شلونكم خوخياتي
اليوة جزء وبارت جديد
من قصتنا الحلوه
غضميت عيني كلت هاي نهايتي
لحد ما وكفت السياره وسمعت صوته
اكثر صوت اكرهه بلدنيا
عزيز: وين موليه عبالج دخلتي بحياتي وتتطلعين بكل سهوله
نيار: هد ايدي شتريد مني يابشر شتريد
اصيح واريد افلت منه
وهو مايشوف من عصبيته
ضربني راجدي فر ملامح وجهي
ودفعني بكل وقته ع الكاع
نيار: ناقص خسيس عوفني
عزيز: راح ارويج الناقص والخسيس شسوي
سهلا نيار سهلا
اجاني مثل الثور الهايج
وصعدني بلسياره
احس كلبي حيوكف من الخوف
كوه اتنفس
دوخه لعبان نفس
لزمت التيشيرت من جتفه
اجر بي
بس اتنفس اريد
ماكو مثل الي غركان وكاعد يچلب بكشايه
يباوع عليه بحيره
يهزني بيده
يفرك بصدري
غمضت ثواني
وفتحت رجعلي الهواء
جريت نفس بهدوء
وضليت ابجي
عزيز: اسكتي الله ياخذج اسكتي
جرني يحضني
ضليت مصدومه منه
ماقاومت بلعكس جنت اريد احد يحضني
وصلنا لبيت
نزل فتح الكراج
وطبب السياره
طفئ السياره
واجاني فتح الباب
عزيز: نزلي ياغضب الله
يامصيبه ونزلت ع حياتي
نزلي
حسابج بعدين
نزلت غسلت وجهي بدلت ملايسي
رحت لفراشي ونمت
ماكعدتت لحد ساعه 2. الظهر
الحجيه كعدتتني
ام عزيز: كومي يمه شجاج هلكد نايمه
نيار: مابيه اكوم جسمي يوجعني
ام عزيز: يمه تجوين شجاج كومي سبحي حتئ تصحين من الحراره
نيار: عوفيني يمه الله عليج
اريد انام
طلعت تصيح عزيز وائل وينكم
تحجي وياهم
دخل الغثيث ورا وائل
عدلت روحي عيب ابقئ مدده
عزيز: شبيج
نيار: مابيه
وائل: شبيج بطه
نيار: بلاعيمي واحس براسي حفله
احس روحي تعبانه
عزيز: يباوع صفح
الحجيه مستغربه لانو مارديت ع عزيز
وائل: كومي غسلي
هسه رايح اجيبلج علاج واجي
المهم هو راح
وطلع عزيز ورا
والحجيه واكفه
ام عزيز: شبي وياج عزيز
مضايقج بشي
نيار: لا يمه مابي شي
ام عزيز: جا ليش مارديتي عليه
نيار: وائل عمره من عمري احسه اخويه كولش مااستحي منه مرات حتئ اشكيله من شغلات
ماحجت شي
كمت سبحت
وطلعت لمطبخ
وطبت رشا وامهه
عوذه
حطيت راسي ع ميز الطعام مغلسه
الحجيه تسلم عليهم
رشا: هيجي بيت اهلج تستقبلين الخطار
ام عزيز: يمه مريضه فد نوب افلاونزه ومصخنه سوده عليه
ام رشا: ووييي من عيارت البنات مانخلض
ام عزيز: تدلل علينا غير ابنيتنا
رشا: كعدتت بصفني وتحجي بهمس
رشا : عساج بلموت واطكن اصبعتين
فتحت عيوني بصدمه ع كلامه بحيث الحجيه واكفه كبالي اجتي عليه عباله شو شبيه
ام عزيز: شبيج يمه بس لا شمرت البت من الحراره
نيار: مابيه يمه
ام رشا: كومي ناخذج لدكتور
ام عزيز: لا ام رشا ما يحتاج راح عزيزان يجيبله علاج
هم عدي خبر حلو طبو خل نكعد بلهول
طبو وعافوني حاطه راسي ع ميز الطعام مغمضه
غفيت
بين النايمه والكاعده واحد يمسح ع شعري
نزل لاذاني
فزيت ع صوت عزيز يكعدني
عزيز: كومي روحي لغرفه نامي بس بلاول اخذي هاي الحبوب
طلع تلاث حبوب من كل شريط حبايه وكلاص ماي
اخذتهم
نيار: شكرا
عزيز: يكولك اسقي جلاب تتدخل الجنه شحال لو داويت جلاب
نيار: مشابه الشي منجذب اليه
عزيز: هههههههه
ضحك ضحكه اول مره اشوفه هيجي يضحك
المهم كمت دافوت لغرفه اسمع صياح الحجيه وام رشا
قربت اسمع عزيز بعده بلمطبخ
ام رشا: من اجتي رشا لدنيا وانتي كلتي لعزيز.
