" هقيت إني ملكتك مادريت ان الأماني غرور "

البارت الثالث

* بعد مرور الوقت ' الساعه 5:32 العصر '
مجتمعين في الحوش يسولفون مع بعض
قاطعوهم غزل وفهد وهم داخلين عليهم يضحكون
عبدالله : كيف مرت عليكم القضيه
سلموا عليهم ورد فهد : والله ياجد كانت الحمدلله تمام ماشيه حتى تكلمت موكلتنا وخربت كل شي ، كمل بضحكه ليتكم كنتوا هناك كان شفتوا وجه غزل كيف صار
ضحكت غزل : جلطتني أنا مكلمتها قبل لاندخل مليون مره مهما صار ماتتكلم وعذرها في النهايه استفزها زوجها ،
ضحكوا عليهم وعلى غزل الي واضح للحين متنرفزه منها
سُليمان:  ليتك هبدتيها قهرتني وانا مالي دخل أصلا
ياقوت : لا حرام ، يمكن صدق قال شي زوجها ونرفزها
الود : غزل ، وش قال زوجها
ضحكت غزل : يقول تسرق فلوسي وانا نايم
ضحكوا عليها وردت ياقوت : شفتوا صح علي من باقي يقول لحرمته تسرق !
سُليمان : إذا أخذت فلوس بدون علم زوجها ذي وش تتسمى ياعيال ؟
خالد ولد سعود  : سرقه ذي
بققت نوره عيونها وناظرت خالد : والله ياخالد يعني أنا اسرق فلوس أبوك ؟
ضحك خالد : لا هنا وقفوا ، غلطان عمي سُليمان ما تتسمى سرقه
ضحكوا عليه مسرع قلب على عمه بسبب أمه
ضحك سُليمان : الله يقلعك من ولد أخو
ناظره خالد : السموحه ياعم
~

"  الساعه 11:54 الليل "
على وصول طياره الرياض لبريطانيا ، مشت للمطار واخذت شنطتها وطلعت تدور على أوبر وتروح لفندق حتى بكرا وقت تخرج اخوها وتفاجئه .
~
* بعد مرور الوقت
" الساعه 11:28 الظهر " في الرياض
طلعوا من الجامعه متجهين لدباب الغرام
الماس وهي تغطي وجهها من الشمس : منجدك أنتي تبينا نروح ب ذا ؟
غرام : اي ، ليه وش فيه
الماس: يابنت حر وشمس وقرف وبالدباب بعد ، تعالي غرامي نروح ب أوبر تكفين
غرام : تبين معي ولا
الماس : اوف اوف ياغرام ،
مشت تركب معها بتأفف وتلبس الخوذه وطلعوا متوجهين للقصر
~
* في مكان اخر -  لندن -
رنت الجرس وانتظرت حتى انفتح الباب وطلعت الجده ايلا والجد اياس
( تنويه - حوارهم في بريطانيا باللغه الانجليزيه )
ناظروها بصدمه وضحك الجد يحضنها
:هيام متى جيتي ، وليه ما كلمتيني نقابلك أنا وايلا
ابتسمت هيام : كنت ابي اسوي مفاجئه ياجد اياس
  الجده ايلا : كيفك وكيف السعوديه معك كويسه ؟
هيام : كويسه كويسه ياجده إنتوا كيفكم
الجد : بخير بخير ، متى تبينا نروح لصقر تخرجه بعد خمس ساعات
هيام : الحين بقوم أتجهز ونروح له كل شي جاهز أصلا
~
- العصر الساعة 4:22 في جامعه لندن  -
بدأ التوزيع والتكريم وصقر كانت مشاعره مخربطه بين حزن وفرح انه محد موجود يشاركه الفرحه ذي
سمع اسمه يتردد من صوت يعرفه ويعرفه كثير لو سمع الصوت ذا يفرقه بين كل الناس رفع رأسه بصدمه وابتسامه على وسع ثغره وناظرها اتجه لها مسرع وبدون مايفكر ب اي احد من نادت اسمه وهو بس الفرحه مو سايعته أربع شهور وهو م شافها بسبب ظروف شغلها ولما قالتله انها مشغوله بقضيه خاب ظنه والحين يشوفها تناديه حتى تسلمه شهادته بنفسها حضنها يعبر عن شوقه لها قدام كل الحاضرين يحبها وكيف مايحبها وهي اخته الي يعتبرها أمه يغليها من غلاه نفسه  بفرحه وهو يدور فيها : جيتي جيتي والله جيتي !!
هيام بضحكه وهي متمسكه فيه : ايه جيت وكيف م أجي و صقري يبيني !
