بسم الله الرحمن الرحيم
''''''''''''''''''''''''''''''''''
ارجوان:كملت وصعدت فوك شفت سياره جدو طلت الماما راح اروح هي كالت روحي رحت صعدت وصلت للبيت ضليت اباوع على التلفون
شاهيناز:ارجوان راحت لبيت اهلي وحيدر راح يودي اهله ويبقه اسبوع هناك بل بصره كلت خل اروح يم اهلي وثاني يوم اروح لبيت محمد رحت لبيت اهلي بده الموال مال حنين تحجي وتكول ذيج تباوع على ذاك بل حَله وذيج تباوع على واحد وفضايح حرفياً
حنين:شاهيناز ديري بالج على ارجوان
-ليش شبيها؟! شفتو شي عليها؟
-لا بس ديري بالج
-فهميني شكو؟ترة حساباتها كلهن مفتوحات يم محمد وآدم وهي مو قصه شك لا خوف لان ولد الحرام هووايه وهيَ ينضحك عليها بسرعه
-باعي ذاك اليوم شفتها تحجي كامره وي صديقتها ملاك فَ ملاك صديقتها وجهت الكامره على اخوها اخو ملاك ضل يباوع على ارجوان ارجوان وخرت من ذيج الجهه وملاك كالت لا لا تعالي يريد يشوفج ارجوان سدت الخط وضلت تباوع بس الصوج مو من ارجوان لا من صاحبتها
-سكتت كالت حنين:
-دمشي خل نروح يم هديل مرت اخوج
-دنجبي الي خلك اني
-ترا هذة بيتهم
-حجابي وصخ وصايتي وصخه ما أكدر
-البسي عبايه امي هاج
-جبرتني اروح لبست العبايه ورحنه ضلينه نسولف وي هديل ورجعنه ل اهلي صعدت شفت ارجوان كاعده تباوع باوعت اليوم شنو من الايام خميس يعني باجر جمعه خوش نروح اني وياها يم محمد رحت كعدت يمها ضلت تلغي وتحجي اخير شي كالت:
-ماما شنو ذاك وراج؟
-التفتت وكلت :ماكو شي ماما شكو؟
-ماما والله واحد جان ديضحك وراج
-ماما تتوهمين
-ماما شنو السالفه ترة كُل يوم اسمع احد يضحك ب غرفتي لو اشوف خيال اسود لو الباب مال الكنتور ينسحب ويرجع ينسد
-صفنت ب وجهه الكنتور مالتها على السحب شلون ينسحب كلت الها:نامي ماما اني نايمه يمج
-تمام
-درت وجهي ونمت على جربايه حنين طفيت الضوه وهي نامت واني هم نمت .فزيت الساعه ٣ ونص بليل حسيت اكو شي خانكني حيل بس ماكو احد حتى ارجوان نايمه درت وجهي على الجهه الثانيه شفت شخص اسود واكف وبيده سكين غمضت عيني حيل وضليت اكول:يا علي ياعلي يابو الحسنين فتحت عيني الشخص راح اختفه ما أنكر انو بيت اهلي بيه ملك من ملوك الجن عايش بيه كان لكن مؤذي يعني مرات ارجوان تنضرب على ايدها بس محد واكف يمها هووواي اشياء صارت بهذا البيت غطيت راسي بل بطانيه ونمت
