ماذ بعد ذلك بقلم اروى محروس

5

نرجع لنور و  اصحابها كانوا لسه بيعملوا الخطه اللي هيهربوا بيها نور  كده تمام يا شباب ولا في حاجه مش واضحه يلا الفاتحه بقى قبل ما نبدا تنفيذ الخطه
خديجه: ثانيه واحده بس انتي دورك ايه في المهمه دي
نور : وانا مش قلت مهمه الرجاله هيدغدغوا الواد اللي هيجي يفتح لنا الباب انا بقى هضرب معاهم
خديجه يا سلام يا اختي طب ما انا اضرب معاهم
نور براحتك انت لو اخذت المهمه دي صعبه جدا ليه بقى لانها محتاجه ذكاء وانتي ما شاء الله دماغك زفت
خديجه بخوف لا لا خلاص هنفذ المهمه اللي قلتي عليها في الاول
نور : كده تمام كل واحد عارف دوره يلا يا خديجه صوتي
خديجه :باستغراب اصوت ليه
نور : يادي النيله مش قلنا المهم بتاعتك تصوتي عشان تقولي لهم عايزه تروحي الحمام  عشان يفتحوا لنا الباب
خديجه بدون تفكير وهي بتخبط على الباب يا جدعان يا لهوي عايزه ادخل الحمام افتحوا لي افتحوا لي الباب بسرعه هبهدل الدنيا هنا
كلهم كانوا واقفين مصدومين وفجاه وهي بتخبط الباب اتفتح
خديجه : الحقوا يا جدعان الباب اتفتح لوحده من ضربه واحده مني ده انا قويه جدا
الباب فعلا اتفتح طلعوا كلهم يبصوا بره ما كانش في اي حد
نور: تلاقيهم اتخضوا من صوتك اصلا فطلعوا يجروا
خديجه : يا سلام يا اختي انت عايزه تشككي في قدراتي وخلاص اعترفي بقى اني جامده جدا وصوتي بس رعبهم
اصحاب نور بس بس انت وهي يلا خلينا نجري بسرعه قبل ما حد يجي
خديجه :يجوا بس كده وانا اوريهم هصرخ صرخه اموتهم كلهم
نور: مش وقت يا بت يلا بسرعه
وطلعوا يجروا كلهم من المكان وطبعا اصحاب نور كان معاهم عربيه فوصلوهم لحد البيت كان طبعا الوقت متاخر جدا
وصلوا على اول الشارع يلا يا استاذه نور انت وخديجه انزلوا  ومش عايزين نعرفكم ثاني
نور :على فكره انتوا الخسرانين انكم تعرفوا شخصيه مهمه زيي عمركم ما كنتوا هتعيشوا الاكشن ده لو ما كنتوش عرفتوني
اصحاب نور: شكرا يا برنسيسه نور اتفضلي يلا
خديجه :محدش عايز يقول لي كلمه يا  ولاد قبل ما امشي انا انقذتكم النهارده ما فيش حتى كلمه شكرا
اصحاب نور:يلا يا بنت انت وهي خلصونا انزلوا يلا
خديجه ونور وهم ماشيين
نور :صحيح يا خديجه ما فكرتيش ازاي هم سابونا نهرب ازاي بالبساطه دي
خديجه : بومبا انا ما بفكرش انا عارف هيكون ايه يعني دبان منور لازق في السجاده الزرقاء اللي فوق دي
نور: انا بتكلم بجد الموضوع قلقني قوي
خديجه : بنت انتي ابعديني عن مواضيعك دي بقى انا بحمد ربنا ان احنا خرجنا وخلاص مش مهم بقى اللي هيحصل بعدين
نور: طب يلا سلام انا هدخل ادخلي بالراحه يا زفت عشان ما حدش يصحى ونروح في داهيه
خديجه : طيب تمام سلام اه صحيح يا نور انا بكره اجازه من الشغل مش رايحه لازم اخد راحه بعد المجهود اللي انا عملته وانقذتكم استراحه محارب بقى
نور : انا عارفه انك مش هتسكتي يا بنتي دي صدفه صدفه
خديجه وهي خلاص هتعيط: انتي ليه دايما تستخفي من المجهود اللي انا بعمله يا بنتي انا كل مره بنقذك وانت تقعدي تتكلمي وتقولي كده وتقولي برده صدفه شكرا يا برنسيسه نور انا هروح انام ما تكلمينيش تاني مخاصماكي

في الصباح
خرجت نور راحت على القسم على طول اول ما دخلت سالت العسكري اللي واقف لو سمحت حمزه باشا موجود في مكتبه
العسكري :ايوه موجود نقول له مين
نور: لا ما تقولش انا هدخل له ما استنيتش العسكري يكمل الكلام وراحت داخله على طول كان دخل وراها رحت قفلت الباب في وشه
نور : حضابط
حمزة: انا عارف الصوت ده كويس
نور:ابن خالتي يا غالي
حمزة : خير يا نور هانم في حاجه تاني
نور : حاجه واحده بس دي حاجات
حمزه : خير ان شاء الله مين بقي اللي عليه الدور
نور وهي بتعقد علي الكرسي : عمر صاحب شركه Am
حمزة: بتهزري مش كنا خلصنا منه ويا ترى بقى المره دي فين في بيته ولا في الشركه
نور : خلصنا لأ يابابا أنا مكنتش عارفه امسك عليه حاجه بس دلوقتي خلاص جاي يقطع الشك باليقين  ولا في البيت ولا في الشركه المره دي غير في المخزن وكمان في فار كبير
هناك في  كراتين مخدرات كثير جدا بس لازم  نتحرك بسرعه ما فيش وقت اؤمر العساكر يلا هجوم انا عارفه المكان كويس
حمزة وهو بيخبط علي المكتبه بتاعه: ارحمي امي يا ست انتي انتي المفروض يتعمل لك محضر ازعاج للسلطات كل يوم و التاني الاقيك عندنا هنا ويا ريتك في مره جيتي في حاجه مهمه كل مره ما بنلاقيش حاجه اتهدي بقى شويه وكلي عيشه يا ماما الراجل هيطردك من المجله وبعدين عمر ده صاحبي اصلا وانا كل مره بروح وبقعد اعمل حوار وعامل نفسي الراجل القانوني وفي الاخر مش بلاقي حاجه انت خسرتيني معارفي كلها منك لله يا شيخه
نور : تخسر اصحابك احسن ما تخسر شغلنتك والمفروض انك انت بتمنع الظلم من البلد مش تروح تقولي صحبي ومش عارفه ايه اي الكلام بتاعك ده نفذ الأومر حضابط يلا انت بتضيع وقت على الفاضي وبعدين ان بنت خالتك الوحيدة المفروض تقف في ظهري

حمزة : سيبك من كل داه وجو بنت خالتي انتي كل مره تيجي تعيط وتقولي أنا متأكده ومستقبلي ومش عارفه ايه وانا فين مستقبلي انا هروح في داهيه منك لله اسمعي من الاخر احنا لو ما لقيناش حاجه نعمل ايه احبسك بتهمه ازعاج سلطات ودي مش اول مره
نور : يا ابني انا متاكده بقول لك شفت الكراتين بنفسي يلا هجوم

بقلم اروي محروس