ليتها تعرف ان الشوق جابني

4

       🍃 كَان الوِصَالُ نَعِيماً لا فَنَاءَ لهُ يَا ليْتَّه دَامَ لي ذاكَ الذي كَانَا 🍃 ‏    ‏                          

•     •    •    •
اتصلت موضي على جوري بان تخرج لانها واقفه امام الباص
جوري : يلاه جايه
شادن بحماس : ودي اجي معكم
جوري بحماس : تعالي والله تنورين لنا البيت
ابتسمت شادن : اجل دقيقه بلبس وبدت تلبس هي وجوري عبايتهم وطلعو وهم يشوفون موضي رمقتهم بعجله وركبت ولحقوها جلست موضي من جهة الشباك وجنبها جلست جوري وفتحت لشادن المقعد المطبق وجلست شادن بحماس لانها لاول مره تركب بباص !
موضي التفت لها : منجد بتجين معنا ؟
شادن بابتسامة : ااييي برسل للسواق يجيني بالدار بعد ما اجلس معكم
جوري : حماس بكلم أريج تجهز القهوه وكيكتها
موضي : واهلك عادي يخلونك كذا ؟
شادن : ايه عادي بالاصل قلت لامي عنكم وكنت مقترحه عليها لو اني اجيكم وقالت عادي
موضي ابتسمت بهدوء: توقعتك مغروره على شهرة اهلك
شادن ابتسمت بهدوء: وانا توقعتك متوحشه
ضحكت موضي : الحياة عايزه كده
...
أريج شهقت من رسالة جوري وهي تفز بسرعه : خاله فطوممممم سوي القهوه بسرعه واتجهت تطلع الكيكه
خالك فاطمه : ليه ؟
أريج: جايبين معهم صديقتهممممم
خاله فاطمه : غريبه !
أريج : مرررره بس اعجلي تكفين مافي وقت واسرعت لغرفتها تتجهز
وبعد نص ساعه وصلو وطرقت الباب جوري وشادن متحمسه ايضا وفتحت أريج الباب ونقلت بصرها للطرف الثالث وابتسمت : تفضلوو
موضي بسخريه : أريج تقول تفضلو ايش صار بالدنيا !!!
قرصتها أريج واعتلت ضحكات موضي وجوري اللي مسكت شادن من يدها وهي تبتسم : أريج ذي شادن شادن ذي اريج اختي
أريج بابتسامة: حي الله شادن وسلمت عليها خد بخد وشادن مبتسمه من سماحة وجهه أريج : الله يبقيك يا قلبي
موضي بعد ما فسخت عبايتها رفعت حاجبها : من متى صارت قلبك توك متعرفه عليها ؟؟؟
شادن انحرجت وأريج وجوري يخزون موضي اللي ضحكت وحضنت شادن : نطقطق عاد اهلا بك بموضي ثانيه انا بالبيت مش انا وغمز لها
شادن ابتسمت وفسحت عبايتها : منجد منتي موضي اللي بالجامعه
جوري اللي علقت عبايتها بالعلاقي : اووووه طبعا موضي مختلفه عن المكانين
موضي وهي ترتمي على الكنبه : هنا احسني فرش انسانه نظيفة بس مجرد اروح للجامعه اتعبى من الاشكال اللي تسد النفس
ابتسمت أريج وهي تقهوي شادن اللي بادلتها البسمه وهي تنظر للمكان بدهشه ماتوقعت انه بيت بهذا الشكل الجميل والانيق ونطقت بهدوء: الحين بس انتم عايشين هنا ؟
موضي ضحكت : خليني اخمن شكلك كنتي متخيلتنا عشر بنات محشورين بغرفه وحده والاسره حقتنا مثل المساجين ؟؟
شادن بضحك : فعلا احسب كذا
أريج : لا ابدا مو كذا شفتي ذي الشقه فيه مثلها جنبنا عشر وحدات وكل وحده فيها اربع بنات الا الوحده ذي حقتنا بس فيها ثلاث لان مافي ازدحام
جوري وهي تاكل قطعه من الحلا : وغير كذا فيه طباخين بس مافي مثل طبخ جوجو موضي ببسمه مفتخره : كل ذا بفضل الله وثم حكامنا الله يحفظهم لنا
البنات : امين
خالة فاطمه جات وهي تبتسم : هلا والله بالحلوه مين ؟
شادن استحت وقامت تسلم عليها جوري : خالة فطوم ذي شادن صديقتنا انا وموضي تونا متعرفين عليها
خالة فاطمه : يا ماشاءالله تبارك الله نورتينا يا بنتي
شادن بإبتسامه: النور نورك يا خاله
ابتسمت لها خالة فاطمه وهي تنطق : الغداء جاهز يلاه على السفره
موضي : اهخ واخيرا قامت اول وحده وهي تجلس تاكل
والكل جلس يتغدا وشادن مبسوطه بالاجواء اللي لاول مره تجربها ..
