كعدتت بعد مده
بروده تمشي بجسمي
جسمي ثكيل
عيوني عبالك حجاره
ظلمه
ماكذر افتح
احس واسمع
هذا صوت اكثر كرهته بعد خليل
تعبانه
اتنفس هواه بس مايروي رئتي
احس شي غريب ديدخل
اسمعه يحجي
عزيز: يمه لا يرتفع ضغطج هسه تصحئ لا تخافين مابيه شي
صوته مال واحد مقهور
بس ياترئ مقهور ع امه
لو عليهه اني
فتحت عيني
حركت راسي
التفت لحجيه اجت عليه ملهوفه
ام عزيز: يمه ابنيتي شلون صرتي والله حيلي طاح ويه طيحتج
اهز براسي ماكدر احجي
يباوع عليه
نظراته بين المقهور بين الضايج
مني عليهه ميهمني بعد
باوعت ع ايدي
ملفوفه
اريد احجي
عطشانه عبالك جنت بصحراء
طعم المروره الي بحلكي ماضگت مثله قبل
حجيت
نيار: ماي
راح الحقنه لثلاجه وطلع بطل انطا للحجيه
شربتني
شربته البطل كله
واحس اريد بعد
بس استحيت
نيار: خاله اريد اطلع
ام عزيز: صبري يمه خل يجي الدكتور
عزيز: الحمد لله ع السلامه
نيار: شكرا الله يسلمك
(حجيت ويا نبره الضايجه منه)
دك تلفونه
عزيز: ها وائل اي والله ياريت
نفر معلاك واثنين كباب
خوش
الله وياك
ام عزيز: يمه ليش وصيت والله. ماشتهي
عزيز: من الصبح بدون اكل مايصير حجيه
نيار: ليش صارلي شكد هنا؟!
ام عزيز: سوده عليه من البارحه الصبح صارلج ليله ونص وانتي محاسه ع شي
نيار: شكال الدكتور
ام عزيز: يكول مافاقده بس عقله رافض فكره يكعد من النوم
انتي نايمه يايمه واني الوب عليج
نص حيلي راح
نيار: اسم الله علئ حيلج يمه
بين كلامه
اخذتني ذاكرتي
ام نيار: فوك علمتج الشينه تنتحرين
عساج ميته وخلصانه من عارج
ګلَ أّلَخَيِّبِأّتّ تّګوِنِ عٌأّدِيِّهِ أّلَأّ خَيِّبِةّ أّلَأّهِلَ
تّتّرګ أّثّر بِشٍعٌ حٌتّئ بِلَمَلَأّمَحٌ
رجعت لواقعي
واني اشوف وائل دخل بيده علاليك اكل
وجهه البشوش الابتسامه احسن من عزيز الحقنه
وائل: الحمد لله ع السلامه البطه
نيار: هههه الله يسلمك
اذا قصدك سمينه تره عظمي خشن
وائل: اخخخخ منجن كلجن نفس الحجايه
ضحكنه اني وخاله
عزيز يباوع صفح
ابو راس المصفح
حط الاكل
وخاله جابت الطبله
حطت كدامي المعلاك
وتوكلني بيديه
وتاكل لگمه اله ولگمه الي
وهيه تحط
نزلت دموعي
تذكرت امي بحيث كمت اشهك
كامت تمسح ع راسي
ام عزيز: شجاج يمه عليمن هلدموع
عزيز مدنك
وائل طلع مايرد يشوفني
نيار: اشتاقيت لامي
الله ذب عليه بجي
الحجيه تبجي وياي
ام عزيز: اني امج بعد حيلي انتي
اني كل اهلج
راسي ع صدره
اشم ريحه المسك الي فتحت صدري
جا هيجي الاهل عثره .......
الاهل علئ الگلب راحة بال ........
اهلنه شبيهم ويانه صارو ع الگلب حسره .........
من شافونا مكسورين ماجبرو كسرنه ولا حجو كلمه ........
ملح فوك الجرح وكعو واجو فوك الكسر كسرة .........
المارتاح يم اهله مايرتاح كل عمره...........
YOU ARE READING
ثار الوريد (مَهِجِعٌ آلَآحٌرآر)
ChickLitتّحٌتّ مََّسمَئ آلَحٌبِ مَهِجِعٌ مَنِ آلَنِآر يَِّّسګنِهِ آلَآحٌرآر آطّفِّآلَ بِلَآ طّفِّوِلَهِ غٌصٌبِ وِآنِتّقِآمَ قِيِّآَّس آلَشٍرفِّ بِقِطّعٌهِ مَنِ آلَقِمَآشٍ ظّلَآمَ وِنِآر َّسحٌر وِجِنِوِنِ آخَتيِّآرآتّ خطّآ حٌبِ وِجِنِوِنِ
