف....هسه تجي اكعد اكل ويانه
قاسم.... مشكوره بس سبقتكم اني
اطياف.... الف عافيه
قاسم.... يعافيج يارب
هدى... اجيت
اطياف.... تعالي اكلي قبل لا طلعين
هدى.... اكول هناك بدوام وياه البنات محضره اغراضي
بتول.... شلونك قاسم اخبارك
قاسم.... الحمد لله انتي شلونج شلون الجامعة
بتول..... الحمد لله
قاسم... فعلا يستحق الحمد
هدى.... بتول حبابه روحي جيبي غراضي من المطبخ
بتول..... تدللين عيوني
هدى.....تسلم عيونج قلبي.
طلعوا هدى وقاسم وكعدنا انا وماما نتريك
وخلصنا وبعدين رتبت المطبخ والماعين
وتصلت على حسام.
بتول..... صباح الحب
حسام.... صباح الحب حبيبتي شلون صرتي
بتول..... الحمدلله عموو شلون صار
حسام..... الحمدلله راح ناخذه ع الهند وافق الدكتور يسويله عمليه
بتول..... ان شاء الله يروح ويرجع بسلامه شوكت تروحون
حسام.... راح ابلش ب أوراق السفر
بس قبل كلشي
حضري نفسج راح اجي اخطبج قبل ماروح
بتول..... شلون
حسام.... مثل ماسمعتي حجيت وياه اهلي
بتول....اي وشنو صار
حسام..... تفقنه نجي ونحجي وياه امج ويمكن بعد شويه العصر
تلكينه موجودين بيتكم
بتول..... حسام جاي تحجي صدك مو تتشاقه
حسام..... وعيونج الحلوه احجي صدك بتول انتي تعرفيني كلش زين اني بحياتي ماجذبت واحجي الصدك لو شنو ماكلفني الموضوع وانتي حبيبتي
وان شاء الله تصيرين مرتي على سنه الله ورسوله
وقبل ماروح حنى مخطوبين بذان الله
بتول.... ان شاء الله
يتبع.....
