ملاك بيد القسوة

Part 6

.. ملاك بيد القسوة

لطفا لا تنسون التصويت و التعليق بين الفقرات 🥺✨

__________________________

                             "الوعد و القسم"

في مفهوم غالبية الناس يضنون أن المرأة القوية هي صاحبة السان الطويل الصوت الصاخب و اليد القاسية
لكن في مفهومي المرأة القوية هي الصابرة الطموحة
التي رغم الضروف و العقبات مستمرة في السعي باحثة عن تحقيق الحرية لذاتها افكارها و أهدافها أنا ملاك خلقت من الخالق حرة طليقة قيدت من قبل الضروف القاسية احتضنت ذاتي لبعث في داخلها شعور الأمان ان القادم افضل اطلقت زفيراً من اعماق قلبي

سحبت جنطتي خلفي  واني اباوع للغرفة على أمل انو ما ارجع أشوفها بعد أخرى نقاش صار بينا هو طلب يوديني على اخويه ابقى اسبوع حتى ترتاح نفسيتي ما يدري وقت افارق وجهه راح ارتاح نزلت للصالة لكيت رؤيا واكفه تنتظرني  اول ما شافتني ابتسمت و فتحت الي أيدها تحضني حظنتها واني اتسائل بداخلي هل انسانه الطيفه شلون أخت عديم الإحساس

رؤيا/حرفيا أتمنى اذا رحتي بعد ما ترجعين الهذا المكان البائس

ملاك/ممتنة الوجودج بحياتي

رؤيا/كم ملاك اني عندي ....يلا اطلعيله ينتظرج برا

ملاك/تمام مع السلامة

رؤيا/الله وياج

طلعت للكراج لكيت الغثه واكف ينتظرني والتلفون بإيده ديخابر و واضح النقاش حاد بينه و بين الطرف الثاني
وقت شافني تقدم أخذ الجنطه حطها بالمقعد الخلفي للسيارة اغلق تلفونه و اردف بأستغراب

احمد/هو اسبوع واحد باقية شعندج هل كد ماخذه غراض وياج

ملاك/احتياط كل شيء يصير

حجيتها واني اصعد بالسيارة ساق السيارة متجهين للمجمع الي عايش بي اخويه كلش متلهفه اشوفه كضيت الطريق كله مبتسمة لحد ما قطع ابتسامتي صوته

احمد/اذا رجعت كل شيء اخذته من والدج تنسين الماضي و نعيش نفس الناس الطبيعية

صفنت عليه احاول استوعب كلامه و ادانش فكري درت انظاري للطريق مجاوبته

ملاك/لا أصلا حتى الفلوس ما أريدهم مالي نفس بيهم طالما لزمتهن ايدك بعد اكيد لمسهن الحرام

وكف السيارة امام المجمع و الذهول اكتسح ملامحة
اردف متأسف

احمد/والله العظيم حرت و حيرتيني وياج عجزت شلون اتصرف و وين الصح و الغلط

ملاك/الغلط من وقت اتبعت كلام ابوك الطماع الي هدم حياتنا ان شاء الله يحترك بكبره

نزلت و نزلت الجنطه وياي ركعت بيبان السيارة بقوة حتى ما اسمع صوته المزعج إلا يعكر مزاجي تقدمت على حارس المجمع صبحت عليه هنا نظام المجمعات ما تدخل إلا تقدم الباركود الخاص بالبيوت الجاي عليها لكن اني دخلني من غير ما اقدمه اله لان تعود عليه