ثار الوريد (مَهِجِعٌ آلَآحٌرآر)

بارت 12

شٍلَوِنِګمَ خَوِخَيِّأّتّيِّ
بِأّرتّ جِدِيِّدِ مَنِ قِصٌتّنِأّ أّلَحٌلَوِهِ
تّفِّأّعٌلَوِ
.
.
.
.

رجعت حتئ اخذ العلاكه وانصدمتّ كلام عزيز
عزيز: يمه رائد متصاوب وراح اروح لديالئ
ام عزيز: ياستار ياربي شجا
عزيز: عصابه واكفه بلطريق تريد تسلبه متضارب وياهم بلطلق ومتصوب
دفعت الباب ودخل
نيار: شجاي تحجي انته
عزيز: اوكفي افهمج
نيار: شتفهمني عزيز
رائد المتصوب
اخووويه هذا
شلون تريد تضم عليه هيجي شي
ولك هذا صارلي اب وام
جنت مدلله يمه
حاربهم كلهم علمودي
شلوووووون عززززيز شلون
عزيز: مابي شي والله اصاباته خفيف
نيار: ضليت اصيح وملخت روحي
نيار: هسه تاخذني اله حٌتّئ
لو مذبحوني
ام عزيز: طولي بالج يمه صدكي مابي شي

