حسام .... ان شاء الله تصيرين مرتي على سنه الله ورسوله
بتول..... ان شاء الله
حسام.... اريد رقم امج
بتول.... شنو تسوي بي
حسام.... شبيج قلبي مو كتلج نريد نجي نخطبج
بتول.... حبي بس هيج امي راح تعرف انا نطيتك الرقم وراح تسويلي سالفه
حسام.... يعني شلون هسه
بتول..... تعالوا عادي
حسام.... بدون موعد
بتول.... انتوا عدكم لا موعد وتفاق عدنا عادي
لي يجي هلا بي نستقبله ونرحب بي كلش عادي
حسام.... يعني جاي تقلدين عليه
بتول..... هههههه لا ابدا
حسام.... تمام بتول خاتون
بتول.... اوك حسام باشا هههه
بتول.... رحت نظفت البيت ورتبته
اطياف..... انتي مو مريضه ومارحتي للجامعه جاي تسوين
بتول.... لا الحمد لله زينه مابيه شي
والجامعه مارحت لان ماعندي شي اليوم وكلت خل
ابقى وياه احلى ام بدنيا
اطياف..... يمه منج يله تعالي نخلص الغده حتى تجي اختج ونتغده
بتول.... تمام
امي طبخت الغده وانا واكفه وياها واساعدها
وخلصنه امي راحت تصلي وانا هم
بتول.... صلت واندعيت ربي انو يعدي هذا اليوم على خير وانو ننجمع انا وحسام على سنة الله ورسوله
خلصت صلاة و اجت هدى
هدى.... اليوم بقيتي ب البيت وشكلج مخلصه كل الشغل
بتول.... أي تعالي اكولج شغله
هدى.... خير كولي ماصاير شي مو زين صح
بتول.... لا ماصاير شي بس راح يصير
هدى.... ولج واكفتي قلبي احجي شنو صاير
بتول.... حسام واهله اليوم جاين يخطبوني
هدى.... والله صدك
بتول.... والله
هدى..... مو ع أساس ورى الامتحانات
بتول.... أي بس أبو كلش مريض ويريد يسوله عمليه
وراح ياخذونه الهند ويكول لازم قبل ماروح حنى مخطوبين
هدى....حلووو وامي تدري
بتول..... شلون تدري راح يجون بعد شوي العصر
هدى.... زين مو لازم تسوين ضيافه تقدميها عيب
بتول.... أي بس هسه امي تحس اكو شي
هدى...... معليج انا اكولج مشتهيه كيك وحلويات وانتي تكولين راح نسويها ونسويها انا وانتي
بتول.... تمام
اطياف.... يله بنات تعالوا تغدو
بتول هدى.... يله اجينه
حسام... يوم شوكت نروح البيت بتول
عواطف.... غير نتصل ونطيهم خبر شلون نروح الناس بدون موعد
حسام..... عادي نروح بدون موعد
عواطف.... شلون عادي افرض طالعين عدهم موعد شي مهم
حسام..... كلشي ماعدهم نروح وخلص بعدين منين انجيب رقمهم ونتصل عليهم
اياد...من البنيه يعني منين
حسام.... اني كتلكم احبها بس ماكلت عندي علاقه بيها
عواطف.... شوف الولد يعني شنو عبالك حنى مانعرف عندك علاقه بيها ويارا تكول كول الجامعه تعرف ب علاقتكم
حسام....هنا الحجي ماخذا المعلومات من يارا اني الها
ع العموم هذا الحجي ماينحجي كدام ام بتول
اني مجرد زميلها وشفتها وعجبتني وهذا كلشي أوك
عواطف.... مثل ماتحب
بتول.... خلصنا غده وغسلنا ماعين وسوينه انا وهدى
كيك وبسبوسه وشويت حلويات
اطياف.... شنو اليوم عدكم احتفال عيد ميلاد مسويات كل هاي الشغلات
هدى.... لا بس انا شتهيت كيك وحلويات وعلى الواهس
اطياف.... الف عافيه
حسام..... يله يمعودين شنو انتوا راح تخطبون لو اني
عواطف... انت بس حنى اهلك لازم نطلع كشخه وهيبه لو نروح مبهذلين يعني
اياد..... شتريد ناس تحجي علينه يعني
حسام.... يمعودين منو يحجي عليكم عبالكم طالعين في قمة الناقه عبالك رايحين حفل عالمي مو رايحين نخطب بنيه خطبه مبدائيه بس ترى
يله نروح
هدى لازم تبدلين وتكشخين يعني معقوله طلعين كدام ام حسام وانتي بهدوم البيت
بتول....أي شنو يعني اصلا انا حلوه شلون ماجنت
هدى.... طبعاً حبي بس هم لازم ماطلعين ملابس البيت
جاي نسوالف اجتني رساله
حسام.... وصلنا قلبي
بتول.... كل الهلا بيكم
بتول.... اجو
هدى.... خليج طبيعية
ندكت الباب امي
اطياف... منو
حسام... اني
