الكاتبه : زينب حسين ★🤍
ممكن تصويت وكومنت بين الفقرات 🔥
ضياغم الليث 🩵
.
..................................
تحـاسبني أعلى زلاتي
وانـه اكثر من هـلك ويـاك زيـناتي
واڪـفلك چـنت اكثـࢪ من الحـيطان
هيـج تهـون وڪـفاتي
هااا يـا سبب طيـحاتي
چـنت اغطـاك تدفعنـي واضـل اغطـاك
چـنت مـثل الدوه تكـرهني وابـقه وياك؟
_________________________________________
* هيڤار *
انصدمت معقولة ابوي توصل ويا يأذيني بهل طريقه ويدز ناس يقتلوني ليش اني ب شنو أذيته؟ ليش هل كره تجاهي ماعرف
كملت طريقي واني البرود صاب گلبي بس الرجفه بيه شربت ماي وتوني حركت الكرسي احس الدنيا افترت بيه غمضت عيوني وضغطت على راسي
فتحت عيوني
شافتني عمتي اجتني تركض
مريم - شبيجج يممة شصاابج وجهج اصفر ولجج شبيج
ابتسمت وكلت
- ماكو شي عمه بس دخت
-المن طلعتي جان كلتيلي
- المن هو بس شربت ماي ودخت شوي لا تكبريها
- انجبي بسيطه هسه اجي
عافتني تريد تروح لزمتها من ايدها كلتلها
- وين تردين عمه مو كتلج ما بيه شي ولله
مريم - اشش خلي اصيح للولد ياخذوج لا ازيدين وتطيحين علينه
هيفار - عمه والحسين بس دخت شوي شدعوة كبرتيها
مريم - بس شن...
هيفار - عمة فدوة ولله زينه مابيه شي
هزت راسها وكال ضايجه
مريم - خوش خوش شسوييلج بعدد الله يساعدني على هل العناد
ابتسمت وهي صارت وراي. تدفع بلكرسي اخذتني ب اتجاه الصاله رفعت راسي وكلت
هيڤار - عمه رجعيني للغرفه
مريم - شو انجبي انريد نشوفج لطشتي بلغرفه
هيڤار - عمه شنو اليوم قافله كل ما احاجيج تكولين انجبي
