ماذ بعد ذلك بقلم اروى محروس

10

ماتنسوش فلسطين من دعائكم ربنا ينصرهم

عند أهل خديجه ونور  طول الليل كانوا بيدوروا عليهم ولما راحوا قسم الشرطه عشان يعملوا بلاغ عن اختفائهم قالوا لهم  لازم يمر علي  اختفائهم 24 ساعه عشان كده اضطروا يروحوا البيت بقلم اروى محروس
وفي طريقهم للبيت كانوا بيتكلموا
مرات عمي نور: انا مش عارفه ايه  اللي يخليها قاعده عندنا في البيت البنت دي مش بيجي  من وراها غير المصايب ده ابوها نفسه سابها ومشي والله اعلم راح فين وما فيش غيرنا اللي أتدبسني فيها احنا مالنا ما تروح تقعد عند خالتها

عم خديجه انت عارفه احنا مخلينا عندنا ليه عشان ابنك طبعا ما انت عارفه ان ابنك عايزه يتجوزها

مراته: طب ما هو ده السبب انا مش موافقه ان ابني يتجوز  البت دي

عم نور  ليه بقى ان شاء الله دي البنت زي القمر غير كمان ما فيش بنت هتوافق على ابنك انت عارفه ان هو اصلا مش متعلم ولا معاه شهاده وعيل صايع  وكمان دي بنت اخويا يعتبر احنا اللي مربيينها بقلم اروى محروس وعارفين اخلاقها كويس وغير كده كمان هتقعد معانا في البيت ولا هتحتاج مهر احنا بس نلاقيها هنجوزهم على طول ويقعدوا معانا في البيت واكيد لما أبوها  يعرف مش هيعترض ولا حاجه

عندها اهل خديجه
طبعا مرات ابوها كانت زعلانه جدا   ما هي كانت بقلم اروى محروس هتستفاد  منها لان الراجل اللي كان هيتجوز خديجه كان هيدفع مهر كثير والفلوس اللي كانت هتاخدها كانت هتأمن بيها مستقبلها ومستقبل  عيالها اه نسيت اقول لكم نور عندها اخوات بس من الأب

نرجع بقى لنور وخديجه
بعد ما خديجه صوتت نور حطيت ايدها على بقها بسرعه اسكتي الله يخرب بيتك انتي  نسيتي ولا ايه احنا في شنطه العربيه

خديجه وهي بتبرق لها جامد بعينها ومش عارفه تتكلم عشان نور لسه حاطه ايدها علي بقها نور وهي بتتكلم   بهمس علشان الرجاله اللي بره الاتنين  ما يسمعوهاش اسمعي يا خديجه احنا لازم نطلع قدام وناخد العربيه ونمشي هنزق الكراسي اللي قدام ونطلع عشان الاتنين الرجاله اللي بره ممكن يفتحوا الشنطه دلوقتي و يشوفونا فهمتي بتبص نور على خديجه لقيتها نامت تاني راحت ضرباها على وشها  فصوتت تاني

الاتنين الرجاله  اللي بره طبعا  سمعوا صوت خديجه وهي بتصوت
واحد منهم انت سمعت اللي انا سمعته تفتكر الصوت جاي منين بقلم اروى محروس
الثاني رد عليه وقال له احنا في حته مقطوعه  ما فيش فيها اي حد انا بقول جايه من العربيه تعالى نفتح الشنطه كده لسه فعلا رايحين يفتح شنطه العربيه سمع صوت جاي من ورا شجره كانت موجوده لسه يا دوب هيتحركوا عشان يشوفوا في ايه العربيه اتحركت ومشيت طلع يجري وراها وطبعا العربيه كانت ماشيه بطريقه مش مظبوطه خالص بقلم اروى محروس يعني عماله تروح يمين وشمال كأن اللي راكب العربيه ما بيعرفش يسوق او عمره ماساق عربيه اصلا العربيه كانت ماشيه بسرعه كبيره قوي فعشان كده ما لحقوهاش