وإنا بروحّي
حِزن ديرةه
ومَلامح خوف
وحَرب چذبةه ، وحِلم تايةه
ونَهر ثالث حُفر خَدي
غَريب بكاع مَتلمني
چم ليلةه
اذب دموعي ع المامشَ
ولا ادري .
حيدر.... هاا منين جبتي هاي السالفه
اسراء.... هههههه اشاقه وياك
يله عوف الجكاره وتعال نام
حيدر.... اجيت
هدى.... منو هذا لي بتسمه شكت حلكج وانتي تحجين وياه
بتول.... ياا شدعوه يمته
هدى.... هههههه من عاشر القوم
بتول.... شنو تقصدين
هدى.... قصدي طريقة كلامج
بتول.... هذا تأثير شمس وقمر
هدى..... اخاف تأثير الشيخ حيدر
بتول.... منين جبتي هذا الحجي
هدى.... ولج بتول يعني اذا بعدتي عني شكم شهر ماعرفج يعني انتي اختي واعرفج كلش زين
بتول.... شنو تقصدين
هدى.... قصدي تأثير الشيخ حيدر واضح عليج
بتول.... اكذب عليج اذا كتلج لا تعرفين شنو ساعات احس انو رب العالمين عوضني ب الشيخ حيدر
عن حنان الاب عوفه عليه ومساندته لي من يكلي بويه احبها كلش واحب اسمعها منه
رغم هو مايعرفني ولا شي بس وثق بيه وحماني
احب وجوده وياي احس ب الامان
احس اني قويه
هدى.... اوف كل هذا وتكولين ماكو شي
بتول.... أي مو مثل ماانتي مفكره
هدى.... لا مثل ماانا مفكره واكثر بس انتي مو معترفه ب الموضوع
بتول..... يله سدي الموضوع
اريد اروح السهير
هدى.... عندي رقمها
بتول.... بشرفج وساكته
هدى.... هسه ادزه لج
بتول.... صار الصبح وحنى تقريباً مو نايمين
اخذت الرقم وتصلت ع سهير
اكيد ماتجاوب عبالها واحد ماتعرفه وتخاف من سعد
كتبتلها
جاوب انا هدى وهذا رقمي الجديد
جان تتصل عليه
سهير.... الوو حبيبتي هدوي اسفه بس تعرفين
بتول..... بعده سعد العقده مايقبل ترفعينه اذا رقم غريب
سهير.... هذا صوت وطريقه بتول ب الكلام
سهير.....بسم الله الرحمن الرحيم منو وياي
بتول.... شدعوه نسيتي صوتي
سهير..... هدى فدوه شنو هذا الشقه لا تسوين وياي هيج
بتول.... ولج مرة سعد هاي اني بتول شبيج
سهير..... مو كالوا متي شرجعج
بتول.... هاا ولج تريديني اموت اني اعلمج
سهير.... انتي وين
بتول.... بيتنه
سهير.... هسه اجيج
سهير..... معقوله هاي بتول نفسه الحمدلله والشكر لك يارب
بتول.... هدى كومي راح تجي سهير
هدى.... تمام كايمه
اسراء.... صباح الخير يله حضرت الحمام واسبح وريوك جاهز
حيدر.... زين
بتول..... اخذت تلفوني ودزيت رسالة الشيخ حيدر
صباح الورد
حيدر جنت كايم اريد اسبح وشفت التلفون اجاني اشعار فتحته طاهره
حيدر... صباح الورد على احلى ورده
شلونج بويه
بتول.... بخير انت شلونك
حيدر.... من اسمع صوتج اصير كلش زين
بتول اتصلت
بتول... الوو
حيدر.... هلا ب هل صوت
بتول.... بلمهلي بويه شلونك عساك بخير
حيدر.... بخير انتي شلونج
بتول.... بخير مادام انت بخير بويه
حيدر.... هاا شني بويه تقلديني لو تتمزهدين عليه
بتول..... هههههه استغفر الله شيخ بس من عاشر القوم
حيدر.... هههه ا ذا هيج زين بعدها اختج يمج
بتول.... نعم وهم راح تجي سهير صديقتي
حيدر.... زين يله بويه ماريد اعطلج عنهم في امان الله
بتول.... استودعتك الله
هدى.... يله بتول تعالي حضرت الريوك
بتول.... جايه
واجت سهير
سهير.... هاي صدك انتي بتول
بتول.... أي جا جذب
سهير... جا هاي منين
هدى.... أي جا تأثير الشيخ هذا
سهير....هلا بيها شيخ السالفه يله تعالي سولفيلي
بتول.... صفيتوا ثنينكم عليه
بتول كعدنا اني وسهير وهدى وسوالفنا وتونسنا
بتول.... بنات اريد افتح بيج مال هدايا وحلويات
واريدكم تساعدوني
هدى انا جاهزه أي شي
سهير وانا هم أي شي تحتاجينه موجوده
شنو راح يكون اسمه البيج
بتول.... والله مادري
هدى..... اختاري اسم مميز
بتول.... خل افكر
هدى.... يله بنات انا لازم اروح
سهير.... انا باقيه ماعندي شي سعد مسافر
بتول.... مو تكطعين كل مايصيرلج فرصه تعالي
هدى.... ان شاء الله وانتي أي شي تحتاجينه بس اتصلي
بتول.... تمام
هدى...باي اجه حسام
بتول سهير.....باي
حسام.... شلونج
هدى.... الحمدلله
حسام.... شلون الوضع بينج وبين بتول
هدى.... الحمدلله كلش زين
حسام.... الحمدلله
حسام.... شغلت التبريد مال السياره وعطر بتول مله السياره اعرفه هذا عطرها
وصلنا البيت اول مادخلنا حضنت هدى غصب عني