بعد الغداء اخذت جوري شادن تمشيها على البيت وشادن كانت مصدومه لان دار الايتام الشكل اللي كانت متخيلته مو نفس خيالها ابدا بل ابعد بكثير لان الاثاث من اجود الصناعة وكل وحده لها غرفة واشيائهم الخاصه
شادن لفت على جوري : الصراحه حبيتكممم وبذات أريج احسها فعلا الاخت الكبيره لكم جوري بابتسامة : أريج اختنا الكبيره وامنا بعد
شادن ببسمه : الله يخليكم لبعض جد عسسسللل أريج
ابتسمت لها جوري : ياروحي
شادن بفضول : فيه سؤال بخاطري
جوري باستغراب: وشهو ؟
شادن : امم موضي اجنبيه ولا ؟
جوري : لا بس اتوقع فيها عرق اجنبي واكيد شكيتي انتي من عيونها ؟
شادن : تبين الصراحه ايه لونها ماشاءالله اعطاني انها اجنبيه
جوري ببسمه : ايه ماشاءالله
موضي دخلت غرفتها اللي كانو فيها شادن وجوري : عجبتك غرفتي اكيد احلى غرفه
ضحكت شادن : صح
جوري شهقت : يا خاينه المفروض تمدحين غرفتي !!
شادن بقهقه : غرفتك انتي فوضويه شويه
ضحكت جوري : طبعا مو نفس موضي تحب الترتيب
موضي قلبت عيونها : اكيد بحب الترتيب دام جوري فوضويه إما أريج زي تعتبر مرتبه
شادن وهي تحضن جوري : بس افضل ذوق جوري
موضي كشت عليهم : مايهمنيييي
أريج دخلت عليهم بابتسامة : وش تسولفون عنه ؟
موضي : تعرفين ذيك المقولة اللي تقول طنجره ولقت غطاها هي هذول شادن وجوري
ضحكو البنات على كلام موضي اللي انسدحت
جوري جلست جنبها وكذلك شادن اللي نطقت : وش صار على الدكتور؟
موضي بنرفزه : طلع خسيس مو مثل دايم يوم يشرح لنا يقول يا بناتي اخر شي يسالني عيونك عدسات ولا ! يستهبل بغيت اقلب عليه المكتب بس لاول موه اسكت عشان الحرمان الماده عليها ٦ ساعات
شهقت أريج: لا تعاندينه يا موضي دام كذا
موضي : اهم شي يلزم حدوده معي ولا ورب الكعبه لجيب له جيب الشرطه
شادن ابتسمت : والله انك كفو تعجبني
موضي ابتسمت بتفاخر وكشرت أريج: واللي يرحم والدينك لا تمدحينه ولا بتزيد مو ناقصين
جوري : بتصير مثل الطاؤوس شهقت موضي : انا طاؤوس ؟؟!!
