النقيب راغب

بارت 60

نورهان:  سويت سونار وخفت لايطلع نفس حملي الاول مبين  بس طلع تؤام ولد ومن كالتلي هيج الدموع عشرة عشرة  وطلعت لراغب ابجي وهو انهبط عبالة صار شي لو الطفل بي شي  ومن كتلة تؤام فد فرح وياهو اليشوفة يكلة حيجيني ولد اثنين  وفرحان عبالك اول  طفلين الة والطريق كلة سممتة ابجي واحجي وياة وهو يهدي بية اكلة ماريد تؤام ماريد تعب ومسؤوليتهم صعبة اني  لهسة ممدبرة هذولة الاثنين انوب يجوني اثنين بعد وهم ولد ياريت بنات وكف السيارة على صفحة وظل هو يكلي اني وياج ومااعوفج وحدج  مثل الحمل الاول وكلة جذب بس حجي  اني جانت زينب الله يرحمها وياية وتسهر عليهم مرات ومملحكة ومتسممة بنومتي  ولحد هسة الليل كلة مدانامة  اسهر وياة راغب منا وكلساعة افز عليهم اشوفهم خاف بيهم شي لو محتاجين شي العالم من تشوف جهالي يحسدوني عليهم  وميدرون اني شصاير بحالي وشكد متعذبة من وراهم  ذبني يم خالتي  هو راد يذبني يم خالتي ويروح عندة شغلة  بس من شاف حيدر يم بيت خالتي نزل وياية وظل وياية ظلينة ل10 بليل يمهم وخالتي نفس كلام راغب كتلها ماريدهم اريد انزلهم وهي ظلت تعلمني وادكلي

ام مصطفى: حرام  اتسويهن هيج هذولة روح شلون تكتلين روح  شلونننن  والله  شنو اتعب لو يتعبوني كلها اتعب لو تخلفين واحد هم يتعب ومتنامين ليلج  لج  يلغبرة هذولةةة نعمة نعمةةة

نورهان:.....

ام مصطفى: والمفروض اصلا  تحمد ربج  لان انطاجياهم واصلا والله اكو ناس جانت  حسرة الخلفة ومثال كدامج  مرتة لرجلج الاولى  مو جانت تتحسر على خلفة ومتخلف