وقف ونزلها من حضنه وقبل رأسها وهو فرحان لحضورها ب ذا اليوم المُميز له وانه اخيراً حقق الحلم ومو حلمه هو لا حلمها هي لطالما حبت مهنه الطب وخاصه الجراحه بس لأمور يجهلها حولت للقانون ومن ذاك اليوم وعد نفسه يحقق حلمها لان مافي احد بيجي نفس غلاها ،
ناظرته وهي مبسوطه اخيراً شافت اخوها الي تعتبره ولدها من حُبها له لبسته الوشاح الي مصممته بيدها ومكتوب عليه ( أنا اخوك يا هيام ) بالعربي ذي الكلمه كان يكررها لها إذا صار مكروه ولا شي لها بس الحين هي صممته له بفخر وسعاده مسك يدينها وباسها يبين لها كثر غلاها عنده لبسته بروش كانت محتفظه فيه من أبوها يوم كانت باقي في اول متوسط وعندها هوس للطب شافه واخذلها البروش
الي عباره عن سماعه الطب وفيه اسمها بشكل صغير
ناظرته بفخر وحطته له ، بعد الاحتفال أخذته هيام يروحون
لشاليه مستأجرته وفيه اصدقاءه واهلهم تحتفل فيه وفيه كل الناس الي يحبهم تقريبًا دخل وهو مصدوم يشوف الجده ايلا والجد اياس وأصدقاءه منهم ثنيان وأهل ثنيان   يشوفهم وهو مبسوط ذا الشيء البسيط يعني له الكثير والكثير هو بس يبي يشوف احبابه مبسوطين وبس ، ناظرها وحضنها للمره الثانيه وهو ممتن ان ذي اخته ، ناظرهم وتقدم يسلم عليهم ويعاتب ثنيان الي كان يعرف وماقاله ابتسم ثنيان : عيت علي اقولك يالعشير
صقر ببتسامه : فدا
قضوا اليوم كله مع بعض وهم مبسوطين .
~
" الساعه 1:12 بعد منتصف الليل "
بعد ماالكل نام
طلعت من غرفتها بهدوء وهي تمشي على أصابع رجلها عشان محد يسمعها فتحت باب الشاليه بشويش وطلعت تناظر السياره السوداء الي على جنب قفلت الباب وركضت لها فتحت الباب ونطقت : امش لمسرح الجريمه
.: أمرك
وصلت لمسرح الجريمه  : تمام انتظرني هنا
هز رأسه لها وفتحت الباب ومشت تدخل ناظرت المكان وكيف كان كل شي طايح صدق صارت جريمه هنا ومن الموجود انه المقتول حاول يدافع عن نفسه كثير حتى انقتل ناظرت المكان بتمعن تحاول تحصل شي أو طرف خيط للمجرم حتى لمحت بكت دخان وكانت العلبه واضحه من احد الملاهي الموجوده في لندن وماعرفت توصل للقاتل ذي ولا المقتول لكن حطتها بجيبه سكتت شوي تسمع صوت وحطت يدها على خصرها تسحب السلاح حقها وتحاول تعرف من وين مصدر الصوت حتى عرفت انه ورا المكتبه الي وراها ناظرتها بطرف عين حتى وقفت بهدوء وراحت من الجهه الي سمعت من عندها الصوت واشرت بالسلاح لكن وقفها الي مسك على فمها من ورا يوديها للظلام حتى يشوف ملامحها وهي ماتشوف ملامحه استدار فيها وناظر عيونها الحاده ورموشها وحواجبها الكثيفه هام في تفاصيل عيونها وهو للحين مايعرف هي مجرمه ولا ناظر فيها بتمعن سطام كأنه يحاول يشبع نظره فيها وهي ناظرت بصدمه تحاول تبين ملامحه من شده الظلام ماتشوف إلا
-حوارهم بالانجليزي-
رسمه وجهه ظنها انه هو القاتل قاطعها صوته وهو يقول : من أنتي؟
ناظرت يده بمعنى كيف تبيني أتكلم ويدك
وخر يده وهو ماسك خصرها يثبتها هام فيها كأنه اول مره يشوف بنت خصرها النحيل وجهها الحاد وعيونها واخ ياعيونها بحر فيها لا ابعد الحدود قاطع هيمانه فيها وهي تنطق : أنا أجلك يالمجرم
وبسرعه بديهه طيحته على الأرض وحطت كوعها على رقبته وابتسمت هيام على جانب ثغرها : بحركه وحده وتودع حياتك يالمجرم الاشقر ناظرها من بدايه كلامها وهي تقول انها اجله ماتدري انها صدق اجله جابته من اقصاه
ابتسم سطام : من أنتي
رفعت حواجبها تناظره وبحده : أنا الوحيده الي اسأل  وانت تجاوب هنا
ضحك سطام : أنا الاشقر
هيام بحده : ماعندك أسم يا الأشقر ؟
نطق وعيونه بعيونها : سطام بن تركي الاستخباراتي الأشقر
ناظرت فيه بتمعن ووقفت تنفض ملابسها وترفع جوالها تتصل وماهي إلا ثواني ورد هيام .: يا رئيس الي بيساعدني في القضيه اسمه سطام بن تركي الاستخباراتي ؟
رد عليها : ايه هو .. حلي القضيه معه وباسرع وقت.
