بسم الله الرحمن الرحيم
(اللهم افتح علي فتوح العارفين)
ملاك بيد القسوة
لطفا لا تنسون التصويت و التعليق بين الفقرات 🥺✨
نفس ما وعدتكم على الإنستقرام هذا البارت دمج بين بارت التاسع و العاشر يعني اثنين في واحد البارت 6 الألف كلمة ونصف يعني قريب ال 7 الألف 🌚💗
___________________________________
"تحت جناح الغيث"
شروق الشمس المعلنة عن يوم اخر
خطط جديدة بدايات مختلفة و أهداف متجددة و للبعض الاخر صباح روتيني عادي
رمشت بتثاقل انظر السقف الغرفة بملل من صلاة الفجر كعدت وبعد ما نمت سحب تلفوني الي ما سكت من الإشعارات قريت اخر رسالة واصلتني
"صباح الخير جوريتي البارحة اتصلت عليج وما رديتي اعتقد نايمة ترا قلقت من تكعدين طمنيني عليج "
انصدمتوا انو لحد هسه ما جاوبته؟ شنو السالفة سالمين غير ابين روحي ما مهتمة و ثكيلة بعدين بعدني زعلانة على الدكة السواها بيه هو حقي ازعل لو اني صايرة دراما؟
كمت للكنتور و اخذتلي صفنه مرتبة و السؤال المعتاد شلبس ؟! خاصة اليوم مميز حداوم بالشركة بعد تفكير طلعت زي رسمي لون بيجي مع كعب و جنطة حبري
غيرت ملابسي و حطيت مكياج خفيف نزلت انتظر غيث يم سيارته دك تلفوني اخذت نفس احاول اهدي نفسي تحمحمت و رديت على التلفون اجاني صوته الهادئ
عبدالعزيز/صباح الخير خوما كعدتج من نومج؟
غزال آلريم/صباح النور لا اني أصلا كاعده
عبدالعزيز/طالما كاعدة ليش ما فتحتي الرسالة ولا رديتي على اتصالاتي ؟
غزال آلريم/احم مادري ما انتبهت
عبدالعزيز/غزولة الي يجذب الله وين يحطة؟
غزال آلريم/شتقصد ولك
عبدالعزيز/ما عاهدت سيدة قلبي هيج تكذب و تراوغ بالكلام
غزال آلريم/اكو واحد اسمه برنس تعلمنا منه المراوغه بالكلام ابو اذان مشنترة اشايف روحك محور الكون
اجاني صوته يضحك
عبدالعزيز/كل هل جمال و ابو اذان مشنترة ؟
الادبسسز يدري بروحة صاير حلو
غزال آلريم/تحب اتبرعلك بمراية تشوف روحك بيها
عبدالعزيز/كافي غزولة نلتقي و نحط النقط على الأحرف
غزال آلريم/جيد نحط النقط على الأحرف ليش لا
عبدالعزيز/بعد شوي جايج للمتجر
غزال آلريم/اليوم اني ما موجودة بي احتمال للعصر يلا
اردف بتسائل
عبدالعزيز/ليش ما موجودة صار شي وره ما رجعتي
أنت تقرأ
ملاك بيد القسوة
Romanceكيف لغيث الشمال ان يسقي صحراء الجنوب و ينبت بها الزهور ‼️باللهجة العراقية ‼️
