ماذ بعد ذلك بقلم اروى محروس

8

نور كانت رايحه جايه في المكان وقدامها قاعده خديجه على الكنبه طيب بصي الفكره دي انتي لما تقعدي معاه قولي له انك انتي مش بتخلفي واي راجل عايز يخلف طبعا فهو اللي هيرفض بقلم اروي محروس

خديجه فكره زفت طبعا لانه اصلا مش بيخلف فهو عايز يتجوزني عشان كده ده لو عارف اني مش بخلف هينبسط اكتر

ايه رايك مثلا نقول لك انك معاقه

خديجه : لأ طبعا ما انا قدامك اهو ما فيش اعاقه ولا حاجه

نور :ايه ده هو لازم يبقى باين ممكن مثلا نقول له في الدماغ

خديجه بتفكير :ما عجبتنيش

نور: همم طب ايه رايك في ما بتشوفيش

خديجه :لأ

نور:مجنونه

خديجه :لأ

نور بعصبيه :بنت انا زهقت منك هو انتي موافقه على العريس ولا ايه لا وعماله تقدمي كمان اعذار طب ده انا افكاري تحفه اختاري واحده منهم ما قدامكيش حل تاني

خديجه بدموع :والله لا مش بتلكك بس فعلا افكار كلها هتبقى مكشوفه لان انا مش هعرف امثل ان انا مجنونه ولا عندي اعاقه ولا اي حاجه طب ايه رايك نهرب مش احنا قلنا قبل كده لو الدنيا باظت قدامنا نهرب هو ده الوقت المناسب انتي اطردتي من الشغل وانا جاي لي عريس عايزه ايه انسب من كده

نور :مش هينفع خالص لان احنا مش معانا ولا جنيه نهرب بيه هنروح فين يعني ما فكرتيش

خديجه وهي بتعيط :ما اعرفش بقى اللي اعرفه ان في عريس و انا مش موافقه عليه وهم شكلهم هيجوزوني اتصرفي بقى

نور وهي بتتنطط لقيتها لقيتها احنا نضرب عصفورين بحجر واحد

خديجه وهي بتبص لها باستغراب ده اللي هو ازاي

نور وهي بتقعد بصي يا ستي هنوصل لصاحب المجله ان في عريس متقدم و كده وانتي مش موافقه عليه بس كده فيروح هو جاي متقدم لك وتوافقي عليه وانا ارجع الشغل ولحد ما الامور تتظبط ونهرب ها ايه رايك اظن الخطه دي ما تخرش الميه بقلم اروى محروس

خديجه :وهي بتزعق انسي خالص حكايه الزفت ده انا مستحيل اوافق عليه

نور وهي بتمثل انها هتعيط خلاص براحتك اتدبسي بقى في ام العريس ده وشوفي هنعمل ايه صدقيني هو ده الحل الوحيد عشان ارجع شغلي وهنظبط امورنا بعدين نهرب في اي حته فكري في مستقبلك كده كده مرات ابوك هتوافق عشان هو غني هو ده بالنسبه لها اهم حاجه الفلوس

خديجه طيب تمام بس قوليلي هنعمل ايه مع العريس وبعدين نشوف التاني داه هنوصل له ازاي ان أتقدم لي عريس

انا هقولك اسمعي انا هكلم ولاء صاحبتنا توصل الكلام النهارده لصاحب المجله وتقول له ان في عريس اتقدم لك وهاكد عليها تجيبه وتيجي