" هقيت إني ملكتك مادريت ان الأماني غرور "

البارت الرابع

- الساعة 8:22 صباحًا - الرياضّ - في مستشفى **
رفعت جوالها : هلا معك الدكتوره الوجد تميم ،،
.: دكتوره الوجد فيه حاله طارئه عند مركز الطوارىء اصطدام طفل ،،
هزت رأسها الوجد ووقفت تمشي  : طفل بس ؟
.: ايه طفل ،، وشاب بعمر العشرين راعي الدباب
همهمت لها وقفلت جوالها تركب المصعد وتنزل
~
دخلت الغرفه تناظر طفل بعمر ١٠ سنوات ساقه تنزف
مسكت الوشاح الي على ساق الطفل وشدتها اكثر وتطلع القزازه الي فيها والطفل يبكي ناظرته وحاولت تطمنه وتكلمت وهي تحط يدها على راسه : عادي عادي الحين تشفى بسرعه ومراح يصير لك شي بسيطه تمام حبيبي ؟
هز راسه وجابت المعقم والدواء تنظف الجرح الي سببته الصدمه وتعطيه ادويه مهدئه للالم وعصاه عشان يحطها تحت جنبه ويمشي فيها على ما تتحسن رجله ناظرت للطفل ببتسامه واردفت : شفت كل شي كويس صح ؟
ناظرها الطفل وابتسم وهز راسه لها
ناظرت للأب الي مع الطفل : انتبه عليه لاتخليه يتحرك كثير عشان مايتعور اكثر
هز راسه لها ومشى مع ولده ..
لفت تمشي بس وقفها صوت الي يقول : وانا يادكتوره ؟ لفت تناظره وعقدت حواجبها تنتظره يكمل
.: انا راعي الدباب وكتفي فيه جرح بسبب الشارع طحت فيه يمديك تشوفينه ؟
الوجد برفعه حاجب : انت مو كأنك الي كل أسبوع جاي يدعي المرض ؟
رفع حواجبه يناظرها ببتسامه : اوبس كشفتيني
ضحكت تناظره وكمل : بس ذي المره لا ، صدق متوجع
صدت عنه تضحك وانحنى براسه لجهتها يناظرها
الوجد وهي تأشر بيدها : ادخل الغرفه وبنادي الممرضه
مشى وهو يناظرها : وليه مو إنتي الي تعالجيني ؟
ناظرته باستغراب وكمل.: مراح أرضى اي احد يعالجني غيرك
هزت رأسها بأسف وتقدمت له تدخل الغرفه ودخل معها يجلس على الكرسي وهي تأشر على قميصه : شيل قميصك عشان اقدر اعالجك
هز راسه وشال قميصه وهو يناظرها ببتسامه
لفت على جهه الجرح وناظرته تردف : لا ، بسيطه
اخذت القطنه وهي تنظف الجرح ورجعت تحط القطنه وفيها المعقم ونطق من الألم .: اخخ ،
رفعت نظرها له ببتسامه  : تبيني أعالجك قلت ؟
يلا تحمل
لف براسه عليها واتسعت ابتسامته : لو تحرقيني ، بخليك أنتي الي تعالجيني يادكتوره
ناظرته بحده لانه يعاندها وماتحب احد يعاندها وزادته الألم لما ضغطت على جرحه بقطنه معقم ومسك يدها بسرعه يناظرها وهو يبتسم  : اوف عصبيه
وخرت يدها وهي تحط القطن واللصق وتغطي الجرح ووقفت تناظره  : خلصت بعطيك معقم وقطن تغيرها كل يوم عشان الجرح ما يتلوث ، واتمنى ثاني مره ماشوفك
رفع راسه لها ببتسامه وهو يقوم : ليه ؟
لبس قميصه وهو ينتضر اجابتها ولف عليها وعيونه بعيونها .: لايكون تتأثرين مني يادكتوره
ابتسم وهو يناظر توترها وكيف مايعرف حالتها ذي وهو كل أسبوع من ثلاث شهور يجي يدعي المرض عشان تعالجه
حركت شعرها بشكل عشوائي: الوجد م تتأثر من احد ، وقربت تناظره بحده وهي تحط يدها على صدره وكملت ،، وخاصه منك يالرعد
ضحك وهو يناظر قربها له وهي مو مدركه ذا الشي ونطق وهو يتقدم لها .: متأكده ؟
هزت راسها له ومشت تطلع ناظرها بعد ماطلعت وضحك ينطق .: جننتني بقربها حرم الرعد  ..
