حرامات حرامات نترس قلبي حرامات
حاقد وادور ع القناعات يقلبي بنيا تقصد
شبيك انثها يم حجي الإشاره حرامات
المشيتلهن مشلني وهذا اخر سلام الروحي مني
سمير.... بشر شنو الكيت
كريم.... لكيت شي جنت أتمنى الكه
سمير.... شنو لكيت
كريم.... شوف
سمير.... لك هاي صاروخ
كريم..... تعرف هاي البنيه محد يكدار يدنه يمها ب الجامعة تبيع عليهم اخلاق ومثاليات وهنا هي وابن الرأسي صور
راح العب لعبتي
الفستان احمر واليله حمراء
سمير.... شنو تسوي
كريم.... هسه تشوف خليني اشتغل وبعدين اشوفك
راح نحصل خوش شغل وهذا الصاروخ راح يجيب مشاهدات بس خل اعدل ع صور
واضبط شكم فيديوو
بتول.... راح اتخبل يعني ليش حسام ماكو
هدى.... اهدي اكيد ملتهي وياه ابوه بس راح يفرغ يتصل أو يدزلج رساله
بتول.... مستحيل حسام حتى لو جان مشغول جان دزلي رساله ع الاقل مو مرتاحه الموضوع
هدى.... الغايب عذره وياه
حسام.... بعد عدت ايام من تجهيزات والفحوصات اليوم يسون العمليه
واني اصلا بالي عند بتول وهم متوتر من الوضع دخلووا ابوي العمليه وطولت تقريباً 8ساعات
والحمدلله الله طلع الدكتور وطمنه انو هيه ناجحه بس لازم يبقى تحت المراقبه
حسام.... يوم اريد تليفونج
عواطف.... تفضل
حسام.... الوو
يارا.... هلا حسام
حسام.... يارا اريد منج خدمه
يار.... اي اكيد تدلل
بس أول شلون صار عمو
حسام.... الحمدلله طلع من العمليات والعمليه ناجحه وبس لازم يبقى تحت المراقبه
يارا.... الحمد لله
حسام.... عندج رقم بتول
يارا.... لا والله
حسام.... سهير
يارا.... أي عندي رقمها
حسام.... احجي وياها اريد رقم بتول تليفوني ضاع
يارا.... اوك من عيوني
حسام.... انتضر منج رد
هدى كاعدين نسولف انا وبتول واتصل قاسم
هدى.... الوو حبيبي
قاسم.... بتول وينها
هدى.... هاي يمي شكو شصاير
قاسم...... كولي شنو مو صاير صور اختج موجوده بكل مواقع التواصل ماعتقد اكو واحد ب العراق ماشافهن
هدى.... انت شدكول اكيد غلطان شنو يعني صور بتول بكل مواقع التواصل لا قاسم اكيد غلطان
قاسم.... لج ياغلطان هسه ادزهن لج و شوفي شلون غلطان
بتول.... شكو ليش تصيحون شبي قاسم
قاسم.... دزهن لي ابن عمي يكول ناشريهن على موقع اباحي
هدى..... كافي مستحيل تكون بتول
هدى.دزلي قاسم الصور عزا هاي بتول
ولج بتول تعالي شوفي المصيبه الطاحت على راسج وراسنا
بتول..... شكو نخبصتي
هدى.... ولج هاي شلون ويمتى
بتول شفت الصور ونصدمت لا مو انا والله مو انا وحق الحسين ولج مو انا
هدى.... شلون مو انتي هاي مو صورتج
بتول.... مادري بس مو انا ولج بحياتي ماخذت هيج صوره حتى ب الغلط حتى بتليفوني
هدى..... وهاي الصوره مو فستانج مال عرسي موهاي غرفتي
بتول.... أي هاي صورتي بس الباقي مو لي وكمت مو ابجي ادك ولطم شنو راح يكولون عني الناس شلون اكدر اباوع بعيون الناس وغير هيج هاي الصوره مانطيتها غير الحسام شلون نتشرت معقول حسام سوه هيج
شنو راح اكل الامي
هدى.... ولج بتول خزيتينه نفضحنا تدرين قاسم يكول ابن عمه شافج ع موقع اباحي ودزه له يعني يعرفوج شنو راح احجي
بتول.... ولج ليش ماتصدكيني والله مو انا هاي انتي واختي شلون الناس الغريبة
هدى.... مصدكتج بس شنو الفايده والناس شلون راح تصدك
شويه واجه قاسم وامه
اطياف.... هلا وسهلا تفضلوا
ام قاسم...لا هلا ولاسهلا
يله قاسم سوي لي جايين علموده
اطياف.... خير شنو لي جايين علموده
هدى.... قاسم
قاسم.... هدى انتي طالك
اطياف..... شنو بنات الناس لعبه جاي بهذا الوقت وشكو
