ماذ بعد ذلك بقلم اروى محروس

9

في بيت خديجه بقلم اروى محروس
بعد ما نطت على طول من الشباك دخلت مرات ابوها الاوضه
مرت ابوها: بت يا خديجه لبستي ولا لسه الناس قاعده مستنيه بره انتي فين انتي في الحمام بتخبط على باب الحمام ما حدش بيرد فتحته ما لقيتش حد يالهوي هي البت راحت فين ونادت على جوزها الحقني الحقني
ابو خديجه جاي يجري : في ايه مالك بتصوتي ليه أيه اللي حصل والبت خديجه فين

مرات ابوها وهي بتصوت: البنت هربت يا اخويا
ابو خديجه :هربت ازاي راحت فين

مرات ابوها: وانا ايش عرفني روح شوف بنتك راحت مع مين اكمنها جايبه صاحب المجله اكيد كانوا مطبخينها مع بعض وبعدين البنت نور صاحبتها مش باينه تعالى بسرعه نلحقهم اكيد ما لحقشوا يبعدوا قوي ونلحق نقول للعريس اي حاجه قبل ما يعرف ان بنتك المصونه هربت

بقلم اروى محروس
ابو خديجه طلع اعتذر من العريس وقال له ان هي تعبانه شويه و بكره تعالى و معاك الماذون علشان نكتب الكتاب

اول ما العريس مشي قال لمراته روحي اقفلي الباب ده لما نشوف حكايته الواد ده ايه
ابو خديجه: بقى انت بقى صاحب المجله اللي بنتي بتشتغل عنده
صاحب المجله اسمه ( فريد): اه يا عمي انا جيت النهارده عشان اتقدم لبنت حضرتك عشان انا بحبها جدا من زمان بس هي كانت رافضه خالص الموضوع بس منال صاحبتها جت النهارده وقالت لي ان هي متقدم لها عريس بس صدقني اللي كان مانعني اني اجي اتكلم مع حضرتك ان هي كانت رافضه الموضوع خالص و اكيد حضرتك هتقدر موقفي هو انا ممكن اتكلم معاها وافهم بس وجهه نظرها وهي ليه رفضاني

ابو خديجه وهو بيبص له من فوق لتحت: اه طبعا يا حبيبي هقدر موقفك جدا خليك هنا ثواني ودخل المطبخ جاب سكينه واطلع رفعها عليه انت هتستهبل ياض يعني دي مش خطه كنت عاملينها مع بعض البنت هربت وانا مش هسيبك النهارده لحد ما تقول لي راحت فين واكيد صاحبتها الزفته نور بتساعدكم صح بقلم اروى محروس

فريد بخوف ايه يا عم اللي انت بتعمله ده اقسم بالله انا ما اعرف اي حاجه عن اللي بتقوله انا بقول لحضرتك كانت رفضاني دي صاحبتها منال هي اللي جت وقالت لي الحق ده في عريس متقدم لها وانا جيت وكان قصدي خير ما اعرفش اي حاجه عن اللي بتقوله

اتدخلت مراته في الكلام يبقى خلاص ناخده ونروح على بيت البت اللي اسمها نور ونشوف بقى الحوار ده بقلم اروى محروس

في بيت نور الوضع ما يختلفش خالص عن اللي في بيت خديجه الفرق الوحيد اللي كانت مرات عمها مبسوطه جدا عشان هي اصلا مش موافقه ان ابنها يتجوزها ففرحه ان هي مشت لكن اللي كان زعلان هو ابنها طبعا عشان عايز يتجوزها

وصلوا اهل خديجه عند بيت نور وطبعا معاهم فريد اللي هو صاحب المجله راح ابو خديجه واتكلم مع عم نور وعارف ان هي كمان هربت كل واحد ركب العربيه بتاعته عشان يدوروا عليهم