الكاتبة : زينب حسين
...........................
تعليقاتكم وتشجيعكم مهم لا تنسون التصويت🤍
يا صَبر قُل لي هل انا إيُوب؟
ام انَني في لَوعَتي يَعقوبُ؟
أَفنيتُ دَهراً في اِنتِظارِ أحِبتي
فَمتى الحَبيبُ الى الحَبيبِ يَعودُ؟..
........................................................................
* هـيـڤــار *
كمت من مكاني دموعي تنزل حجيت!
- ماكول غير حسبي الله ونعم الوكيل عليج يا ضالمه
بجيت بصوت عالي محروك كلبي مشيت اعرج كلي خيبه وخذلان وجع كلهن التمن عليه دفعتهم وطلعت
مستحيل ابقه يمهم تاذيت وتعبت من تعاملهم وياي مابيهم واحد جبر خاطري غير بس فهد وعمه مريم
غمضت عيوني بوجع رفعت البنطلون شفت مكان الضربه زرگة اتنهدت وتمددت على الكاع غمضت عيوني وغفيت
ثاني يوم جهزت روحي علمود اروح لامي ومن هناك اشرد طلعت راتبي الي من اجيت لهذا البيت لليوم ما لامسة بس 100 حسبتهن 700 يعني يكفلي
ضميتهن بلجنطه هنه والفون ومفاتيح البيت القديم
طلعت صعدت ب السيارة مشت السيارة بهدوء محد حجه لا اني ولا جواد
مرت تقريبآ ساعتين يله توقفت السيارة رفعت راسي جان بيت بمنطقة شعبيه بيت عادي بس حلو بي حديقه خلفيه التفتت الاطفال تلعب واصواتهم عاليه شعور يجنن
نزلت من السيارة مترددة بعد مدة سنة راح التقي ب أمي شلون راح يكون القاء؟؟ راح تفرح لو تضوج؟؟!
تقدم جواد دك الباب رجع دكه
اجانه صوت ولد يعيط
- اجيتتت والعباس اجيتتت
ضحكت وجواد ضحك وياي طلع الولد باوعلنه ب استغراب سلم علىه جواد وذاك مستغرب من يمنه
- منو انتو؟
هـيـڤــار - اني بت نرجس
الولد التفتلي فاتح عيونه مصدوم استغربت ليش انصدم بلع ريگه متوتر وصار يباوعلي بقهر بلعت العافيه خفت صاير شي لامي
هـيـڤــار - شبيكك صفنتت امييي بيها شيي
ما جاوبني صار يباوع لجواد ويرجع يباوعلي طكت روحي من صفنته
- شبيييك بويةة مو داحجي وياااك مترددد شبيييك
طلع ولد ثاني باوعلنه ب استغراب ورجع باوع الهذا الواكف متصنم لا نطق ولا حجه شي
- منو انتو
- اني بت نرجس بس احجووو امي بيها شي
عكد حاجبه وكال
- انتي نفسج هيفار مو؟
هيڤار - اي امي امي وين
باوع للولد ورجع باوعلي
- سافرت
فتحت عيني مصدومة وضليت صافنه وذاك الولد الي اول واحد طلع التفت مصدوم انبلع الساني وتصنمت بمكاني.حجه جواد