بتول امي فتحت الباب وجان حسام وامه ب الباب وانا وهدى نراقب من شباك المطبخ
اطياف.... اهلا وسهلا تفضلي حضرتج
عواطف.... هذا بيت بتول
اطياف.... أي تفصلي
حسام.... مرحبا خاله عرفتيني
اطياف.... كل هلا أي عرفتك انت زميل بنتي ب للجامعه
عواطف.... نسولف ع الباب
اطياف.... لا طبعاً اسفه تفضلي يا هلا وسهلا
بتول انا وهدى شردنا ع الغرفه
هدى.... ولج هاي عمتج عبالك شارده من فلم عربي
خاف جانت تمثل ب مسلسل مناوي باشا
بتول.... ولج كعدي
هدى.... تعاي نشوف سعاد خاتون
بتول.... لا تقلدين على عمتي المستقبليه
هدى..... ولج هاي شلون تكليلها عمه لازم تكوليلها هانم ست مو عمه
بتول....هههههه
حسام بقى برى ينتضر
دزيتله رساله
بتول..... هاي امك لو جايبها من فلم مصري
حسام.... لا تقلدين على امي
بتول.... يمعود هسه امك وامي شلون راح يتفاهمن
حسام..... خاليها على الله
بتول.... ونعم بالله
اطياف.... اهلا وسهلا كل الهلا
عواطف..... شكرا
اطياف..... هدى تعالي
هدى.... السلام عليكم نعم ماما
اطياف.... شوفي ضيفتنه شنو تشرب
عواطف....تسلمين لي يعجبج
هدى... تمام
عواطف.... بدون لف ودوران حسام زميل بنتج بتول بنفس الجامعه وهو معجب بيها وبخلاقها وحنى ماعدنا غيره ولي يريده نسوي له
طبعاً حسام مستقبله واضح هو الوريث الوحيد الإمبراطورية الراسي التجاريه واكيد البنت لي تتزوجه تكون محظوظه
اطياف....مادام ابنج زميل بنتي وهو قرار يتزوج اكيد يعرف انو انا بناتي مربيتهن على الاخلاق والادب والحمدلله رغم ماعدنا امبراطوريه بس بناتي شبعانات وبحياتهن ماحتاجن شي أو احد وبفضل رب العالمين مايهمهن الرجال شكد عنده فلوس أو عقارات بكد مايهمهن يكون صاحب اخلاق ويكون ايخاف الله بيهن
وخاصه بتول هاي الغاليه كنوز الدنيا كلها ماتعادلها
عواطف.... الله يخاليها لج يارب
اطياف... تسلمين يخاليلج ابنج يارب
هدى.... سويت عصير برتقال وكيك وشويه حلويات
ورتبتهم ب الصينيه
بتول.... هاا شنو صار
هدى.... شكلها حاميه بين امج وسعاد خاتون
بتول.... الله يستر
هدى..... روحي بدلي وكشخي
وديت الضيافه
عواطف..... شكرا حبيبتي
هدى.... العفو دللي
عواطف.... مانشوف بتول
اطياف.... هدى صيحي البتول خل تجي
هدى.... حاضر
هدى.... طلع اسمج يله تعالي
بتول.... البست فستان اسود شيفون وبي تفاصيل ناعمه وبسيطه بس نازك
ورفعت شعري بدون مكياج بس مرطب وردي بشفتي
انا حلوه ماحتاج مكياج هههههه
وطلعت
عواطف..... بسم الله مااشاء الله
بتول.... السلام عليكم
عواطف..... وعليكم السلام تعالي حبي كعدي يمي
بتول.... كعدت يمها
عواطف.... شلونج
بتول.... الحمد لله
عواطف.... انتي هم مرحله أخبره
بتول.... نعم
عواطف.... تعرفين يارا
بتول ..... أي أعرفها وياي بنفس القسم
عواطف.... هسه شنو كلتي ام هدى
اطياف..... عدها اهل وعمام لازم ناخذ رئيهم
عواطف..... اكيد بس اعتبرها موافقه مبدائيه
اطياف... ان شاء الله
عواطف.... استاذن
اطياف.... الله وياج
طلعت
حسام.... بشري
عواطف..... البنيه حلوه عجبتني بس
حسام.... بس شنو
عواطف.... مستواهم الاجتماعي مو تشوفه مايناسب مستوانا
حسام.... يوم الله يخليج انا قابل شنو راح اتزوج مستواها اني احبها
عواطف..... هسه قابل اني شنو كلت
اطياف..... انتي شنو رايج ب الموضوع
بتول.... بكيفج لي انتي تكولينه هو يصير
اطياف...... يعني انااذا مااوافق انتي ماتوافقين
بتول..... ليش ماتوافقين
اطياف.... مو كلتي بكيفج هذا بكيفي
بتول...يعني شنو هسه
اطياف ....انتي تربيتي واعرف شنو بيج مابيج
وهاي سوالف البنات مو عليه
بتول..... هههههه
هدى.... مبروك حبيبتي
بتول.... الله يبارك بيج
ورى يومين اتصلت ام حسام
يتبع......