جوري وهي تطلع لسانها : ايييه طاؤوس وقامت بسرعه تهرب قبل لا تمسكها موضي اللي اسرعت تلحقها واصواتهم ارتفعت تحت ضحكات شادن وأريج وخالة فاطمه ورن هاتف شادن ورفعته وهي ترد : هلا يمه
ام سلطان بقلق : وينك فيه تاخرتي
شادن : يا حبيبتي خلاص الحين بمشي تغديت عند جوري وموضي يمه عشان كذا
ام سلطان : يلاه برسل لك السواق يجي ياخذك
شادن : اوكيه وقفلت
أريج بابتسامة: انتي وحيدة ؟
شادن ببسمه : لا عندي اثنين اخوان بس من البنات ايه وحيده
موضي جلست وجوري بجانبها بعد ما اخذت نصيبها من الركض حولين البيت
جوري رفعت جوالها بعد ما جاها رساله وكانت جود توترت وهي تقوم بخفه مبعده عنهم شاكره لشادن وسواليفها ودخلت بسرعه لغرفتها وهي تقرأ محتوى الرساله : " برسل لك عنون ابيك بكره تودين موضي له ولو ما سويتي اللي ابيه او انك جبتي لها طاري والله مسيرة موضي الدراسيه تروح فيها "
شهقت جوري وهي تدور بالغرفه ورد بسرعه : " انتي مب صاحيه اصلا انا الغلطانه اصادق وحده مثلك حقيره "
جاها رد من جود وكالتي :" بكيفك عاد اعطيتك العرض ولا تبغين تستغلينه لا تجيني تترجين ابعد عنها لان والله ما ابعد عنها لين ادمرها ! "
جوري جلست وهي ترتجف عظامها من الخوف ماتبي تقول لموضي عشان مصلحتها ولا ذي المره بتذبح جود وردت بخوف :" توعديني مافي شي يضرها ؟؟؟ "
جود ضحكت بشر ورد عليها :" لا مو جايها شي تطمني بس درس بسيط "
جوري : " تكيفن جود مايصير عليها شي "
جود : " مراح يجيها شي قلت !! " ورسلت الموقع وكتبت تحته بكره الساعه ٨ العشاء دخلت أريج الغرفه : وينك فيه اختفيتي نناديك ومالك حس شادن مشت
جوري ابتسمت تخبي خوفها وقلقلها : امانه الله يستر عليها
أريج رفعت حاجبها : وشفيك مو على بعضك ؟
جوري : بس البنات توهم حقين شعبتي يقولون فيه بكره كويز ولا ذاكرت
أريج ابتسمت : كل هذا عشانها هدي وذاكري اللي تقدري عليه وكلي امرك لله
جوري ببسمه مصطنعه : ابشري بنام الحين
أريج: تصبحين على خير
جوري وهي تنسدح : وانتي من اهله وقفلت أريج الباب وهي تتجهه لعند موضي الجالسه امام التلفاز تشاهد التلفاز وهي تاكل فشار جلست جنبها أريج لافته انتبهه موضي لها : جوري وين ؟
أريج وهي تاكل معها من صحن الفشار : تقول تبي تنام
موضي باستغراب : جوري وتنام بدري معجزه
أريج همهمت وهي مركزه باحداث المسلسل ..
•
شادن دخلت البيت وهي تبتسم بحماس : ييييييممممممههههه
ام سلطان طلعت من المطبخ : بسم الله وشفيههه
شادن ضحكت وسلمت على راسها : معليش خوفتك بس عندي لك سواليففففف
ام سلطان : طيب دقيقه اخلص شغله بالمطبخ واجيك
شادن باصرار وهي تسحبها للصاله : اتركييي عنك المطبخ وشهوله تدخلينه والعامله موجوده !!! وجلسته وتنهدت ام سلطان : هاه وش عندك تكلمي
شادن بحماس وهي تفسخ عبايتها وتجلس : تخيليييييي دار الايتام مو نفس اللي متخيلينه !!!!