~
وقفت عند بوابه القصر ونزلت تعطي المفتاح احد العمال الي واقفين عشان يركن الدباب ومشت تناظر الي جالسين حول طاولة الطعام ويفطرون مرت عليهم وتسلم على جدها وجدتها سمعت صوت فيصل : من جا ذا الدباب وانا ما اشوفك في البيت ياغرامي ،مد يدينه لها من جات مقبله تحضنه وذي طريقتها بالاعتذار وترضيه كذا
قَبلت خدينه .: بابي سووري اخر مره
ضحك فيصل : تعرفين ما اردك
ابتسمت تجلس جمب خواتها
ريوف : جدو
ناظر لها جدها خالد و ببتسامه : عيون جدك
ناظرت الماس للريوف وبنرفزه : يابنت شوفي ابوك هنا واشرت على سعود وكملت : اتركي أبوي خالد لي !
ضحكوا على غيره الماس من ريوف بسبب حب خالد لهم
قاطعهم خالد ولد سعود : وخرو بس عن سميي
ناظرت له لتِين : اقول خذ بس أختك وروحوا لابوكم يالله متحملين التوائم مأخذين امي منا !
ناظروا لخلود الي صدق التوائم جالسين حولها مجد من جهه اليمين ونجد من جهه اليسار وتأكلهم رفعت نظرها لبناتها  : كملوا فطوركم بس كبرتوا إنتوا
ضحكت غزل : عندهم طفوله متأخره
ضحكت جاهله عن الي يناظر ضحكتها ويتأملها
قاطع نظراته صوت أديم  ببتسامه : فهيدان نزل عيونك لا يشوفها ابوي ، بعدين غزل تبكي على عيونك
ضحك فهد وهو يناظرها للحين
تركي : علمنا وش الي تضحك عليه
سكت فهد وكمل وهو يهمس لاأديم : اييه الحين وش يفكنا من الشايب ذا
ضحكت أديم وهي تطالع أبوها الي واضحه العصبيه طالعه منه وبهمس : الله يعينك يخوي
ابتسم ورد فهد : ولاشي يبوي
~
- في بريطانيا ' لندن ' -
ناظروا لهم الجد اياس والجده ايلا وهم في الحوش من الواضح انهم ناموا وهم يسولفون
الجده ايلا ببتسامه : حُبهم لبعض يطمني من ناحيه رجعوهم للسعوديه يا اياس
هز راسه الجد اياس وهو يناظرهم : يعني خلاص بنتركهم حفظنا أمانه محمد ومنيره لليوم .
رفعت رأسها الجده ايلا تناظر الجد اياس : خلهم يرجعون يكتشفون الحقائق الي تخبت عنهم ولا قدرنا نقولهم بها
يا اياس .
الجد اياس : بس أنا خايف مايقدرون يتحملون
هزت رأسها الجده ايلا وحضنته تحاول تطبطب عليه لأنهم بيتركونهم بعد السنوات ذي كلها ويرجعون دولتهم
~
صحيت وهي تكح بسبب الجو البارد لأنهم ناموا برا ناظرت للي بحضنه وابتسمت تصحيه : صقري ،
وهزت راسه تصحيه نطق وهو للحين مغمض عيونه : ثنيان خمس دقايق بس
ضحكت عليه لأنه للحين يحسبها ثنيان وردت بصوت شبه عالي : صقررر
فتح عيونه وابتسم : عيون صقر
ضحكت تقومه :يلا قوم ضبط اوضاعك ونشوف متى نرجع سعوديتنا ، وقف وهو يحضنها ومشى معها يدخل
~
الساعه 10:40 صباحاً   - الملهى  -
دخلوا متوجهين للمقاعد يتكلمون مع الواقف
سطام : شوف  ، رفع رأسه له وكمل: الي كان يتكلم مع ذا واشر على الصوره الي بجواله سطام : مين ؟
.: ماعرفهم ، ماعرف احد
لاحظت هيام توتره وقربت منه تهمس : اسمعني لو تعاونت معنا  مابيصير لك شي
ناظرها : بس أنا ماسويت شي وماعرفهم
هيام بحده : تبي تقضي حياتك كلها في السجن بسبب تغطيتك على المجرم ؟ ماعندي مشكله
.: لا لا ، خلاص بقول
ابتسمت وكمل : أسمه جاك مُساعد لواحد من كبير العصابات واسمه مارك الي انقتل قتلوه بسبب انه أخذ منهم دين ومارجع فلوسهم
سطام : وين مكانهم طيب ؟
.: ماعرف مكانهم ، بس اعرف وين يتواجدون احيانًا
هيام : إيه ، وين
.: في الشارع الي... قطع كلامه صوت طلقه النار الي جت برأسه وطاح سحبت سلاحها هيام ونزلت رأسها تناظر الي  طلع بسرعه ولحقته: ارسل فريق دعم حالاً !