نورهان:  ظلت تحجي وياية لحد ماهديت واقتنعت   واتندمت على كلامي   ب10 ونص راغب دز علية دنرجع لبيت وهو فرحان واني بين الضايجة وبين الفرحانة  وصلنة لبيت وعمتي تلكتني جكليت وهلاهل وجنة جانت جاية  علينة وتزور بعيونها وادكلي اي عيني كلة تؤام حظوظ   اي والله  حظوظ  صدمتني بدال مدكلي  دادكومين بالسلامة لو تباركلي هي اصلا حيصيرلها السنة الرابع  من متزوجة ومدتخلف  وعيونها على عالم  اتذكرت خالتي اكو ناس فعلا ظالة بحسرة  كعدنة  يم عمتي  ل12  وصعدت  طبيت سبحت  وطلعت لكيت راغب يم الجهال ديلعب  وياهم محجيت شي   كعدت ابدللهم واحد واحد جهالي واخواني  وبعدين  نومتهم حتى سبح مسبحتهم  لان تعبانة وضايجة فوكاها   نومتهم ووكفت كبال المراية امشط شعري  اجة راغب حضني من ورة وظل يبوس بية ورجع يحجي نفس خالتيي  وخرتة وكتلة تعبانة عوفني انام عفتة ورحت نمت وهو مادري وين راح  كعدت ثاني يوم الصبح نفس كل يوم تنظيف  وطبخ وجهال وجنة يمنة وكامت تسوي مشاكل بيني وبين راغب الحمدلله  عمتي تسكتها وتوكف وياية وراغب اصلا يعرفني مو مال مشاكل ظلت اسبوع  مخلت سوك مراحتلة وهاي تعال سيف وروح سيف وراحت لعبدلله ولمرتة  الجديدة  ورجعت تسولفتة سوتلي هيج وحطتلي هيج  وهاي تجيب وتاكل مثل المخبلة  حتى اكثر مني كمت اكول لراغب شو اختك متحجي عليها بس علية وضحك علية بكم كلمة وسكتني  بالكوة خلصت منها اجة رجلها اخذها وراح  ورجع البيت هدووء نفس قبل  رجع انفتح موضوع  يوسف  وتمارة وهذا يوسف مصدك كل يوم يريد حساب  شكل  كل فترة تحضرة لحد مادخللها بحسابة الشخصي وظلو يحجون وهاي تمارة كلساع تخابرني ادكلي شكلة ولاعبالك هي جانت تعلمني هههههههه    المهم مراسلاتهم مطولت ورحنة مشينة عليها سوينالهم خطبة بيناتنة وبس انخطبو بدينة انجهز لعرسهم جددنة غرفة يوسف كلها  حتى صبغ صبغناها وسوينة تعديل وترميم  لبيت كلة هم ورحنة سوينة تحاليل دم ومن طلعت رحنة عقدنة عقد محكمة   وهاي شنو اني وراغب وراهم وراهم حتى بالتجهيز رحنة وياهم وتبارك تركص بجفية حتخلص منها  وبس كملنة تجهيز   رسن حددنة العرس مالتهم تقريبا  اربع اشهر مصارلهم من خاطبين وزوجناهم  يعني مطولت  نص سنة  خطوبتهم وزوجناهم واني احس مي باردة واجة على كلبي من تمارة اتزوجت يوسف فد فرحت بزواجهم  اول شي تمارة اني احبها وقريبة علية وهم حتظل وياية بنفس البيت وتساعدني  هم هههههه اهم شي المصلحة    اجة موعد الحنة  وراغب خلاني اروح وياها لصالون كونها بنت خالتي وقريبة  حنة وعرس اني وياها معفتها وعمتي يمها بنات  خواتها  يساعدوها واصلا  هي هم كالتلي روحي  وياها  واني حرت وين اروح بحنة  تمارة لو بحنة يوسف بس قسمتهن العصرية يم تمارة ومن اجوي يحنوها اني رجعت وياهم وبالزفة نفس الشي ظليا وياها لحد مااجوي ياخذوها ورجعت وياة راغب   خلصنة العرس بليل زفناهم همة واحنة ظلينة جوة اني وتبارك  ولااا نظفت ولاتعبت روحي وعمتي مقبلت اشيل شي لان حبلة وبنات خواتها نظفن وهديل جانت جاية  وبطنها كبرانة وعلى حسب مسمعت حامل ببنية  هديل حبلت قبلي بشهر لو بشهر ونص فبطنها بارزة اكثر  مني اي كمل العرس ومن شفت البيت تنظف وتبارك راحت وياة كرايبها  وعمتي وخواتها فرشو  دينامون عفتهم و اخذت فروخي وصعدت لكيت راغب سابح ومتدد  وكاعد على تليفون   ظليت افتح بتسريحة شعري واحجي وياة  وهو يسولف وياية   ومن كملنة سوالف عفتة وطبيت سبحت  وطلعت ورجعت سبحت الجهال هم ونومتهم وظلينة وراغب كاعدين ونحجي  على يوسف وتمارة ونضحك  وهو يصيح ميدبرها وكلساع يريد يروح يسئلة  واني ماخلي  شبعنة ضحك عليهم وحجينة على كرايب وحجيتلة على نسوان لحد ماتعبنة ونمنة كعدت من وكت الصبح  عفت الجهال نايمة كعد راغب هم سبحنة سوة وطلعنة هو بدل ونزل واني هم  بدلت وشفت جهالي ونزلت   لكيتهم ديسون ريوك  لعرسان  صعدتلهم ياة اختها لعمتي وشافت وضعهم عود لان عمتي متكدر تصعد واني التهيت بالمطبخ اتريكت وياة البنات  وشلت ريوك لاخواني ولجهالي وخجية كمت عاونتهم بالغدة صعدت دريك الجهال كملت ريوكهم وغسلتلهم وبدلتلهم دنزل لكيت تمارة برة... ها بشري