وصرت اشتم بيها عمود املي رئتي من عطر بتول
حسام.... اخ لو تدرين شكد اشتاقيتلك وشتاقيت العطرج بعد لا تبعدين عني
حسام... غبي احجي وعبالي لي بحضني بتول مو هدى
هدى.... هيج بعدي اثر بيك
حسام.... فزيت ع صوت هدى وانتبهت انو هاي هدى مو بتول
حسام.... اكيد هدهد وشتاقيت الكلج وجوعان
هدى.... هنا الحجي طلعت جوعان مو مشتاق لي
حسام.... لا مشتاقلج بس شتاقيت الاكل اكثر من البارحه مو ماكل شي
هدى.... هههههه يخسه الجوع هسه اسويلك احلى اكل
سهير.... أي منو هذا الشيخ هاا
بتول جاي احجي واتصل
بتول.... اس بس اخلص اجوبج
بتول.... الووو
حيدر.... هلا والله
بتول.... شلونك اخبارك
حيدر.... موزين
بتول.... اسم الله شبيك
حيدر... مضيعج
بتول.... شنو
حيدر.... ماكو شي بعدج ماتنامين
بتول..... نعم تعودت وانت ليش مو نايم
حيدر...تسهرني عيونك ليل ونهار
وانا دليلي من العشك تعبان
الوادم تسكر ب الخمر وانه من شفت عيونك لساع سكران
بتول.... هاي شنو شيخ صاير شاعر
بس لازم تعرف هيج يعني انت ع كولتكم عاشق
حيدر.... وقلبي موجر
بتول.... سلامة قلبك
حيدر.... راحلج فدوه
بتول... احم يفداك عداك شيخ
انا احجي وسهير فاتحه حلكها واتشر
حيدر.... شني يمته تسوين بيج الهدايا مالج
بتول.... جاي اجهز بس عندي شكم شغله لازم اسويهن
حيدر.... اذا تختاجين شي انه حاضر
بتول..... اول محتاره شنو اسمي وثاني شي يعني لازم اسوي علانات واصعد الحساب لي اسوي
حيدر.... هاي الشغله خليها عليه
عندي واحد اختصاص بهاي الشغلات
اذا تريدين اخلي يرتبلج احساب ويموله لج ويصعدلج الحساب
بتول.... أي والله
حيدر... دللي
بتول.... واسمه
حيدر... جماره
بتول.... حلو
حيدر.... على صاحبته جماره
بتول... شكرا
حيدر.... يله بويه تصبحين على خير
بتول.... وانت من اهل الخير
سهير....ناقص بس موسيقى
بتول.... انتي شنو اريد احجي ماكدار بس تاشرين
سهير.... كل هذا الحجي وماكدارتي تحجين اريد اشوف هذا الشيخ شلون صاير
الله عليج حلوو
بتول.... شنو هذا الحجي بمعوده الرجال متزوج وزوجته شيخه بنت شيوخ ومره معدله
سهير.... اي وشنو الشرع محلل اربعه
بتول....شوف هاي سويتيها شرع ومادري شنو
انتي شايفته
سهير..... وين شايفته شكد عمره
بتول.... 42 سنه
سهير.... أي العمر مجرد رقم بعدين تلكينه هسه رزن
واعي
بتول.... شبيج بويه ماكو هيج حجي
لا تجيبين كلام من يمج
سهير.... يله نشوف بعدين
بتول.... هسه عوفج من هذا الكلام كلي انو عنده واحد يروج البيج مالتنا ويرتبه
سهير.... حلوو
لازم نطلع نجيب الشغلات لي نحتاجها
بتول.... باجر ناخذ هدى ونروح انا وانتي وهيه
سهير...تمام
بتول رحنا وشترينه هواي شغلات وسوينا شكم شغله
وصورناها سويت حساب ونفس ماكال شيخ حيدر
روجنا اللبيج ومرت الأيام
هدى.... راسي اريد اكوم الدوام نفس كل يوم
بس دخت
حسام.... شبيج
هدى.... مادري بس حسيت بدوخه هسه اصير زينه
واكوم اسويلك ريوك
حسام.... لا خليج انا اسوي ريوك وانتي ابقي وحتى الدوام لا تروحين
هدى... شدعوه هيه شوية دوخه وهسه تروح
سوه حسام الريوك وجابه بس ابد ماشتهيت اكل
اصلا لعبة نفسي منه وستفرغت
حسام.... هاي شبيج اليوم
هدى.... يجوز فلونزه
شويه واصير زينه
حسام.... انا رايح الدوام وانتي نامي ورتاحي واي شي تحتاجينه اتصلي واذا ماصرتي زينه العصر نروح
الدكتور
وحتى غده لا تسوين انا اجيب وياي
هدى... راح حسام وبيقيت دايخه
بعدين اتصلت بتول
بتول.... الوو
هدى... الوو
بتول.... شبي صوتج
هدى.... مادري بس كلش دايخه وتعبانه
بتول.... رحتي الدكتور
هدى.... لا بس حسام كال العصر نروح
بتول.... اكولج سويتي تحليل مال حمل
هدى.... لا واصلا ماعندي
بتول.... هسه اني اروح الصيدليه واجيبلج واجي
هدى..... معقوله
بتول.... ليش مو معقوله يعني غير انتي متزوجه
هدى.... اي
بتول..... أي بعد شنو
رحت الصيدليه وجبت اختبارات حمل
هدى.... تعالي
بتول.... جبتلج عصير وياي هم
هدى.... شكرا
بتول.... يله روحي سوي الاختبار متحمسه
هدى.... شبيج متحمسه اكثر مني
بتول.... أي طبعاً غير راح اصير خاله يله روحي
هدى...سويت اختبار الحمل
بتول.... هاا بشري شنو
يتبع.....
