﷽رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي
........
لا تنسون التعليق بين الفقرات
والتصويت ....
ومتابعة الحساب ....
كل ما كان التفاعل قوي كان التنزيل اسرع هذا البارت راح يكون بي ظهور شخصية يغلفها الغموض توقعاتكمممممم شاركوني توقعاتكمممم
............ الكاتبة جنات الحسن
.......؟.....................؟؟.....................؟.........
وصوت النواعي يلوحني ويلتم باديّة
الصوت بي ريحة عيوني وبي هلي و وحشة مسية
هلي يامن ضيّعوني
عريان السيد خلف
................؟..............؟..............
أشرت الاول سيارة شفتها عبرتني بسرعه جنونية ومن خوفي رجعت ليورا جسمي يرجف اباوع وراي اخاف يلحكوني تقريب ربع ساعة واكفة محد وكفلي اخير شي وكفتلي سيارة بيها ولد شاب حجيت واني ابلع ريگ
للكراج للكراج أخذني
هز راسة وهو يباوعلي بتفحص فتحت الباب الورا ودخلت عيوني تراقب كل تحركاتة وعيني عل طريق اول مرة ابتعد هيج من المنطقة تقريبا ربع ساعة وكفت السيارة بمكان مليان سيارت طلعت 25 من الجنة ومديتهم اله رجعلي 20خليتهم بل جنطة ونزلت محتارة وين اروح وين امشي عيوني أدور بضياع الناس تباوعلي وتعبر واني الشال مشمور شمر على راسي واهل السيارات يصيحون بأسماء المحافظات مشيت وية مجموعة السيارة متوجهة الكربلاء صعدت يم مرية بل اخير واني لأمة الجنطة الصدري خايفة من المجهول والمضموم إلي ساعات قليلة وصلنة نزلت الناس الويانة واني عيوني تفتر بكل مكان الناس هوسة والكوسترات والسيارات تارسة الكراج النزلنه بي والناس مجموعات مجموعات تنزل مشيت وية مجموعة مادري وين رايحات دخلنه على كرفانات تفتيش وكلها تباوعلي ما اعرف الخطاء وين وصلت للبنية الي تفتش باوعتلي وكالت
ميصير تفوتين هيج البسي عباية ولمي شعرج
حجيت وبلعومي يابس
احم ها ما عندي عباية
ـ اشتريلج جادر عيوني لا تأخريني زايرة ارجعي شتري جادر وتعالي
طلعت واني مستغربة حجيت بيني وبين نفسي ...شنو جادر ؟!
شفت مره جاية تمشي هي وياها ثنين بنات تقربت يمها وگلت
خاله اريد اشتري جادر منين
ـ ها يمه والله مادري امشي ليكدام .... حجت بتساؤل ..هل يبيعون شلج بي إنت
ها اريد ألبسة ميقبلن ادخل بل جبة
أنت تقرأ
الريبال (تعسف الشاه)
Random؟مازلتُ مُتَقوقعة حولَ نفسي وأنا حبيسةُ ذلكَ الماضي يُغطي ملامحي لسواد وَداخِلي ديجورً دامس حتى ذلكَ الحين رأيتُ حبل نجاتي لاكن عقلي يرفضُ الخروج من قوقعتة بقلمي جنات بنت الجنوب
