ليتها تعرف ان الشوق جابني

3

            🍂 لا تنتظر من يـزهَـر معك أزهر بنفسك ولنفسك 🍂

الحياة دائمآ صعبه على الجميع فما بالك بفتيات لا عائله لهم صحيح بآن الدوله سند لهم وعندهم رب عظيم يدبر لهم أمورهم ولكن مع ذلك يشعرون بالنقص !
يشعرون بحرقه بقلوبهم لرؤيتهم لمجلس الامهات بالمدارس ممتلئ بهم وبرفقتهم بناتهم وهم فقط تاتيهم خالة فاطمه منذ ان كانو اطفال وهي من كانت تساعدهم وتحضر لمجلس الامهات وتسال عنهم ومهتمه بهم وكانهم بناتها ...
•••
" بيت سلطان "
دخل رائد وهو يحب راس خالته وامه بنفس الوقت : كيفك يمه عساك طيبه ؟
فوزيه ابتسمت وهي تمسح عليه بحنان : بخير ياولدي انت بشرني عنك وش حالك معد تمر علي كثير
رائد جلس وهو يحب كف يدها : يا جعله بعمري والله يان الشغل ماخذ وقتي كله اخلص من مخطط يطلع لي ثاني اعذريني بس معليك المرات الجايه بكثر الجايات هذه كله وتحت ابتسامة سلطان ونزلت شادن وهي تشهق : دوديييي
ضحك رائد وهو يحضنها : كم مره قايل لك ذا الدلع فيكك منه !!
ضحكت شادن وهي تبتعد عنه : ياخي لايك وش اسوي
رائد قهقه ولف لسلطان : الحين ذي وش اسوي معها !
سلطان ابتسم بخفه : قايل لك لا تعطيها وجهه تراها سفيه تمسك معد تتركك
شادن عبست : يمه سمعتي وش يقول عني !
ام سلطان قهقه : الا شادن خلوكم بعيدين عنها
ابتسمت شادن وهي تحضن والدتها وتخرج لهم لسانه باستفزاز جاعله منهم يضحكون على استهبالها
رائد : وين المراهق ؟
شادن : يوووه بتال ماغير على البلاستيشن
سلطان رفع حاجبه : وشهو بلاستيشن انا مو مانعه من اعطاه ؟؟؟
ام سلطان : انا اعطيته اذاني ما خلاني ارتاح ماغير يحاول فيني ويترجى !
سلطان فز واقف ذاهب باتجاه غرفة بتال ذو الـ ١٦سنه وملامح وجهه اصحبت حاده بسبب اعصابه التالفه بسبب عناد هذا المراهق الصغير بان لا يلتزم بمذاكرة دروسه والاهتمام بها ام سلطان تنهدت : رائد ياولدي الحقه
قام رائد بسرعه خلف سلطان وهو ينادي عليه دفع سلطان باب الغرفه وهو يرمق اخاه الصغير بحده : هذي الدروس اللي واعدني انك بتهتم فيها ؟؟؟
بتال انتفض وهو يبعد السماعه ويترك يد البلاستيشن وبلع ريقه من عصبية اخوه : سـ سلطان !
سلطان ضرب الباب بقوه : وش قايل لك انا مو محرصك ذا التبن مايشتغل وقت الدراسه ؟؟؟؟؟
رائد وقف قدام سلطان : هدي الموضوع بسيط !
سلطان بحده وضع يده فوق صدر رائد يبعده من امامه : وخر عني بتفاهم مع ذا التيس شكل استيعابه بطيئ
بتال زفر بقوه : طيب خلاص معليش اعترف اني غلطت اسف
سلطان تنهد بقوه وهو يشوف ملامحه اللي لانت لعن بداخله غضبه السريع : اليوم احد بكره اثنين عد الايام وتاخذه اما انك تلعب بوقت دراسه هذه ممنوع كفايه الجوال معك !
رائد ومض لبتال بان يهز راسه بـ طيب ونفذ الاصغر كما اشر له وتنهد سلطان وهو يحب راسه ويمشي تارك رائد وبتال يلحقونه
شادن وهي تصفق وتبتسم : جنتل واو وشذا الاكشن اللي مسويه لا يكون تبي تقلد موضي من سالفة اليوم ؟
سلطان رمقه بحده وسكتت بخوف من نظراته التي تعني بانه ليس وقت المزح
ام سلطان : موضي من ؟
رائد وزع نظره على شادن وسلطان باستغراب ينتظر اجابه ابتسمت شادن وهي تتربع بحماس قلب عيونه سلطان بملل من تكرارها لتلك الفتاة نطقت : هذي الله يسلمك يا يمه بنت اسمها موضي توي تعرفت عليها واول لقاء كان يوم شفتها مواجهه ستة بنات كانو يتنمرون على اختها بالدار قاطعتها : دار ؟