ام سلطان : كيف يعني ؟؟؟
شادن : انا اقولك يا طويلة العمر وبدت تسرد لها من دخلت للدار لين مشت
ام سلطان بتعجب وختمت كلامها بنبره مفتخره : ماشاءالله تبارك الله طبعًا دامنا تحت حكم ال سعود الله يحفظهم لنا ويبعد عنهم كل شر بنكون بخير ونعمة
شادن بابتسامة : اي والله الله يخليهم لنا
ام سلطان : امين الا بالله حمستني اشوف ذول البنات
شادن بابتسامة : بخلي بعد فترة اعزمهم لعندنا وقتها تتعرفين عليهم وكمان فيه وحده اسمها أريج اللي فهمته ان اهلها متوفين وماعندها اقارب اما جوري وموضي مجهولين الابوين بس وربي جميلييينننننن بشكلللللل يخرفن
بتال بمزاح وهو يجلس معهم : مين الي تجننن اخطبوها لي
ضحكت شادن بقوه ورمت ام سلطان عليه مخده : الدروس وينها هاه عندك اختبار ولا مذاكره !!! يا ويلك من سلطان
بتال زفر بخفه وهو يريح ظهره على الكنبه : ذاكرت ذاكرت
ام سلطان : ذاكرت رلا تصفحت قصدك انا انصحك الحين لان اخر الترم تعرف مين بيتفاهم معك
شادن : مو حرام احسكم شادين عليه بزياده
بتال : اااااااهخخخخ شايفه يا شدو وهو يحضنها ضحكت وهي تبادله وتمسح على راسه بحنان : ياروحي الصعنون المكروف
ابتسمت بخفه ام سلطان وهي ترا حنان ابنتها على اخاها

•
" اليوم التالي "
الساعه ٨ بعد صلاة العشاء كانت موضي لابسه عبايتها منتظره جوري اللي جات تزحف خطواتها بثقل وهي تحس بالخنقه من تهديد جود ومن خوفها على موضي ان يصيبها أذى ..
موضي زفرت : وشفيك صايره مثل السلحفاه امشي خلصينا وطلعت ولحقتها جوري وركبو مع السواق وجوري طول الطريق وهي تلعب باصابيعها هي حاليا افتعلت اكثر شي تكرهه موضي الكذب ! وتحس انها قاعده تخونها وهي تاخذها لمكان راسلته جود ولا تدري وش بتسوي ولا وش بتفكر فيه
بمكان ثاني عند سلطان وبندر اللي كانو بشقة الجديده وهم يتجولون فيها
بندر : كيف بالله ؟
سلطان : زينه بس فيه افضل
بندر : ايه بس تمشي الحال
سلطان : انت تبي شقه تمشي حالك ولا ترتاح لها احس ما ارتحت اصلا للعماره كلها فيها شي مريب
بندر : مافيها الا الزين تخيل معي ذي الغرفه حقتي احط هنا السرير ولا هنا
سلطان تنهد : والله عاد بكيفك حتى لو تحطه براسك
بندر : عجبني راسك اكثر
سلطان : على من مردغك
بندر ضحك : عاد وش اسوي لك انت بديت
وقف السواق امام العماره وناظرت موضي باستغراب : متاكده من الموقع ؟؟؟
جوري بتوتر : اييي بس دقيقه اتاكد وهي ترسل لجود بانهم وصلو
جود ابتسمت وهي جالسه بحضن حبيبها : وصلت الضحيه
محمد ضحك بخبث : يالبيه بنستمتع
جود ردت على جوري : " خليها تنزل لحالها طلعي اي حجه اهم شي ماتنزلين معها "
جوري تحس بتبكي وهي تشوف نظرات موضي لها بان ينزلون ونطقت : موضي انزلي انتي جيبي الهديه من البنت هي بثاني شقه انا احس بطني عورني
موضي عقدة حواجبها من فعلة جوري الغريبه : وشفيك تبينا نروح المستشفى ؟؟
جوري : لا مايحتاج بس انتي جيبيها وتعالي
موضي تنهدت : يلاه نازله ماني مطوله قلتي لي ثاني شقه ؟
جوري وهي تدمع عيونها بقهر من ضعف نفسها : ايه
