No.08.05 (YZ)

part 0.1

" අම්මටහ්...ආආආ නෑ නෑ නරක වචන ඕන්නෑ.. ඉවසමු කොල්ලෝ ඉවසමු..."

අද විසි එක්වෙනි සියවසේ තවත් දවසක්.. යාන්තම් අවුරුදු 22 වෙච්ච කොල්ලෙක් විදිහට මන් ගෙයින් එලියට බැස්සේ දෙයියනේ කියලා මට හම්බෙච්ච රස්සාවට ඉන්ටර්වීව් යන්න..

ඒත් කොහෙද..
ගෙයින් එලියට බහිද්දිම පතබෑවෙන්න සිද්ධ වුනේ දාර සයිස් මඩවලකට..ඒකත් ඔය කොහෙද යන පොඩි ඇටයෙක්ගේ බයිසිකලේකට අහුවෙලා..

"අවුලක් නෑ අවුලක් නෑ කොල්ලා ෂේප්..ලාවට වගේ කකුලේ මඩ බේරිලා..සපත්තුව ඇතුලට ෆුල් ටෑන්ක් වතුර ගහලා..සුදු පාට මේස් දෙක චොකලට් පාට වෙලා..ලා නිල් ෂර්ට් එකේ චොකලට් පාට තිත් තිත් හිටලා..ඒත් කමක් නෑ.. කොල්ලා කෙලින්.."

අර අපේ අම්මගේ කීමට ඉවසීමද මොකක්ද එක පුරුදු කරන පන්තියකට සති අන්තේ  රිංගන හින්දා දැනට කොල්ලට අවුලක් නෑ.. මේ මොහොතේ හැටියට vice city game එකේ ඩයල් එක විදිහට අහුවෙන අහුවෙන එකාට නෙලාගෙන යන්න හිතුනත් ඕවා කරන්න ගිහින් පොලිසි ගානේ රස්තියාදු වෙන්න බැරි නිසා මන් එහෙන්මම ආපහු ගෙදෙට්ට යන්න හැරුනා..ඇයි ඉතින් මඩවලකට පැන්න මීහරකා වගේ ඇගපුරාම මඩ නාගෙන කොහෙද ඉන්ටර්වීව් යන්නේ.. දෙයියනේ කියලා මේ සතියට යන්නත් කලින් මකබෑවිලා ගිය ජොබ් කට්ටට යන හීනෙත් අතෑරලා මඩ වතුර පෙරිච්ච සපත්තු දෙකත් අතින් එල්ලගෙන මන් ගෙදර ආවා..

මන් ගැන කිව්වොත් මගේ නම Sean Renolrd...අඩි හයක් විතර උස ටිකක් කෙට්ටු..ලා දුඹුරූ හීනි ඇස් දෙකක් තියෙන handsome කොල්ලෙක්..හරියටම කිව්වොත් කෝටි ගානක් මිනිස්සු ඉන්න ඇමරිකා එක්සත් ජනපදයේ අපේ අම්මට අනුව පිංබත් ගිල ගිල ඉන්න රැකියා විරහිත උපාධිදාරියෙක්..

"ඈ පොඩි එකෝ උබ දැන් මේ විනාඩි දහයකට කලින් ගෙයින් එලි බැස්සේ රස්සාවකට යනවා කියලා නේද..මේ මොකෝ මීහරකා වගේ මඩනාගෙන.."

ඕං ආවා.. ගෙට ගොඩවෙන්නත් කලින් කනකූන් ගාන පිලිගැනීමක් එක්ක මා හිතාදර මව්තුමී..

"කොහේ යන්නද අම්මා අර එහා ගෙදර පොඩි එකා වෙට්ටුවක් දාලා මාව මඩවලටකට වැට්ටුවනේ.."

"කවුද අපේ bubble.."

"ඔව් ඔව් ආන් ඒ බබල්ගමා තමා.. ඕකා කොහොමත් එදා මන් උගේ බයිසිකලේ ටයර් එක කැපුවා කියලා මාත් එක්ක නයි වෛරනේ.. අනිවා ඕකා ඔය මට ඉන්ටර්වීව් යන්න බැරි වෙන්න කියලා හිතලම ගහපු ප්ලෑනක්.."

" හා හා.. උබ දැන් මේ දොරකඩට වෙලා පුප්ප පුප්ප ඉන්නේ නැතුව ගිහින් නාගනින්.. මන් ගිහින් පොඩි එකාගෙන් අහන්නම්කො අයියට මොකක්ද කලේ කියලා.."

"මොකක්ද කලේ නෙමේ.. ඕකා මාව මඩවලට අතෑරියා එච්චරයි ඉතින්.."

අම්මා වෙනදා පුරුදු විදිහටම මගෙයි එහා ගෙදර පොඩි ඇටයගෙයි නඩු විසදන්න කියලා උගේ ගෙවල් පැත්තට යද්දි මන් අම්මට සද්දෙන් කෑගහගෙනම මගේ කාමරේට දිව්වා..

Happy BJYX day මගේ කැස්බෑ පැටවුනේ.. 💚❤️💛

හරි හරි ඉතින් දවසක් පහු වෙලා තමයි.. ඒත් ඉතින්..... එක්කෝ ඕන්නෑ..

ආආ..මන් ගැන කිව්වොත් අංක එකේ කැස්බෑවෙක්..ඉතින් මට ඕන මගේ ෆැන්ටසි ලෝකේ ඒදෙන්නා සතුටින් ඉන්න..අන්න ඒ හින්දා මන් මට පුළුවන් කාලයක් වෙනකම් ff ලියනවා..ඒත් අයියලා දෙන්නගේ චරිතෙට හානියක් නොවෙන්න..💛

හරි හරි කතාව මෙහෙමයි මේකේ යන්නේ රොබෝ කොල්ලෙකුයි මනුස්සයෙකුගෙයි කතාවක්..(මේ මන් දැකපු fan art එකක් 🌝)..

තුන් වේලටම ගුලි කාලා වගේ හදේ ඉන්න පිස්සු ෆෑන් comedy type කතාවක් ඉතින්..

එච්චරයි..

by eonz
2024/09/06