بسم الله الرحمن الرحيم
__________________________________________
الامر: ادهم جبنه هاي البنيه حتى تساعدك بل شغل وخليناها وياك تحديداً
-سيدي تكدر تخليها وي ملازم .....
-بس راح تفيدك ب هوواي أمور
- ميحتاج اني افيد نفسي
-بس احنه توسطنه ألها
-سيدي موضوع الواسطات ميمشي عندي
-خلاص كلت كلمه ونهيتها روحي وياه
البنيه: تمام سيدي
ادهم: دكينه التحيه ورحت للمكتب وهي راحت لمكتبها
هسه شنو انوب جايبين بنات هنا مركز كامل مال زلم وبس هي البنيه الوحيده
كملت شغلي ورجعت للبيت سبحت واكلت اجت بنت عمي هي عايشه يمنه لان
ابوها اتوفه ف اجت يمنه هي وامها
تقدمت ب ناحيتي كالت
-هسه انتَ مستعجل الا تتزوج شعندك من هسه
-نعم!
-اقصد ليش اتزوجت من هسه ؟ وانت تحبها لولا؟
-هيج عاجبني اتزوج هسه ... واي اني احبها
-هو حظوظ
-حظوظ شنو!
-عفتني اني ورحت الها على حورها هي
-تسواج ولج
عفت الاكل ورحت لغرفتي شهل بيت الي كله مشاكل ب مشاكل
هو العرس منتظر ارجوان تخلص السادس بعد ٣ اسابيع الامتحانات مالاتها وورا ما تخلص نسوي
همه اهلي دائما يكولون خل تجي واليوم هم كالو
-خل تجي ارجوان والله محبوبه دجييها باجر
-ما ادري اشوف اذا لحكت اجيبها
فتحت تلفوني وخابرتها يرُن جاوبت
-هاييييييي شلونكك
-هلا بيج الحمدالله وانتِ
-زينه اني
-اكلج
-يس
-امي كالت خل تجي ارجوان بأجر هو باجر جمعه
-ااا ما ادري اشوف
-انجبي تجين
-ليش
-اكلج صدك امج خابرتني كالت عود تسوون للعرس مدري شنو
-هاي امي من كُل عقلها دتحجي؟ ما اسوي عرس ما احب الفخفخه
-هو شنو فخفخه عرس ترا
-اي ما احب
-غصباً عليج نسوي المهم كالت جيبو غرف مدري شنو بس الفهمته غرفه
-اي روح انتَ اختار
-يل لون تردين
-اسود
-ارجووووووان
-نعم
-اختاري غير الوان عوفي الاسود
-اممم بيجي؟ اوو ازرق فاتح لو سمائي واريددها تركيه
-هسه انت شوكت تكملين امتحاناتج
-بعد ٣ إيام ويبدي الامتحان الاول
-ماتقرين
-هه منتظرتك؟ قريت كل المواد اذا ما اطلع معدل ٨٠ واروح هندسه
-ان شاء الله المهم باجر اجيلج
-تمام
-ماشي
ارجوان: ضلينه نحجي ورا شوي راح واني هم سديت الخط نزلت يم ماما كلت الها كالت روحي وتدري بيه مضبطه كل الامتحانات مالاتي وقاريه كلشي
كعدت ثاني يوم غسلت وجهي وخليت مرطب
طلعت ملابس لبست بشت اسود وياه شلون الشي الي ينحط على الراس وبيه زهره الشمس هو مال محجبات بس خليته هيج على جتفي لبست شحاطه على شكل حذاء كعب هيه بس ناصيه ومرتبه
كملت خابرته اجه طلعت بره صعدت بل سياره كال
-اكلج
-ها
-البارحه والله جايبين بنيه للمركز يبووو تخبل مو بنيه
-عليك الله!
-والله
-عوف ذن السوالف مال الادبسزيه
-شنو قصدج اني ادبسز
-بالضبط.
-تسلمين
-اكلك
-ها
-راح اشتري سياره محمد كال اجيبلج بس شو البارحه كال لا اني عندي سياره واطلعجن بيها أقنعه انتَ
-هللوووووووو انوب سياره تريد حلوه هاي بطول النعال وتصعد السياره هو انت البانزين ما تلوحينه
-مو لهدرجه
-تعاي بمكاني وشوفي اذا تلوحي نزلي وصلنه
هزيت راسي نزلت فتح الباب ما شاء الله بيتهم مثل قصر يجننن وجبيرر وبيه حديقه كلش كبيره دخلنه جوه سلمت عليه امه وابوه وخواته هنه ذن سوالف السلام وكذا.....
كعدت بل صاله دخلت بنيه شابه يطلع عمرها بل ٢٠
اجت يمي كالت
-انتِ خطيبته موو؟
-ااا اي ليش؟
-هو هذا الحظ ماخذج الج وعايفني اني
-ما راح ارد عليج احتراماً ل ادهم مو الج
-كاعده ببيتنه وتكول ما احترمج والله حلوه هاي
ام ادهم: بعد روحي ارجوان لاتهتمين معليج بيها هاي وحده حيه
ارجوان: لا خاله عادي مصار شي
ادهم: هاي شنو ولا عرفتج
-لعد شتريدني اسوي اكوم الها
يتُبع...
