بسم الله الرحمن الرحيم
(اللهم افتح علي فتوح العارفين)
ملاك بيد القسوة
لطفا لا تنسون التصويت و التعليق بين الفقرات 🥺✨
صح جنت مختفية هل فترة بس جنت مسافرة اظافه جانت عيني توجعني الهذا السبب اختفيت وهسه رجعت🫣❤️🔥
______________
"ألم الحب"
عندما تتحقق العدالة الإلهية من السماء السابعة وظهر الحق عادت سلاسل التي قيدة المظلوم الى مكانها الصحيح بين يدين الظالمين مفتعلين الألم النفسي والجسدي والطعن بالظهر ......
ايد غيث انحطت كدامي تمنعني من الحركة
غيث/وين رايحة
اسراء/اعاتبها
غيث/ماكو داعي العتب يريح الظالم مو المظلوم
لف ايده على كتفي يمشيني خارج المحكمة وخلفنا ألياس و غزال آلريم صعدنا بالسيارة متجهين للبيت بنص الطريق و الهدوء فتحت شباك السيارة تاركة نسمات الهواء الباردة تلعب بخصلات شعري غلقت عيني اترك ثقل جسمي على المقعد محاولة للاسترخاء بس باءت بالفشل بسبب صوّت ألياس الي فززني
ألياس/محظر الج مفاجأة الا صاروخية
غيث/دير بالك لا الصاروخ يطيرك
حط ايده على قلبه يسوي روحه متخربط مردف بزعل مصطنع
ألياس/ليش هيج غيوثي رفست مشاعري
بنهاية كلامه مد ايده يكرص غيث من خده حوارهم كله شقه مخلين ضحكتي ترن بالسيارة التفت عليه ألياس قاطب حاجبه
ألياس/ادري ضحكة لو سيارة تريد تبنجر ... والنوب باع هاي البائسة بغير عالم
يحجي و يأشر على غزال آلريم الي قلبت عيونها بملل
غزال آلريم/مو بائسة بس تعبانة ومالي خلك تفاهتك
غمها بحركة كلب راجع المكانه
ألياس/مو صوجن صوج الي يحاول يضحكجن
رجعت سندت راسي على المقعد غالقة عيوني احاول انام ميته تعب حاسة جسمي متكسر وايدي لحد هسه تحركني بعد فترة وصلنا للبيت وجان الكا ألياس الخبل جايب فرقة موسيقية استقبال الرجعتي
يهز بجتفه و ركبته مقابيلي لزم ايدي يحاول يضحكني وفعلاً غصب عني ضحكت على سوالفه دفع الهم فلوس داخلين للبيت نزلت دمعتي اول ما شفت امي الي اجت تركض تحضني و تبوس بوجهي
صفيا/يمه بنتي شلونج شلون صرتي ها خوما اذوج ؟
بوست ايدها راجعه حاظنتها
اسراء/بخير ماما لا يضل بالج خلاص طلعت
دخلنا احنى كعائله للصاله وهنا جانت الصدمة ادري مو جنه متأثرين و عايشين اجواء عائلية ليش هل ثلاثي جاي يخربها؟! بس دقيقة يعني امي كالت ال خواتها عندي مستحيل ما دصدك تقدمت تالين مبتسمة بشماتة واضحه
أنت تقرأ
ملاك بيد القسوة
Romanceكيف لغيث الشمال ان يسقي صحراء الجنوب و ينبت بها الزهور ‼️باللهجة العراقية ‼️