شادن بعبوس : ايه موضي وجوري ذول مجهولين الوالدين وهم بدار الايتام مره حزنت بس البنت موضي ذي ما تعطيك مجال انك تحزنين عليها تخوف بهجومها مع انها تجننننننن عيونها رماديه وشهقت وهي تحط يدها على فمها ضحك بتال وهو يصفر : اوووه عيون رماديه وش بعد ضربه على راسه رائد : ولد عيب كشر بتال وهمست شادن لامها تستكمل وصف موضي لها : عيونها رماديه وشعرها بني وماشاءالله ملامحها حوريه
ام سلطان : ماشاءالله تبارك الله بس الجمال ما اكتمل المسكينه
شادن بعبوس : اي والله المهم على جيتي ماشفت الا انه تسحب شعر البنت وتضربه بركبة رجلها وربي انفجعت يوم شفت الدم ينزل من خشم جود التبن
ام سلطان : مين جود
شادن بكرهه : ذي وحده مريضه ماهمها دراسه الله يستر علينا بس
رائد وهو ياكل حبة شكولاته مع قهوه : ايه وبعدين ؟
شادن : وبعدين هجمو صاحبات البنت عليها ولكن جو الامن وابعدوهم عن بعض فعلا كانت بحالة تحزن تصارخ انها بتذبحها لان جود قالت لها بنت شارع
ام سلطان تنهدت بحزن : لحول ولا قوة الا بالله بعض البنات قليلات ادب
شادن باستكمال : مره وبعدين لحقتها لكل مكان لان حزنتني حسيتها لحالها ابي اساعدها
سلطان : شفتو هبل ذي البنت وين بيوديها وش دخلك فيها تخيلي او انها ذابحتك بدال ذيك
شادن زفرت : وشهو تذبح مو منجدك عاد انتي مشخصنها عشانها قفلت باب السياره بقوه !!!
رائد : اوووحح لا عاد ذي خط احمر عند سلطان الا سيارته
سلطان : يا شيخ ندمت اني سويت خير !
ام سلطان : طيب وبعدين وش صار
شادن : فصولها لانها زي ماسمعت انها تواقحة مع العميدة واكيد فيه سبب وبعدين لحقتها للحمام ولقيتها تبكي وحاولات اساعدها بس صدتني ولا كانها تشوفني !!! وضحكت شادن وهي تكمل : ولكن بعدين فهمتها شخصيتها ماتحب تتنازل ولا تبين ضعفها لاحد
رائد : عجبتني وضحك على قرصة ام سلطان له : توك تعجبك وحده وانا وامك نقولك اعرس تسوي نفسك ماتسمع ؟؟!
رائد بضحك : متى قلتو ماسمعت ضحكت شادن : يوم الشتاء
سلطان : شايف قايل لك صايره سامجه
رائد : قمنا عليها ؟؟؟
سلطان : يدي بيدك وقامو على شاد واحد شايلها من يدينها والثاني من عند رجولها وهي تصارخ عليهم يتركونها وان سلطان تضحك عليهم هي وبتال الميت على وجهه شادن وقاطعهم دخول ابو سلطان اسرعو ينزلونها وجلسو تحت ضربات شادن لهم بخفه وهي مكشره بوجهها ابو سلطان جلس بهدوء اسرعت شادن تقوم تصب القهوه لابوها وهي تمد له الفنجال اخذه منها وهو بعطيها ابتسامة صغيره بادلته ببسمة متسعه وهي تمد له الحلا ونطق بهدوء: كيف دروسك يا بتال؟
بتال اللي لعن بداخله ليه الكل مهتم بدروسه : زينه يبه همهم له بهدوء وهو يرفع نظره لسلطان الذي بادله النظر واشر له يلحقه بعد ما قام ولحقه سلطان تحت نظرات الجميع لهم دخل ابو سلطان لمكتبه الخاص لاعماله وجلس على كرسيه وجلس سلطان امامه ونطق ابو سلطان : سمعت صارت مشكله وش الموضوع ؟ ابتسم سلطان بخفه من جواسيس والده السريين دايم يعرف بكل كبيره وصغيره وبالاصل يكون هو موثق الموضوع ولكن ينصدم كل مره بمعرفته بكل شي : الواضح يا يبه فيه واحد يلعب علينا
ابو سلطان ابتسم بهدوء: الايام الجايه خلك حريص وقول لبندر مايترك اي ورقه مهمه على مكتبه كل ماطلع لمكان ياخذها معه والكلام لك بعد !
سلطان وهو يرمق والده : تعرف ورا الموضوع من ؟
ابو سلطان : لا معرف بس الواضح مب سهل ولا كيف اوراق مهمه تقدر تحطم الشركه اللي معمرها من سنين تختفي فجاة !!
سلطان : وتعطل الكاميرات يقول بان اللي يلعب علينا واحد ما يخاف حتى ربه
ابو سلطان ركز بنقطه وصلها وهو يفكر وابتسم بخفه معقوله ؟!