هيام وهي تناظر سطام الي للحين مكانه : طيب
سكرت وناظرته من فوق لتحت وهي تمد يدها له : عاجبك المكان ؟
رفع راسه يناظرها ببتسامه : تطيحيني وتمدين لي يد العون ؟ غريبه أنتي
ناظرت فيه ببرود هيام : اعرف
مسك يدها يقوم وينفض ملابسه سطام : عرفتيني وانا للحين ماعرفتك
هيام وهي تناظره : النائبه هيام
سطام نطق بالعربيه ظن منه انها ماتفهم : اي بالله انك الهيام
عقدت حواجبها و بالعربيه : ترا افهم
رد عليها بذهول وابتسامه: حلو انك تفهمين
ناظرته وبعدها ناظرت للي بيدها وتمده له : شفت بكت الدخان هنا نبدأ بالملهى ذا يا الأشقر ؟
سطام وهو ياخذه من يدها ويرد : بس ما نعرف إذا تنتمي للمجرم ولا الضحيه
هيام : بسيطه ، انت شفت وجه الضحيه ؟
سطام : ايه شفته
هيام ببتسامه : كويس ، يلا للملهى
مشت قدامه وهو يناظرها باستغراب
ومشى وراها
~
* - بعد مرور نصف ساعة -
وصلوا للملهى وكان مفتوح نزلوا وناظرت للملهى تتقدم ومشى وراها يدخلون دخلت متوجهه للمقاعد تجلس ومعها سطام ناظرت للي تكلم معها يقول
.: وش نوع المشروب تبون
همست : استغفرالله،،
هيام بصوت مسموع:  فيه كاميرات هنا ؟
ناظرها وهو يهز راسه بمعنى لا
طلعت رخصتها توريه : والحين ؟
بلع ريقه وناظرها بخوف  : اي اي
هيام : ورني التسجيلات الاخيره
جرت محادثتهم تحت أنظار سطام وقاطعه صوت هيام : يالاشقر
ناظرها وكملت : حافظ شكل الضحيه صح
هز راسه لها وكملت .: شوف إذا حصلته هنا
ورفعت نظرها للي طلع الكمبيوتر : يوم الاثنين ١٩ أغسطس طلع التسجيلات تبع ذاك اليوم ،
.: تمام تمام
لف الكمبيوتر يوريها ناظرت سطام : شوف
وقفت وخلته يجلس ومسكت الكمبيوتر توريه ناظرها ورفعت حواجبها تأشر له يشوف هز راسه يناظر وعقد حواجبه : ارجعي ورا شوي
ناظرته ورجعت وأشر ب اصبعه : شوفي ذا هو
عقدت حواجبها تناظر  : من ذا الي جنبه ؟
سطام : ماعرف ، لكن شوفي يصارخ عليه
هيام : الواضح انه بينهم مشكله يمكن
همهم لها : تعتقد يمكن له علاقه بالقاتل ؟
رفع نظره لها سطام : مشكلتهم قبل لايموت الضحيه بساعات قليله ،، اشك انه له علاقه
همهمت له وسرحت شوي تفكر بالقضيه وناظرها يتأمل شكلها بوضوح قاطعهم صوت جوالها رفعت جوالها تناظر الاسم وابتسمت ترد : صحيت ؟
.: ايه ،، ومثل عادتك مو موجوده
ابتسمت هيام : طلعت شوي والحين برجع ،، لاتنام
قفلت جوالها تناظر سطام  : الساعة 10:30 الكوفي**
تعال ياشريك ندور حل للقضيه ذي تمام ؟
هز راسه لها ولفت عنه تطلع من الملهى وتركب اوبر
سطام بعد ما غابت عنه رؤيتها ببتسامه على جانب ثغره : هيام الأشقر  .
~
* - بعد مرور الوقت -
فتح الباب يناظر فيها ونطق : قلتي م انام ومانمت ،
وش سويتي بالساعه ذي يابيبي ؟
رفعت نظرها له ببتسامه هيام : صقوري كم مره أقولك
بيبي ذي لا تقولها
صقر : لا تصرفيني بس
حضنته ببتسامه : اعقب
ابتسم لها ومسكها بذراعه يدخلها ويقفل الباب
~
ناظر فيهم وهو عاقد حواجبه  : ليه حضنته ذي ؟
رد عليه الي بالجوال .: شكلك ناظرت وحده محجوزه
يبو تركي
ضحك سطام يرد : ايه محجوزه لي
ببتسامه .: جازت لي ثقتك يا العضيد
ضحك سطام  : إلا صحيح يا عزام متى بشوف عيالك
عزام ببلشه .: اييه كل شوي تبي تشوف عيالي انت
ضحك سطام ونطق عزام : انت الي ابي اشوف عيالك ابي أشوف انتاجك الأشقر
سطام : معليك قرب قرب
وكملوا سوالف حتى وصل سطام شقته .
~