ගඟ ඉහත්තාවෙ දිය කඩිත්ත ළඟ පන් පඳුරු අතරින් උදෑහැනැක්කෙම ගියොත් ඉඳුසැව් ගව්ව හැබැහින් ම දැක්ක හැකි වෙන්නෙම පන් පඳුරු අස්සෙ ම එහෙ මෙහෙට රූං ගාලා පිහාඹින ඒ පුංචි සත්තු හන්දා
-අලුත් ඉස්කෝලෙ මහත්තයා-
ඉවුරේ මඬ වැලි එක පොදියට ගුලි කරාන රඳව ගන්න හිතාන කෙඳි වගෙ මුල් මිටිය විහිදා ගත්ත උණ පඳුරු මුදුන් මත්තෙ රන් පාටට පිපෙන උණ මල් කියන්නෙ ම තනිකරම ඒ උණ පඳුරු වලට කටු ඔටුන්නක්
-රන්මලී-
ඉර එළියට දිලිහෙන්න ගහ මුදුනේ පිපෙන තල මලකට බඹරු ඇදෙන හන්දම අහල හත් ගව්වම ආල පාලු වුණත් එහෙව් තල මලකත් වරුණාව ගැන කවි කීවා මිස ඒ වගෙම රන් පාටින් පීදෙන උණ මලට වගෙ බැණ අඬ ගැහුවෙ නෑ කවදාවත්
-එතනා-
උණ මලත් තල මලත් දෙකම රන් පාටට දිලිහෙන එකම මත් රහක් මිස කාටවත් කොහෙට වත් ආලපාලු කං කැන්දන සාපයක් කියල හිතන්න නරකයි
-සේතං-
Oops! This image does not follow our content guidelines. To continue publishing, please remove it or upload a different image.
හත් ගව්වකින් දුරක නසා දිවි පිපුණාට
තල මලක රොන් කෙමිය ගුණමකු ද කියාපන්
පීදිලා යස රුවට රන් පාට කෙමියකම
මව් නසන උණ මලක හදින් යළි අසාපන්
වට නසන මව් මරන තල මලට උණ මලට
බඹර තටු ඒ තරම් ලොබ ඇයි ද සොයාපන්
තඹර වුව අත හැරම සමනල් ද බඹර තුඩු
මත් රසක් සොයන එක අකැප දැයි කියාපන්
උණ මලක් තල මලක් නොවෙන වග සාපයක්
ලියා ඉඳුසැව් ගව්වෙ හංගලා තියාපන්
රැඳී සිටින්න.
Nidrush_97
YOU ARE READING
ඉඳුසැව් ගව්ව (SlowUpdate)
Tiểu Thuyết Chungහත් ගව්වකින් දුරක නසා දිවි පිපුණාට තල මලක රොන් කෙමිය ගුණමකු ද කියාපන් පීදිලා යස රුවට රන් පාට කෙමියකම මව් නසන උණ මලක හදින් යළි අසාපන් වට නසන මව් මරන තල මලට උණ මලට බඹර තටු ඒ තරම් ලොබ ඇයි ද සොයාපන් තඹර වුව අත හැරම සමනල් ද බඹර තුඩු මත් රසක් සොයන එක අකැප...
