ودار لأدم وقلو اذا صالح سمح في بنتو انا منسمحش ديرها في عينيك جا ادم يهدر حبسو مالك قالو ان شاءالله لأنو مش حاب تنتشر هذ لحكاية ويبقا غير دار بيت الونا وال حمدان لي يعرفوها جا رايح اب نور عناقاتو الونا وقالتلو:بابا .....😭😭😭من لي كنت صغيرة نقلكم بابا و ويما كيما نور وعدتك وعد اني نروح انا وياك ونور ويما للعمرة بصح منضنش نقدر ....سمحلي بابا ..😭😭😭
دمعو عينين يمات نور ونور وحتى باباها جا يعنقها بابات نور جبدها ادم لعندو ضرك راها بأسمي ومنشوهش اسمي انا كي تعودي مكيش على ذمتي ديري وش تحبي خزرو فيه كامل مشوكين والونا لي كانت ترجف بين يديه
بابات نور : ياولدي الله يهيدك كون جيتو متزوجين عن حب نقدر نفهمك صح ...مي انا لي ربيتها وقمت بيها كيما نور تجي نتا تقلي كيفاه نتصرف مع بناتي
الحاج مالك : اوليدي معليش اك تعرف عقليت ذراري كيفاه
اب نور 🙄🙄🙄خلاهم ادم ودا الونا من ذراعها للطوموبيل ركبها وخبط الباب جا عبد لكريم يلحقو
ادم بلعياط : بابا متلحقنيششششش
ديمارا ادم غاصب والونا لسقت في الباب شوي وتخرج على الكارو😂😂😂
ادم : مانيش رح ناكلك
الونا :......
ادم خبط الفولون ودار ليها كي نهدر ترجعيلي فهمتي
الونا كانت ترجف وقتلو : وي
ادم : هههههه لي يشوفك يقول خاطيك صح ونتي يادرا شحال من واحد درتي معاه وشكون يضمنلي بلي مكيش .....سكت
ونا بأنفعال: وش كنت رح تقول وش ؟؟؟ كمل هدرتك كملها .....انا شرفي يسوا اكثر منك و....
ادم حكمها من رقبتها سما انا منسواش ولا وش نتي لي طمعتي في دراهم ومع لخر وش حشاهالك باباك ودا مهرك وراح
الونا ولا حمرا وقعدت تفرفط بين يديه وهو كل مايقرب منها يزيد يزير يدو لحد ماتغاشات من قلت الأكسجين
ادم :وقيل ماتت ،قاسلها دقات القلب نتاعها عرف بلي مزال قلبها ينبض دور طوموبيل وديمارا راح لدار ديراكت مع لحق كانت الونا مزالها متغاشية جا ينوضها مناضتش هزها ودخل لدار مع دخل لقت العائلة كامل تستنى فيه كانت بنت خالتو ميار ثم مع شافتو هازها طرطقت بلبكا وحضنت عمتها ريمة وسلطانه تتبسم كانها فرحانة وجيهان وتسنيم ويتوتو
تسنيم : زعما يولي يحبها
جيهان: نتخاطرو ؟؟؟
تسنيم : انا نقول ايه ونتي
جيهان : مشكيتش اذا تطلقو نروحو فاكونس لفرنسا وكلش عليك نتي
تسنيم : اذا ولا يحبها نقول لخو محمد يجي يخطبك اصلا راكي عاجباتو 😂😂
جيهان تكاكات ووجها ولا زرق : ههه مشكيتش
تسنيم :يخي كيما قتيلي معندك حتى واحد في حياتك !!والى اول ناس لؤ تعرف
جيهان: اه باينة ،ان شاءالله ان شاءالله
طلع ادم هاز الونا لي كانت كأنو هاز لقمة صغيرة بين يديه في ذهول العائلة
لحق ادم لشمبرا حل لباب حط الونا تحت شاور وحل عليها لما ناضت هي مخلوعة
ادم حك راسو وقلها: صفا ؟؟
الونا : قلبت وجها وقتلو اخرج
خرج ادم وقلها اذا كشما سحقيتي عيطيلي
مقلبتلوش الونا ،بعد ما خرج نحات الونا خيمارها وحيجابها ودوشت وهي تبكي حست كل الهموم والضعف يطيح مع الماء كي خلصت راحت جيهت لافابو ،مع حطت كراعها حست دم يسيح مع تحت رجليها هبطت عينيها لقات زجاج كامل دخل في رجلها وهي مالفة بلوجاع ولخلعات معيطتش بالعكس داركت الموقف ولبست روب لحمام كيما هذا
أنت تقرأ
تزوجنا بلإجبار فإنتهى بنا المطاف في الهيام ࣪ ִֶָ☾.
Chick-Litهاي بنات الكرونيك بلهجة الجزائرية راها مكتملة تفاعلو نحطهالكم أَلُوْنَاَ طفلة يتيمة الام تربات مع مرت باباها وباباها الخبيثين إلي ستغلو زينها وهي في عمر 23 لتزويجها بلإجبار لحفيد عائلة ملياديرية ،في حين ان طرفين مختلفين كل الاختلاف فهو مليار دير وه...