طلعت وراه تركض حتى لحقته يدخل عماره ودخلت وراه كان مافيه انوار بس اضائه الشمس كافيه
هيام بصوت عالي : سلم نفسك من الحين ، لان مالك طلعه من هنا تفهم
سمعت صوت وراها ولفت تناظر لكن وقفها الي ماسك على وجهها بمنديل فيه مخدر وبسرعه منها حطت رجلها على رجله وطيحته قبل لايبدا مفعول المخدر وضربته على رقبته في مكان حساس ليفقد الوعي سمعت صوت سيارات الشرطه في الخارج ودخل سطام يناظرها شبه مغمي عليها
ركض عندها يناظرها سطام : حضره النائبه 
هيام : حط.. لي ..مخدر ،طاحت على نهايه كلامها بس مسكها من خصرها سطام يضحك وهو يناظرها وبطرف إصبعه وخر شعرها عن وجهها وحملها بحضنه يطلع
~
ناظر الي فوق الخيل يتصور ويلعب مع خيله قرب
منه: ما اشتقت لي يالسربوت
ناظر له بذهول ينزل من الخيل حتى يحضنه : اييه وش ديننا للزياره الحلوه ذي عزاموه
ضحك عزام : ورع ماني اصغر عيالك تقولي كذا
ضحك فارس وهو يحاول ينرفز عزام : عزاموو
عزام : تبيني معد أجيك صح ؟
ضحك فارس وهو بحضن عزام : نمزح نمزح يالعصبي مين بتتزوجك وانت كذا تعصب بسرعه
عزام : يحمدون ربهم بس
ضحك فارس : ترا الشيخة تنتظرك
عزام بحُب : ايبااه ياطاريها يرد الرُوح
ابتسم فارس : شوفها في إسطبلها
مشى عزام يروح للإسطبل
~
ضربت الطاوله من فرط عصبيتها : لا تجنني ! تفهم ، انطق مين الي وكلك مهمه قتله بسرعه
رفع رأسه لها يضحك ويستفزها زياده مسكت عنقه توقفه وترجعه على الجدار بعصبيه وتأشر بسلاحها على رأسه : يلا تكلم الحين لاافرغ سلاحي براسك
ضحك يناظرها : حضره النائبه حتى وأنتي معصبه حلوه ليه
ابتسمت على جانب ثغرها تمسك السلاح من تحت وتضربه فيه على كتفه صرخ من الألم وكملت : كيف عصبيتي الحين
ابتسم وهو يتألم : حلووه
ضحكت هيام : حتى بنتك وهي خايفه شكلها حلو
عقد حواجبه يناظرها ويناظر جوالها الي رفعته توريه بنته وهي تبكي أردف بحده : اتركي بنتي ولا
هيام : ولا وشو ، وش بتسوي
رفع نظره لها : صدقيني بندمك اشد الندم بسبب انك بكيتينها ابتسمت له وهي تأشر بيدها على المايك : تعلمنا كل شي بالحرف الواحد ولا اخلي احد الي هنا يروح يلعب معها وغمزت له  وطلعت ، ركض للباب يضربه بقوه وهو يصارخ : لو يصير لبنتي شي أو شعره منها تتأذى صدقيني بندمك ياحضره النائبه فاهمه
~
طلعت تمشي عند جهاز المراقبه تشوف وش يسوي وتبتسم ان خطتها ضبطت قاطعها .: حضره النائبه صدق الي قلتيه داخل غرفه التحقيق ؟
رفعت نظرها له : منجدك أنت ؟ طبعاً لا وش نبي في بنت صغيره ، قلت كذا بس عشان يعترف
ابتسم يناظرها سطام من ذكائها وكيف عرفت تستغل نقطه ضعفه
نزلت السماعات من انتهى كلام المشتبه فيه ونطقت : الحين تسجلون كلامه كله وتجهزون فرق الدعم أبي نخلص القضيه اليوم طلعوا من كلامه الموقع ونداهم بنفس اليوم
هزوا رأسهم لها ومشت
~
جالسه تناظر لابتوبها وقدامها أوراقها وقلم بيدها ترسم شكل البيت الي لعميلتها بنفس الوصف قاطعها صوت رنه جوالها معلن وصول رساله ابتسمت تناظر رسالته وتضحك ترد عليه قاطعها صوت غزل وهي تغني