عزيز : هييي وين اخذج تردين يذبحوج انتي مخبله
نيار: والله وكلام الله اذا ماتاخذني هسه اكتل روحي
عزيز: نيار صارلي ساعه مقدر وضعج لا تخليني اتصرف غير تصرف
عفته ورحت ركض لمطبخ
لزمت اكثر سجينه حاده وحطيته ع ركبتي
عزيز: ذبيه المخبله
ام عزيز : يمه ابنيتي والله ياخذج نعلي الشيطان وذبيه
نيار : تاخذي اله هسه
عزيز ابويه عافني مات كدامي
ورائد هم راح يعوفني
والله اموت
اخذني اشوفه
والله اكتل روحي اذا ماتاخذني
اتهسترت ماعرف شسوي
عزيز: يمه احجي وياههه وين اخذهه
بس يشوفوج يقتلوج
ام عزيز: يمه اخذهه خل من بيعد تتطمن عليه
عزير: واذا شافوهه يمه لا تحركون اعصابي
نيار: البس نقاب
صفن عليهه
عزيز: خلص ذبني المهجوم من ايدج اخذج من الله ياخذج
شمرت السجينه بلكاع
واجه عليه لزمني من ايدي
عزيز: سوالف الجهال لا تعيديه
مو انتي تمشين كلمتج عليهه
وراح اقدر وضعج واخذج
بس مره لخ اني اكتلج خلاص بيدي
ام عزيز: طول بالك عليهه ياامي. ماتشوف حالته
عزيز: خل تنكبر تحضر روحه وطلع جنسيته الضامته
حتئ اسبح ونطلع
ركضت بدلت ملابسي
لبست تراك وعليه جبه والحجيه جابتلي نقاب
بس ماعرف شلون البسه
لزمته بيدي وطلعت
عزيز دينزل
عزيز: كملتي
نيار: اي بس هذا ماعرف اللبسه
عزيز: عوفي بلسياره اعلمج شلون تلبسي يله
ودعنا الحجيه وانطلقنا من البصره لديالئ
والطريق كله كلبي يوجعني
وامسح دموعي ويردن
وفكر بيني وبين نفسي
ليش من الاول غلطتت هيجي
دمرت روحي ودمرت اهلي علمود واحد تعبان
الله لا يوفقك كمال
عزيز: اسكتي عاد حتموتين وابتلي بيج
نيار: مالك شغله عوفني بحالي
عزيز: طبج مرض
من طلعنا جانت ساعه سته العصر
وصلنا تقريبا ساعه 12 ونص من دخلنا ديالئ
طبعا ياسيطره توكفنا يطلع الباج الهم
ويدخل بلسايد العسكري
عزيز: لبسي نقاب
نيار: كتلك ماعرف البسه
طبك السياره
جرني عليهه لبسني القطعه
ورجع رفع القطعه الثانيه
وشده من ورا وصارت
عزيز: مصيبه عيونج مصيبه
نيار: دحترم نفسك بيا حال اني
حرك السياره يبتسم
وصلنا لمستشفئ ال...... الاهلي
وطبكه لسياره
عزيز: وراي تمشين وحفظي مكان السياره
اي شي يصير اشردي وانتظرج يم السياره
نيار. : ماشي
المستشفئ مهجومه هجم عالم والدنيا كله
من بعيد واشوف خليل واكف يدخن
لزمت كلبي من الخوف
نيار: عزيز هذا عمي حباب لا يعرفني
عزيز: لا تخافين رجال بيهم الي يدنه الج
ادخلي وياي ماتحجين ولا صوت
وصلنا لغرفه رائد بنص حشد مال لزلم
وحجه ويه عمي واني ورا
عيوني بلكاع صح لابسه نقاب بس خايفه
عزيز: خيركم ابو ابراهيم شبي رائد
خليل: والله عصابه يردون يسلبون سلاحه
عزيز: وعرفتهوهم
خليل : لا والله يا عزيز. رائد اعدائه اهواي
عزيز: الحمد لله ع سلامته
اني من البارحه هنا بديالئ
جاين اني وزوجتي لهلهه
وجاي نرجع وخابروني عاد رديت واجيتكم
خليل: اتفضل صدوك جذب خل اهلك يرتاحون جوا بين ماتجي ام علي
عزيز: ام يمان دخلي
عاد دخلت ماكو احد يمه
نايم ايده مفوفه وجهه ازرك
كانونه بيدي
ركضت عليه لزمت ايده وبسته
وعيوني تصب دم مو دمع
نيار: حبيبي ابو كلب الطيب هاي النومه مو الك يروح اختك
رائد: نيار
نيار: ياروحي وعمري انته
رائد: هاي انتي
نيار: ايي اني من عساني ميته ولا شايفتك بهاي الحاله
رائد : اسم الله عليج بس روحي لا يشوفج روحي رجعي منين مااجيتي
كمت طلعت عزيز واكف صفح هو وخليل يسولفون
عمي
اشرت اله وشافني
رحت نزلت الطابق الاول من الدرج
صار بوجهي علي وامي ضليت واكفه
اريد احضنه لعلي
اريد اشم ريحه امي. كوه لزمت روحي ونزلت
ابراهيم واكف. باب المستشفئ
ابراهيم: عيونج يابه عيونج
نيار: عفته وركضت لسياره
ضليت دقايق واكفه ابجي واشهك ع حال اخويه
تقرب مني عزيز ويا علي انطيتهم ظهري
واسمع علي يكوله
علي: دير بالك يخويه اسم بلقائمه
عزيز : ع بختك يخوي جهال مايخوفون جلبي
الي بي يخير خل يراويني عضلاته
ديري بالك ع اخيك اي شي تحتاج حاجيني بايت اني هنا وباجر ارد
علي: ماتقصر الغالي
عافه واجه فتح السياره ومشينا
رفعت البوشي من وجهي
عيوني دم من البجي
وجهي احمر صاير
عزيز: ماشبعتي بجي
ادري نهر مايخلص مايه
نيار: مالك علاقه رجاء عوفني
عزيز: صار بويه صار
هلنوب هو كال بويه وضليت ابجي بلزايد
عيوني كمت ماشوف بيه
ضلينا فتره بلسياره لحد ماطبك كدام البساتن الي شافني بي
عزيز: هاج المفتاح هسه شويه واجي طبي وقفلي الباب
اخذت المفتاح منه بدون مارد
دخلت. بدون مااقفل الباب
دخلت و اني روحي ميته نفسيتي صفر
احس كلبي يوجعني
لعبت روحي وركض للسله ذبيت من راسي
فتحت الشال شمرته كمت غسلت وجهي
ماكدر اوكف كعدتت بنص المطبخ
ابجي ماكو شي يبرد كلبي حتئ الدمع
شيصير لو اني يم اهلي وكل هذا مصار
جان هسه اني اعداديه
جان هسه بنص اخواني مدلله
بحضن امي
امداج ينيار شسويتي بروحج
ضليت الطم ع وجهي
الله ياخذني يارب اموت
دخل عزيز يركض عباله شو شبيه
نزل لمستواي
عزيز: كافي راح تموتين صرتي زركه
نيار: تعبت عزيز ماضل عدي حيل
عزيز: صيري قويه اني بظهرج
يلا كومي صيري سباعيه
كله تصير سوالف
كومي يانار كلبي
نيار : ماكدر اكوم رجليه ماتعيني والله
ماكدر
غطيت وجهي ابجي
لحد ماشلني شيل
وجهي قريب من وجهه اول مره ادقق بملامحه
حبيت عطره الي نصه ريحه جكاير
نزلني ع التخم
وراح لبوفيه مال فراش(نضده)
فتح الباب وطلع تراك اسود
انطاني يا
عزيز: لبسي هذا موقت. بين ماا باجر العصر اجيبلج ملابس طلع وسد باب المطبخ بدلت ع السريع
وحطيت ملابسي هنا
اغرك بهدومه
والبجامه تسحل يلا شسوي عود يجيبلي واغيرهم
دك الباب
صحيت عليه يدخل
دخل.
بيده علاكه ايدك
جايب مشاوي
ساعه 2 بليل يامشاوي هاي
عزيز: تعاي اكلي
نيار: بس ماشتهي والله
عزيز: باوعي وجهج اصفر مابيه حيلج توكعين هلنوب شيشيلج ام راس المربع
نيار: عود من اوكع لا تحير بيه عوفني بمكاني
عزيز : هههههه
اكلي ينار كلبي
اكلت شويه ولملت كلشي
حطيت الباقي بلثلاجه
وماعين السفري ذبيتهم
طلعت قوري الجاي
ضليت ادور ع الجاي
والشكر
لكيتهم الحجيه مرتبه كلشي المعدله
سويتله جاي ورحت
حطيت الاستكان ع الطبله الي بصف التخم
عزيز: جنج كاعده بكلبي راسي راح ينفجر والله
نيار: اني عيوني احس بيهم نار
تقرب عليه لدرجه فزيت ورجعت ليوره
لزمني من راسي من ورا
وباس عيوني كل عين بوستين
عزيز: نار الي تحركني اني والخلفني ولا تحرك عيونج
انصدمتت من كلامه
عفته ورحت للغرفه
مدتت حطيت راسي ع المخده
ضليت افكر بي تصرفاته ساعه اطيب بشر بلكون
وساعه حقير مدافهم عزيز شيريد بلضبط
مره حبيب وصديق ومره شيطان
هستوني داغفئ وتفلش جام الشباك ع راسي .........

دِمَتّمَ فِّيّ حٌفِّظّ أّلَلَهِ
مَعٌ تّحٌيِّأّتّيِّ أّلَګأّتّبِهِ
نِوِرأّنِ أّلَمَنِدِلَأّوِيِّ