الك الك كلبي يحنَ وعيوني تشتاق
بسم الله الرحمن الرحيم
___________________________________________
مهُيب:بعد ساعاتتت طويللهه خلصن من السواكه من رجعنه للبيت دخلت الغرفتي ضليت اباوع على الانستا ورا ساعه اتذكرت حذاء ارجوان يمي وهي هسه اكيد كاعده لان متُصل على الانستا رحت دكيت الباب راساً فتحته كالت
-ها يل عتوي ما تنام انتَ
-لج جا ما تنامين انتِ
-اختصر عيني شتريد
-هاج قندرتج
-حدد يا قنُدره انتَ لو قندرتي؟
-وحق علي هسه من اجي اكتلج احد يكُلي ليش؟
-دجيب جيب
-هاج
-تصبح على خيرررر
-وانتِ من اهله خبله ضحكت وسدت الباب رحت لغرفتي حسيت بل نعاس ونمت كعدت ثاني يوم الساعه بل ٩ ونصف شفت اهلي خابصين الدنيا واحد يختار شنو يلبس الثاني يدور على اكل ياكله نزلت جوا ضايج اكره دوخه الاعراس حتى مفكر اذا اتزوج ما اسوي عرس لان بس نفاق وحجي وقال وقيل واني كاعد نزلت جوانه ونرجس ثنيناتهن مبدلات جوانه لابسه بدي اسود قصير ومخصر من ناحيه الخصر صاير شلون المسلوت والفتحه مالته صايره مرُبعه ورافعه شعرها ومطلعه خصُل وبنطرون ثلجي عريض اما نرجس لابسه قميص وردي شكله ساده وبنطلون ابيض وحذاء بيجي اجن كالن
-صباح الخير
-صباح النور وين على الله ؟
ارجوان:للصالون لان حجزنه
-نعممم نعممم؟!!
نرجس:شبيك مهُيب؟
-ممنوع
نرجس:بكيفك ؟ابوي كال روحو؟
مهُيب:شنو انوب صالون بكد النعال ورايحات صالونات شعندجن شحلاتجن بدون مكياج عمي خلن بل بيت بس صالون لا
ارجوان:خلص كافي ما نروح
مهُيب:بعد احسن شفتها صعدت ونرجس راحت الغرفتها ورا. شوي كالوا الروحه للقاعه ساعه ٣ الظهر واني صارلي ساعتين اباوع على التلفون يعني ١١ ونص هسه شعندي رحت للحلاق رتبت شعري وشواربي و لبست قاك لونه نيلي طوخ وقميص ابيض من جوا وبيه ياخه وساعه سوده وحذاء نيلي وبس صارت الساعه ب ٢ ونص رحت لغرفه ارجوان لان عندها سبري مال شعر وعطر ريحته حلوه فتحته اليه انصدمت !معقوله هاي ارجوان؟؟ شكلها كلش حلو ونازك وشعرها مرتبته ومخليه بس مسكاره مبينه وحمره وخدودها وردي ضليت اباوع عليها هي كالت