: شفتك وكل شي تلخبط
مدري افرح ولا احبط
ضحكت ياقوت : افرحي افرحي
ضحكت غزل تجلس جمبها : حتى أنتي افرحي
ابتسمت ياقوت وناظرت غزل بحياء عقدت حواجبها غزل بصدمه : وي ذا كله بسبب ريان
ضحكت ياقوت وهي تحضن غزل من فرط
مشاعرها : اخ ياغزل أحُبه أحُبه
غزل ببتسامه وهي تغمز لياقوت : وش قالك
ابتسمت بحياء ياقوت ورفعت نظرها لغزل : انسي بس
غزل بذهول : ياحيوانه وريني وش قال بشووف فضوول
قاطعهم صوت سُليمان الي كان يناظرهم من اول وسمع كل محادثتهم وانصدم بياقوت أنها تحب أحد حبيبه طفولته تحب شخص ثاني تنحنح وناظر لياقوت ورفع نظره
لغزل : وين أمي
غزل : تشوفها بالسطح مع عمتي الهنوف
التفت يروح لسيارته ويطلع من القصر
نزلت نظرها غزل لياقوت ونطقت ياقوت : تتوقعين سمعنا ؟
غزل : ماعرف لكن لو سمعنا كان مراح يكون هادي كذا
وجلست غزل يكملون سوالف
~
وقفت سيارتها تنزل تناظر للمزرعه الي بعيده عنها شوي
ورفعت نظرها لواحد من الموجودين : سايمُون
تقدم عندها وكملت : تقسموا ، كل خمس أشخاص يمسكون جهه مابي يمر حتى الطير فاهم
سايمُون: أمرك ياحضره النائبة
تقدمت عندهم تخبرهم بخطتها وكيف ينفذوها وبعد مرور عشر دقايق بدات المداهمة
دخلت ومعها ثلاثه ومنهم سطام وهو مغطي وجهه بقناع
اشرت بيدها وهي ماسكه السلاح على جهه اليمين وتفرقوا
طلعت تركب الدرج تدور للغرفه الي قال عنها جاك وقت اعترافه بس وقفها الي أشرّ بالسلاح من وراها ابتسمت بسخريه ونطقت : خبيث
.: سمعت عنك الكثير ياحضره النائبة
لفت عليه وهو موجه سلاحه على رأسها
وكمل : بس ماقالوا انك جميلة للدرجه ذي
هيام : ولا قالولي انك خبيث بقدر ما انك جبان
.: لا تنسين روحك بسبب تغزلي فيك
ضحكت بسخريه : تجي بالطيب ولا بالغصب
.: مين بيجيبني بالغصب ضحك وكمل : أنتي؟
قاطعه صوت سطام وهو مأشر بسلاحه على رأسه
ابتسم سطام : لا أنا الي بجيبك بالغصب
قربت هيام وحط يده على عنقها يأشر بسلاحه عليها
ضحكت وهي تحاول تفك يده عنها
.: هدي هدي بس اركب السياره واترك
سطام بحده وهو مأشر بسلاحه : أتركها مالك مهرب من هنا
.: ابعد ابعد ولا بفجر رأسها
مسكت يده الي خانقها فيها وعضتها بكل قوتها وعسرت يده طيحته ومسكت بالسلاح حقه تأشر فيه عليه
وبسخريه : أوف ليه طحت
لفت على سطام الي ماله كل شوي ينصدم بقوتها
عقدت حواجبها ببتسامه : يالاشقر شرايك تعطيني الاصفاد
هز رأسه لها وعطاها وكلبشته وطلعت معه وهو مكلبش
ركبت سيارتها بعد ماامنت دخوله السجن أتصلت على رئيسها وماهي ثواني
ورد ببتسامه .: ماخاب ظني فيك يالهيام
ضحكت هيام : ذا واجبي يارئيس ، الفجر بوصل السعوديه
همهم لها وقفل الخط لفت تناظر سطام الي يناظرها
عقدت حواجبها هيام : فيه شي بوجهي
سطام : لا
ابتسمت هيام : اجل ليه تطالع
سطام : اتأمل خلق ربي
ناظرته ثواني ولفت : وين أوصلك ياشريك
سطام : المطار