كم قسمه وقسمه تجي واني ارفض لانو انتي مطيتني حجايه
ام عزيز: خيتي صلي ع النبي تره كله قسمه نصيب
ام رشا: عود انتي خيتي واني اخذت منج جلمه وانتي جنتي تكولين اني شيخه ام عزيز جلمتي ماترد
رشا تبجي بصوت عالي
والحجيه وان رشا يتصايحون
ام رشا: شتعرفين عليه اصل فصل
اذا ماطلعتي جايبته من الشارع اني ماطلع كفايه
كل هلحجي واني واكفه لحد ما رشا فتحت الباب
رشا: تنصنت بت الشوراع
واجت ركض دفعتني لكاع
عاد الحجيه كومي وطرديهم
ام عزيز: اخذي بتج وروح لحد ماتهدئ النفوس
ام رشا: تطرديني علمود هاي
وتشر عليهه
ام عزيز: هاي حتصير جنتي وبحسبه بنيتي
الله وياج خيتي اني مزعلانه منج وبيبتي مفتوح الج بكل وقت
راحو
واني كمت للغرفه
يربي شهل مصيبه
شوكت ارتاح
العلاج سطرني
نمت ماكعدتت لمغرب
كمت غلست وجهي
وكبل طلعت لمطبخ شفت عمي كاعد وحد يشرب جاي
ام عزيز: اني شحجيت؟!
عفته ورحت للهول الحجيه لازمه السبحه وكاعده ع السجاده
رحت تمدتت وحطيت راسي بحضنه
ام عزيز: شلون صرتي ينور عيوني
نيار : مو زينه
ام عزيز: ليش يمه شجاج
نيار: يمه رجعيني لاهلي وانسي سالفه زواجنا
وصلحي علاقتج باختج وعمي
نيار: يمه اني مو اختيارتج صاحب الخيار هو اختارج
واخيتي اول وتالي ترضه
وعمج يعرف اختيار ابنه صحيح
بس هو يدور الصيت والنسب
اما اني لا يهمني صيت ولا سمعه يهمني رراحه ابني
وسلامتج كون محد يتجرأ ويكولج ع عينج حاجب
نيار: يمه مدااتحمل تعبت
ام عزيز: كومي توضي وتعاي صلي وياي
ضليت صافنه
عاد افتهمت عليه وبدت تشرحلي شلون اتضوء وشلون اصلي
ارتاحيت حيل
وكمنا اني وياهه نسوي عشه
كاعد تنضف خضره
واني اگلي
كباب
دخل لقلق
وائل: شلون صرت بطوط
نيار: الحمد لله
وائل: حرامات عبالي الحاله تتزم واحصل حلويات براسج
نيار: جنك ع حلويات ابو بطن
وائل: دنامي مستشفئ داحصل علاكه
نيار: هههههههه
ام عزيز: يمه بنيتي اسم الله عليهه يلا متخاف من الله تريد تنومه مستشفئ علمود كرشك
وائل: هيجي تخافين علييه اخخخخ اشعر بلغير
ام عزيز: هههههه وين اخوك
عزيز: هياتني امي جنت اغسل السياره
دخل كاف البجامه لابس تراك اسود
كعد ع ميز الطعام يباوع الي شويه ويدور عيونه
عزيز: يمه نسيبج صايره سمعته بلكاع والله استحي اكول هذا نسيبي
ام عزيز: يمه ياهو منهم
عزيز: رجل زينب
عزيز: احمد ؟ شمصخم هلمره
عزيز: ماخذ فلوس بلفايز والدينا تفتر عليهه
من هسه اكولج فلس احمر مادفع اله
وائل: يمه والله اطلكه لزنيبا واتكفل بناته وماانطي فلس احمر
هو يشبع حرام واني اسد ديونه
ام عزيز : الله يهدي ياامي
كملت العشه واتعشينا بلمطبخ
عمي يخزرني
وائل دايس اله
ام الحجيه مسيكنه مقهور ع حظ بته
كملت العشه
كفيت الاماعين حاطه القوري ع الطباخ غسلت
الاستكاين
وصبيتلهم جاي
ورجعت ع الطباخ اجلفه
طب لقلق
ضليت مترددهه اسئله
لحد
نيار: وائل سوال
وائل: يمه اسم الله جواب ( عود مصدوم ابو راس)
نيار: عزيز شنو شغله
وائل: شهل سوال
نيار: دكولي
وائل: محبه لو فضول
نيار: هههههه فضول اكيد
وائل: يشتغل ويه جماعه ........ مساعد القائد مالتهم
نيار: شنووو
وائل: انصدمتي
نيار: طبعا الي اعرفه هو مفوض مادري ضابط
وائل: هو صح يتشغل مفوض بس كدام العالم
اما هو فه شخصيه مهمه ماشفتي الحراس الي تفتر ورا بلسياره
والمسدس الي يشيله
نيار: انصدمت والله
وائل: عادي انصدمي
نيار: هههههه
عزيز عليش تنصدم؟ !
قد تُصلح لَمسة يدكِ كُل هذا الخراب ♡
الئ هنا ينتهي جزء من قصتنا اللطيفه
دمتم في حفظ الله
مع تحياتي
نوران المندلاوي
YOU ARE READING
ثار الوريد (مَهِجِعٌ آلَآحٌرآر)
ChickLitتّحٌتّ مََّسمَئ آلَحٌبِ مَهِجِعٌ مَنِ آلَنِآر يَِّّسګنِهِ آلَآحٌرآر آطّفِّآلَ بِلَآ طّفِّوِلَهِ غٌصٌبِ وِآنِتّقِآمَ قِيِّآَّس آلَشٍرفِّ بِقِطّعٌهِ مَنِ آلَقِمَآشٍ ظّلَآمَ وِنِآر َّسحٌر وِجِنِوِنِ آخَتيِّآرآتّ خطّآ حٌبِ وِجِنِوِنِ
