Shin

3

""ရှင်းရှင်း ဒါကကိုယ့်သားတွေလေ ကျိရုံနဲ့ကျိရှန်တဲ့""

""သားတို့ ဒါကအဖေလက်ထပ်မယ့်လူပဲ""

ကျိလူကြီးမင်းရဲ့မိတ်ဆတ်ပေးမှုကြောင့် ရှင်းရှင်းသူ့အရှေ့ကကောင်လေးနှစ်ယောက်ကိုကြည့်လိုက်သည်။ကောင်လေးတွေဆိုပေမယ့် သူတို့ခြင်းအသက်ကွာလှ အလွန်ဆုံးငါးနှစ်ပေါ့။ဒါပေမယ့် လူကောင်တွေက ဦးထက်တောင်ထွားကာထောင်ထောင်မောင်းမောင်းကြီးတွေဖြစ်ကာ တစ်ယောက်ကဦးနှင့်တူတာဖြစ်မည် မျက်ခုံးမျက်လုံးကောင်းကာခန့်ညားကာ ကျိရှန်ဆိုတဲ့ကျန်တစ်ယောက်ကလည်းအမေတူကာ မိန်းမချောချောသည်။ဦးဆိုတဲ့အခေါ်အဝေါ်ကလည်း ကျိလူကြီးမင်းကိုယ်တိုင် သူ့ကိုခေါ်စေခဲ့တာလေ။

""မင်းတို့အ‌မေလိုမျိုးအထိ ဆက်ဆံစရာမလိုပေမယ့် အဖေ့မျက်နှာကိုထောက်ပြီး သေချာဆက်ဆံပေးဖို့မျှော်လင့်ပါတယ်""

""သေချာတာပေါ့"" ခေါင်းငြိမ့်ကာပြောလာတဲ့ အငယ်ဖြစ်သူကြောင့် ရှင်းရှင်းအပြုံးလှလှလေးပေးလိုက်တော့ တစ်ဖက်လူကလည်းပြန်ပြုံးပြလာသည်။ဒါပေမယ့် သူကျက်သီးထသွားသည်ကဘာ့ကြောင့်ပါလဲ။

ကျိလူကြီးမင်းက အကျယ်တဝင့်မင်္ဂလာဆောင်ချင်တာတောင် သူ့သဘောထားကြောင့်အကျဉ်းချုံးလေးသာ အသိမိတ်ဆွေတွေနဲ့မင်္ဂလာဆောင်ဖြစ်ကြသည်။ဒါတောင်လူပေါင်း၁၀၀လောက်လာကြသည်။မင်္ဂလာဆောင်ပြီးတဲ့အထိ ဘာပြသာနာမှမပေါ်ခဲ့၍ ရှင်းရှင်းစိတ်အေးရသည်။

ကုတင်ပေါ်ထိုင်နေရင်း ရှင်းရှင်းသူ့အင်္ကျီတွေကို အသာဆွဲနေမိသည်။ကျိလူကြီးမင်းသာ ဝင်လာခဲ့ရင် ဘယ်လိုဆက်ဆံသင့်ပါသလဲ။သူနဲ့လင်မယားအရာမြောက်ချင်ရင်ရော လက်ခံသင့်ရဲ့လား။သူဘက်ကမချစ်ပေမယ့် ကျိလူကြီးမင်းသာတောင်းဆိုလာရင် သူ့မှာငြင်းပိုင်ခွင့်ရောရှိခဲ့လား။သူ့အတွေးတွေက လွန်ခဲ့တဲ့နှစ်တွေက မိုးတစ်ညဆီ

ထိုအချိန်က ရှင်းရှင်းက အထက်တန်းကျောင်းသားလေး။သူ့ရဲ့ခန္ဓာကိုယ်အခြေအနေကြောင့် ယောကျာ်းလေးတွေနဲ့နီးနီးကပ်ကပ်မနေရဲခဲ့။သို့ပေမယ့် သူကျောင်းကအပြန်မှာ မိုးရေထဲလဲနေတဲ့လူတစ်ယောက်ကြောင့် တစ်နည်းအားဖြင့် သူ့ရဲ့လက်ရှိယောကျာ်းကြောင့် သူ့ရဲ့အပျိုစင်ဘဝလေးပျက်စီးသွားခဲ့၏။နောက်မှ ကျိလူကြီးမင်းရှင်းပြလို့သိရသည်က ကျိလူကြီးမင်းရဲ့အမျိုးသမီးဆုံးသည့်နေ့မှာ ကျိလူကြီးမင်းကအရက်မူးနေသည့်အပြင် ဆေးခတ်ပါခံလိုက်ရပြီး သူရောကျိရန်ရောကသားကောင်ဖြစ်ခဲ့ရခြင်း။သူက အဲ့သည်နေ့ညက ရှက်ကာထွက်ပြေးခဲ့ပြီး ကျောင်းပါထွက်ကာ ရှောင်ပြေးခဲ့သည်။မိဘမဲ့တစ်ယောက်မို့ ဘယ်သူမှဂရုမစိုက်ကြပေမယ့် ကျိလူကြီးမင်းကတော့သူ့ကိုလိုက်ရှာနေခဲ့ကာ နှစ်နှစ်အကြာမှာတော့ ပွဲတစ်ခုမှာပြန်တွေ့ခဲ့သည်။အဲ့သည်အချိန်မှာ သူကပွဲဦးထွက်ခါစ ရုပ်ရှင်သရုပ်ဆောင်ပေါက်စလေး။သူ့ကို အဲ့သည့်အချိန်ထဲက ကျိရန်ကလိုက်ခဲ့ပေမယ့် သူလက်မခံခဲ့တာ။အမှားတစ်ခုကြောင့် အတင်းတာဝန်ယူတာမျိုးမဖြစ်စေချင်ခဲ့ဘူးလေ။ဒါကို ကျိလူကြီးမင်းက သူ့ကိုမုန်းနေတယ်လို့ထင်ခဲ့တာ။