عفوا ؟؟؟
صالح : قلو امر يخصك شخصيا
راحت الخدامة قالت للحاج مالك قلها الحاج فوتيه
غير شافو مراد حصلتلو الماكلة وكامل كانو يشوفو فيه !!!!
مالك اتفضل للبيرو اني جاي
داتو لخدمة للبيرو
شرح صالح لمالك الوضع وقلو يا تدي بنتي زوجة لحفيدك ووريث العائلة والى نفضح العائلة نتاعكم وعلبالك بلي بزاف شركات رح تلغي عقد شراكة معاكم
الحاج مالك : ويكت نجو نخطبو طفلة
صالح : هكذا نتفاهمو غدوى !!
الحاج مالك : متفاهمين بصح دير في بالك بلي كاين شروط بعد هذ زواج
صالح من الفرحة مسقساش على شروط طول قلو بربح
روحت الونا لدار دارة روتينها دخل باباها جابلها شيكولا وسقايط لي جامي جابهملها دائما يجيب لمرت باباها وهي نو وعرفت بلي فيها انا كي جبلها مي سكتت وهي كانت كون متشريش بشوي صرف لي عندها مرة فلعام ولا تعطيلها نور ماتكلش ولأول مرة يعيطولها تتعشى معاهم قلها باباها غدوى الثلاثاء يجو يشوفوك والجمعة تروحي لبيت راجلك
الونا من صدمة تغاشات
صالح: وقيل من الفرحة
سامية : رح تتزوج بحفيد ال حمدان الوحيد باينة ملياردير 😂 اسمع انا نروح فواياج لباريس دبر راسك
الصالح : لي تبغيها عمري
قعدو هكذاك وناضو من طابلة متوجهين لشمبرتهم وخلاو الونا وحدها متغاشية
في قصر ال حمدان في جناح مالك و سلطانة
مالك حكا لسلطانة كلش
سلطانة : معليش انا كان في بالي وحدة نخطبهالو مي مكتوب ،ويكت رح تقلو
الحاج مالك: غدوى ان شاءالله
سلطانة : متقساش عليه رح تجيه صعيبة
الحاج مالك: هيا نرقدو سلطانتي غدوى نهار صعيب ..
عقبت مدة من زمن ناضت الونا تفكرت هدرت باباها طاحت للأرض بلبكا وحكمت شهقتها بيدها خاطر كون ينوض باباها تخلى عليها اليوم كملت فرزت الكوزينة وهي تبكي
الونا : علاه علاه غير انا لي صرالي هكذا يا ربي فرجها عليا ،كون جات عندي يما كون وقفت اليوم في وجه بابا ،😭😭😭😭😭 كون قتلو متزوجهاش مزالت صغيرة ،اي بنتنا ،رحتي يا ايمان وخليتي بنتك لحمة صغيرة ،😭😭😭 رقدت وهي هكذاك خاطر مالفة ترقد ودمعتها على خدها ،
أصبحنا وصبح الملك ل الله ولا حول ولا قوة الا بالله، ناضت صلاة ودرات روتينها وهي عينيها كيما العين لي فتحوها ..........
صالح : قلها متروحش اليوم تقرأ
سامية : معلوم لازم
في قصر ال حمدان
كانو كامل متلايمين ياكلو على طابلة
الحاج مالك :ادم اليوم بعد ظهر لازم تكون فدار
ادم: غي الخير جدي
الحاج مالك : اليوم نروحو نخطبو بنت واحد نعرفو ليك
ادم : نكتة مليحة جدي
خبط الحاج مالك الأرض بعكازو وقال : احترم روحك ادم منيش صاحبك باه نقصر معاك فهذ الموضوع مبعدا بعد ظهر لازم نروحو والى منعرفك ماتعرفيني
لي فطابلة كامل كانو مشوكين ادم قعد حال فمو وباهت فيه
سلطانة : وجدو رواحكم يا نسا
ريمة : انا رأي من رأي بني انا لي كول حياتي نحلم نزوجو بنت خويا تجيبولو وحدة منعرفوهاش
سلطانة :ريمة اعرفي كيفاش تهدري معايا علبالك وش نقدر ندير
ريمة ناضت من فوق طابلة تبكي
ناض ادم لمشمبرتو كسرها كامل
الحاج مالك: خليه يكسر لازم ننقضو شريكة ..
سلطانة :ويكت العرس
الحاج مالك : مكاش عرس نجيبوها بسكات نهار الجمعة
سلطانة : متعرف لعود يحبو بعض ههه
الحاج مالك: هه كيما انا ونتي
عبد الكريم لي مان مشوكي: بابا صح ولا راني نتخايل
الحاج مالك: صح الحقني للبيرو نهدرو
راح عبد لكريم مع باباه لي حكالو كلش وعبد الكريم تقبل الموضوع
كانت ياسمينة ومراد وجيهان مشوكين من الحالة لي تقلب ليها القصر
جيهان : ياااي عرس خويا انا اني خارجة نشري حوايج ليا ولمرت خويا
ياسمينة : ههه اسناي اني جاية انا ثاني لازم نصرف دراهم لي راهم عندي والىمنرتاحش
جيهان هي مطوليش برك
في دار بيت الونا سامية توجد في روحها للخطبة لي بعد ظهر والونا كانت هذاك وين هبطت من بيت نور لي راحت جابت من عندها روبة وحكاتلها خاطر هي معندها حتا حاجة تصلح قشها كامل كان من عند نور وامها
نور : متخافيش رح تلقايني دائما في كتافك كيما قبل كشما يديرلك ولا قوليلي نجي نعطوه طريحة نتع كلاب
الونا : ههه مشكيتش بابا يخليني نطلق كون نولي يطيشني في طريق
نور : ارواحي لعندنا يما تستقبلك في اي وقت
الونا : هيا نور خفي نفرزو دار ونلبس قشي عودهم ماجاو
نور : الونا لاباس ؟؟؟ انا قلت لوكان يزوجك باباك بالغصب نلقاك تعيطي وتكسري مي راكي كالم
الونا : هههه لبكا بكيت لبارح وتكسار معندي ما نكسر والى تكسرني سامية على 100 بياس ،عندي امل انو لي جاي يخطبني يرفض كي نقلو مانيش قابلة
نور : ان شاءالله ميقبلش يا رب
كملو يفرزو والونا فيها غصة كبيرة حابة تبكي مي محبتش تبين ضعفها في يوم كيما هذا
في قصر ال حمدان ادم قاعد في شمبرتو وشاد راسو
طبطب الباب
ادم : خلووووني وحدي
سلطانة :ادم انا
ادم : ادخلي ماني
راحت سلطانة قعدت قدام ادم وقتلو
سلطانة : ادم علبالك بلي انا نحبك ونعزك
ادم .........
بنات لي تشوف لكرونيك دير تعليق ولو بنقطة
أنت تقرأ
تزوجنا بلإجبار فإنتهى بنا المطاف في الهيام ࣪ ִֶָ☾.
ChickLitهاي بنات الكرونيك بلهجة الجزائرية راها مكتملة تفاعلو نحطهالكم أَلُوْنَاَ طفلة يتيمة الام تربات مع مرت باباها وباباها الخبيثين إلي ستغلو زينها وهي في عمر 23 لتزويجها بلإجبار لحفيد عائلة ملياديرية ،في حين ان طرفين مختلفين كل الاختلاف فهو مليار دير وه...