هيام : تونا خلصنا مهمه مسرع جتك مهمه جديده
ضحك سطام : لا مو مهمه ، برجع الديار
خلصت مهمتي همهمت له
وبعد مرور نصف ساعة
وصلوا للمطار لفت عليه وهي تضحك : وشنطتك
سطام ببتسامه من ضحكتها : موجوده في المطار
عقدت حواجبها وكمل عند خويي الكابتن
هيام باستيعاب : اهاا
هز رأسه لها بضحكه : وألحين إذا خلص التحقيق بلحق الطياره
ضحكت ومدت يدها له وصافحها نطقت : تشرفت بالشغل معك يالاشقر
ابتسم سطام : الشرف لي يالهيام
~
طالعة من القصر متنرفزه كعادتها من المندوب الي دايم يتأخر عليها وذا اكثر شي ينرفزها تكره التأخير ماسكه جوالها تدق مره ومرتين على المندوب حتى رد عليها : وش التأخير ذا يامحمد ؟
المندوب : معليش ، وصلت
ناظرته يدخل ومشت تهاوشه على تأخيره
~
نزل من سيارته ينتضر اخته تطلع من عند صديقتها
سمع صوت هواش بنت ناظر البنت الي تهاوش عقد حواجبه ويتقدم يسمع كلامها وعصبيتها عشانه تأخر حتى يجيب أكلها ضحك يسمعها تهدد المندوب دخل حوش القصر يفزع للمندوب الي أكلته بهواشها وقبل لاينطق لفت عليه : مين انت وكيف دخلت !
عقد حواجبه وأردف : انا عُمر
ضحكت بسخريه : صدق والله ؟ اي الحين عرفتك
رست على اسنانها وبعصبيه كملت : مين انت ياسيد وليه تدخل القصر وين الحارس  عنك
ابتسم بذهول يناظرها وسكت
تنرفزت من ابتسامته وسكوته ونطقت وهي تأشر بيدها على رأسها : مريض انت ؟ ، سألتك سؤال ممكن تجاوب قبل لا أنادي  الحارس يطلعك
كمل سكوته وهو يبتسم يبي ينرفزها
رفعت حواجبها تناظر سكوته وبصوت عالي
منها : صالح ، صااالح
ضحك يأشر للمندوب يروح وراح المندوب
طلع صالح من غرفته يناظر للود وتقدم عندها
الود بعصبيه : انادي عليك هنا وانت ماتسمع ؟
صالح : معليش ، كنت حاط سماعه
كانت بتكمل على طلوع أسيل من القصر ومعها أديم تودعها عقدت حواجبها أسيل : عُمر
ناظر لها يبتسم ونزل نظره للود : أنا عُمر ، عُمر اخو أسيل
سكتت تناظره وتقدمت أسيل عنده : سوري ، تأخرت
ابتسم عُمر : فداك
مشوا يطلعون من القصر ولفت أسيل على الود تأشرلها بيدها : مع السلااامة
الود ابتسمت تأشرلها بعد
رفعت نظرها على عُمر وهو يضحك
أسيل وهي تناظره يضحك : وش مسوي للود معصبه
ابتسم وهو يركب السياره : ماسويت شي جيت افزع للمندوب الي باقي بس تضربه بسبب تأخيره
ضحكت أسيل : المفروض مايتأخر عليها ماتحب التأخير هي ابتسم يسوق رايحين لبيتهم .
~
جالسه بمكتبها بعد ما انتهت من حاله مريض تتصفح جوالها رفعت نظرها للي دخلت
تقدمت لتِين تجلس عندها وهي متنرفزه : يع يع ينرفز
ضحكت الوجد : الدكتور تركي ؟
هزت رأسها لتِين تكمل : يابنت يع حركاته تغث
الوجد : لا تلومينه من مايحبك أنتي
ابتسمت لتِين بخجل ووعت على نفسها بنرفزه : أوكيه أنا اعرف إني حلوه بس ، هو مايفهم أنا مابيه مابيه
ضحكت الوجد بذهول تناظرها : معليك الحب يجي بعد الزواج
رفعت حواجبها لتِين عليها : أقول أنا جايه افضفض لك من حركاته وأنتي تقولين زواج !
