ضياغم الليث

Bart 1

الكاتبة : زينب حسين

...........................

تعليقاتكم اهم من التصويت 👍

‏تـآلي ما تـآلي بعتني
وصرت آشوفك بالمكآن،
البي تواعَدنه تواعدَ

........................................................................

أمشي محتارة وزخات المطر تتساقط على رأسي
استوقفني صوت التفتت جان ولد طويل ضخم حجه

:- اخخ خرب صار ساعه اصيح ركضتيني بهل مطر

- تفضل محتاج شي؟؟

:- شنو اكو بنية تلبس عدسات تك و تك

- أول شي هاي عيوني ثاني شي شتريد

:- انتي مو ردتي شغل

- منكم؟ بس إني ماطلبت منكم شغل.واصلآ
ما شايفتك

:- ماطلبتي من يمنه بس سمعتج ب الصدفه وعرفتج محتاجه شغل واحنه نريد شخص يشتغل

- تمام . بس شنو الشغل؟

:- مركز عطور رجاليه

- اها تمام من شوكت أبدأ شغل ؟؟

:- من بأجر

- اوكي بس دليني

اشرلي أمشي مشيت ويا حجه
:- شعجب ما سألتي على الراتب شكد

- نسيت شكد الراتب ؟؟

:- امم يمكن 800

- الله مصلى على محمد وآل محمد شو هواي شعجب

:- هههه مو صاحب المركز زنگيل

- الله يرزقه انشالله

ابتسم وگال

:- شكد عمرج

- عمري 15

:- اوه صغيرررة كلش شعجب تشتغلين ولو تدخل ابوج ميت

- لا

:- لعد ؟

- عايش

:- عندج اخوان

- ماعرف

:- هههههه ناصبه عليه

- لا بس اني من اجيت للدنيا بس اسمه سامعته

:- يعني عايفكم

- هههه اي عاف زوجته وبنته وراح

:- مطلق امج

- اي جايبتني للدنيا وعمري اسبوع وهم اطلقو هيج سمعت من أمي

:- الله يعوضج... هذا المركز شوفي

مركز ذهبي حلو متوسط نازك

- يلا لازم اروح وباجر أرجع يلا في أمان الله

:- الله وياج

رحت اتمشى فتحت الباب اتلكتني أمي

:- هلا يمه هلا خوفيتيني عليج ليش تأخريتي