ام قاسم.... لا بنات ناس مو لعبه بس بناتج مو بنات ناس بنات قليلات ادب
اطياف..... لهنا وكافي بناتي خط احمر مااسمح احد يجيب طاريهن بكلمه
ام قاسم.... هههههه ضحكتيني والله اصلا بنتج صارت سيرتها على كل انسان
اطياف..... شلج بهذا الحجي اذا ماتريدون تكملون هذا الزواج براحتكم بس لا تشوهين سمعت بناتي
ام قاسم.... روحي شوفي بناتج ويامن جانن وبعدين احجي يضاهر بعدج ماشايفه صور بنتج المدلله
شلون منتشره
اطياف.... شلون
ام قاسم.... مثل ماكتلج يله قاسم امشي
هدى بعد ماجه قاسم وامه لبيتنا وامه كامت تحجي اشكال الوان وخلت قاسم يطلكني بعد ماعرفت شنو احجي وشكول بقيت بس ابجي ومصدومه منه يعني معقوله من اول موقف صار يتخله عني
اطياف..... ولج عن ياصور يحجي منو لي منتشره صورها هاا جاوبني تحجن لو هسه اخلي عليجن نفط وحركجن هاي تاليتي تالي تربيتي وتعبي تنزلن راسي بين الناس وانا امشي واكول بناتي اليوم ماتبقن عايشات منو منجن صخمت وجهي احجي هدى انتي
لو انتي بتول يله احجن وامي تصيح وتلطم على روحها وشويه علينه انا وهدى ماتحملت الموقف انغمى عليه صحيت بفراشي وامي كاعده يمي
فزيت
بتول.... ماما والله مو وو انااا انا والله وروح ابوي
اطياف.... سكتي لا تحجين
كومي اكلي انتي عندج ضغط سويت اكل لي تحبينه
بتول.... يعني مصدكتني
اطياف.... انا لي جبتج على هاي الدنيا وانا ربيتج
بتول... تحجي امي وتوكلني
اطياف.... وعلمتج وكبرتج وحتى اسمج انا ختاريته
وانا راح اخليج ترحين من هاي الدنيا ماراح اخلي احد ياذيج ويبهذلج
بتول.... يمه بطني راح اموت بطني شنو خاله ب الاكل
اطياف.... بدل مايجي اولاد عمج وعمامج والناس وننفصح اكثر وانتي تتعذبن يجوز يضربوج أو يعذبوج قبل مايكتلونج هسه شويه وترتاحين للأبد
بتول.... يمه حضنيني اريد اموت بحضنج
بتول حضنتني وانا سجاجين تكطع بطني وبعد ماحسيت بشي غير السواد دنيا صارت ظلمه وبارده وبعد خلص كل احساس ماكو اكيد رحت العالم ثاني
هدى.... يمه وينج
اطياف.... انا هنا
هدى.... بتول شلون صارت
اطياف.... ماتت
هدى..... يمه شنو هذا الحجي
اطياف.... مثل ماكتلج ماتت ماتت
هدى اول عبالي تحجي هيج من القهر
بس بعدين صارت دك وتلطم ودورت مالكيت بتول ب البيت
هدى.....مستحيل بتوووول ولج وين رحتي
شلوووون شلون ماتتت يمه جاوبيني
امي وهيه تبجي
اطياف..... انتحرت خلت سم وياه الاكل
اجيت لكيتها منتهيه مالحكتها
هدى.... وينها هسه
اطياف.... وديتها ب المستشفى وباجر اروح ادفنها
هدى.... اريد اشوفها اخر مره
اطياف.... لا ابد مستحيل محد يروح غيري
هدى.... يمه هاي اختي اريد اودعها
اطياف.... اصلا هسه يجون عمامج ويسولنه سالفه اروح محد يدري ادفنها وخلص
هدى صدك ورى ساعه اجو عمامي اولدهم
وخبصوا الدنيا وقتحموا البيت علينه
امجد.... وينها هاي المسويه روحها مستوره الفضحتنه بين العالم اليوم اموتها واشرب من دمها
عماد ..... احجي بنتج وينها
اطياف.... ماتت
امجد..... هههههه شنو كدامج زوج شنو تقشمرين على منو هاا وينها وين لبتيها هاا
هدى.... انت ماتفهم جاي نكلك ماتت ماتصدك بكيفك
عماد..... شلون ماتت وين دفنتيها
اطياف..... خافت منكم وانتحرت بسم مامصدك بعده الاكل موجوده روح اكله
ودفنتها ب .... روح شوف كبرها
هدى بعد ماكلتلهم امي هذا الكلام راحوا اصلا حنى مانشوفهم بس ب المصايب
بقينه بس انا وامي ندك ونلطم وثاني يوم سوينه قرايه وكل الناس عرفوا بتول ماتت
يتبع.....