وقفت الوجد تتقدم عند لتِين وتمسك أكتافها وبجديه : لتِين صدق يعني ليه ماتحبيه ؟ وسيم ووسيم أسلوب وأسلوب وظيفه ووظيفه جراح وخوي اخوك تزوجيه تزوجيه
ناظرت لجديتها وبسخريه : بالله ؟ اجل ليه ماتتزوجين رعد الي كل يوم مقابلك هنا ضحكت الوجد : مو نفس الشي ، ذاك مهووس مدري وشفيه ضحكت لتِين : الحب يشع من عيونك وباقي تقولين مو نفس الشي
الوجد بنرفزه : لتِين اسكتي بالله بعدين ذاك متهور أنا ابي واحد عاقل مابي واحد يجرح نفسه عشان يقابلني كل يوم
غمزت لها لتِين وبضحكه : اي اي واضح
الوجد : اسكتي بس
~
وقفت سيارتها عند المستشفى وجنبها صقر ناظرت له بضحكه : جراح مستجد
ضحك يناظرها : تكفين لا توتريني أنا من الله متوتر
ابتسمت هيام : ابشر
ابتسم ينزل من سيارتها وارتكى على الشباك : اييه متى بتوصل السياره
رفعت نظرها عليه وببتسامه : اليوم
ابتسم يرسلها بوسه بيده ومشى يدخل المستشفى
~
طلعت من مكتب الوجد تنهي اتصالها مع الماس
واصطدمت بشخص كانت بتطيح بس مسكها صقر وهو عاقد حواجبه يناظرها رفعت نظرها له
وعدلت نفسها توقف : معليش بالغلط
هز رأسه لها بتفهم ونطق : لا عادي
ابتسمت تمد يدها له : أنا الدكتوره النفسيه لتِين خالد
ابتسم يصافحها : تشرفت وانا الجراح الجديد صقر محمد
عقدت حواجبها تناظره مافك يدها وابتسمت : أوكيه ،
ابتسم يوخر يده ويتقدم يكمل طريقه لفت تناظره وابتسمت تمشي
~
دخلت القسم متوجهه لمكتبها رفعت نظرها
لسالم : تعال مكتبي
هز رأسه لها ومشى وراها دخلت ودخل معها يوقف
لفت عليه : أبيك تعطيني ملف محمد بن عبدالله ال عايض 
سالم : أمرك
طلع وجلست على كرسي مكتبها ترجع ظهرها لورا
ونطقت : لقانا قريب يا ال عايض
~
طلعت من محاضرتها تركب سيارتها وتتجه للكُوفي المفضل لها تستمع لرابح صقر ' ابعد وأقرب ' تغني بصوتها ا وتسوق وصلت لكُوفيها القريب من الجامعه نزلت تدخل الكوفي وتتقدم تبي تقول طلبها قاطعها الي وقف بسرعه عند الباريستا يقول طلبه عقدت حواجبها تناظر دفاشته وعدم احترامه لوقوفها اشرت بيدها قدام وجهه وتنطق : تشوف انت ولا اعمى ؟
التفت لها يناظرها : نعم ؟
تنهدت تكمل : تشوف انت ولا أنا جايه قبلك اطلب
ابتسم يناظرها : معليش ، بس طلبي مهم
ضحكت بسخريه: وانا فيه محاضره تنتظرني ، وتقدمت عند الباريستا : لو سمحت عطني V60 وجنبه كوكيز
عقد حواجبه يناظرها بضحكه : تشوفين أنتي ولا جالس اطلب انا
لفت عليه تناظره بنرفزه : كنت أنا اطلب وانت جيت بدفاشتك دفيتني
ابتسم يتنحى عنها : أنا دفش ؟
ناظرته الماس بعناد : ايه دفش ومو محترم
ضحك بسخريه يهز رأسه : ومو محترم !
كمل:  قويه ذي
لفت عنه تسمع الباريستا يقول اسمها عشان طلبها تقدمت عنده تأخذ الطلب وتطلع
التفت يناظرها تركب سيارتها وابتسم : الماس اجل
~