بسم الله الرحمن الرحيم
_________________________________________
-واخيرا وصلنه للفندق بعد طريق طويل كلُش ،
رحنه فوك هو نزل جوه ندري شيسوي،
البدله تعبتني شهد الادبسز خلتلي جنطه بيها ملابس بس المشكله ما شفتهن اني شنو هن،
فتحت الجنطه اريد لبس مستور ماكووو،
لكيت واحد زين شوي طويل لبسته البدله تعبتني كلش،
اجه جايب اكلُ،
-تعاي اكلي
-ما اريد شبعانه
-شبيج
-تكسرت من البدله شنو هاي
هز راسه كمل اكل هو هم بدل صلى صليت وياه ،
تمددت على الجربايه الله شايفين هذة الشعور من انتو تعبانين كلش وانوب تتمددون،
طفه الضوء اجه بناحيتي حضني حيل وباسني من راسي كال
-تذكرين اول مره شفتج بيها وين؟
-اي بل أمام
- تدرين اول ماشفتج حبيتج
-ها طلعت نسونجييي
-انجب حبيبي بس تختلف انتَ والله
-امم شلون اختلف
-من كلشُي
-اها
-وداعتج
كال هيج ودارني عليه ضل صافن بعيوني ،
اخذ شفايفي وهو يحضني حيل،
اخذني لغير عالم، كلشي بيه احبه، هدوئه، نضراته. عفويته. كلشي بيه
كعدت الصبح بدلت ملابسي وكال راح نروح لبيت اهله بل بدايه انوب لبيتنه،
كلتله
-تمام عادي
لبست بشت ابيض وياه شال خليته على راسي هيج بس،
وخليت عطر وتنت وايلاينر،
-ها ها وين رايحين العرس جارتلي الينر جر
-الينر ؟ هسه واذا اكلك ياقوت هناك؟
-اي
-تمام لان بس هي شو حبيتها الباقي لا
-ليش هسه تلكين الفيلق كله هناك والله
-ههههههههههههه
ظل يضحك وطلعنه رحنه بسيارته وصلنه لبيت اهله،
ابوه وأمه وكرايبه، كلهم باركوا النه،
رديت عادي ، امه محبوبه بشكل وابوه شكله لطيف وكيوت،
اخذتني امه تبوس بيه وتكلي
-هلا هلا يمه شوفن جنتي شلون حليوه قابل مثل جناينجن