موضي : اوكيه ونزلت وهي تتجهه لمدخل العماره اللي حست انها مريبه وكانها عمارة عزاب وليست عوائل وقفت موضي بحيره وهي تشوف شقتين راح عن بالها تسال ايت شقه يمين ولا يسار وفجاة فتح باب وطلت منه بنت ابتسمت موضي وهي تقترب منها : صديقة جوري ؟
البنت بضحك : ايه تفضلي ادخلي عشان اعطيك الهديه
موضي حست بشعور غريب قلبها وعقلها يخبرونها بان تفر هاربه ولكن دخلت وهي تشم ريحة دخان وقفلت البنت الباب التفتت عليها موضي وهي تعقد مستغربه وفجاة صدح صوت اقذر مخلوق على وجهه الارض وهي تلتفت بنظرها على جود اللي تبتسم وحاضنها شاب بابتسامة خبيث وعيناه عليها يفترسها بنظره رجفت يدينها ولكن شدت عليها بقوه وهي تنطق بحده : وش تسوين هنا ؟
ضحكت جود بسخريه : كل الشكر لجوري اللي ساعدتني عشان تجيبك لي هنا نتسلى شويه مع بعض وقع كلامها كالسكين بقلب موضي وهي ترفض تصديق الكلام ولكن وقوفها الان امام جود تاكد لها ذلك التفت موضي بسرعه وهي تدفع البنت بتفتح الباب بس شهقت بصدمه ورعب وهي تشعر بالذي سحب طرحتها ونقابها وعض شفايفه بخبث : ماقلتي لي انها بذا الجمال موضي التفت عليه وهي تضربه كف وتحاول تفر هاربه من بين يدين الفتاه التي تمسك بها
صر على اسنانه محمد وهو يسحبها من شعرها بقوه ويهمس لها بغضب : صدقيني ذا الكف بطلعه منك بس بطريقتي جود جلست وهي تتفرج باستمتاع ليس وكان امامها فتاه تحارب بكل مالديها ضد شخص يكبرها بالحجم ضعفها مرتين صرخت موضي وهي تحاول تفلت من بين يدينه وبدت تشعر بالاختناق من التوتر الذي اصاب جسدها ضحك محمد باستمتاع وهو يرميها على الارض زحفت موضي بسرعه على ورا وهي تنزل دموعها لاول مره تنكسر وتنزل دموعها امام احد ما وليس هذا فقط بل امام جود التي كانت ميته من الوناسه وهي تتامل ضعفها بهذا الشكل
محمد ابتسم : جودي تسمحين لي بلعب معها شوي
جود بابتسامة: براحتك حبيبي قامت موضي بسرعه وهي تركض باتجاه الباب وهي تصرخ بالنجدة اسرع محمد يحضنها من الخلف ويحملها تحت مقاومتها وصراخها رفسته بين رجوله جاعله منه يسقط بسبب الالم جود بقلق : محمدد لا تخليها تهرببببب
قام محمد بسرعه وموضي كانت اسرع منه وهي تفتح الباب بسرعه وطلعت تركض وعلى خروجها خرج بندر وسلطان وطاحت قدامهم موضي بسبب تعثرها بالعبايه وهي تبكي وجسدها يرتجف : احدددد يساعدددننييييي تكفون وبدت تحس بالغباش على عيونها محمد تراجع للخلف وهو يشوف نظرات الصدمه على سلطان وبندر وصراخ جوري اللي حات تركض من خارج العماره : موضيييييييي وهي تجثى بجانبها تضرب خدها : دقوو على الاسعاف
بندر اسرع يرفع جواله يتصل وسلطان اتجهه لمحمد يمسكه من ياقته : من انت وش مسوي بالبنت !!!!
محمد بلع ريقه بتوتر : مالي دخل هي جتني
جوري بصراخ وبكاء : كذاااابببببب كله من جوددددد الله ياخذك حسبي الله عليك سلطان لكمه بقوه : تحسب بتشرد والله انك تخسي لسلمك بيدي للشرطه
محمد وهو يحاول يبعده : فكنيييي وخرررعنييييي
بندر جاء وهو يساعد سلطان وجود اللي ارتجفت مل عظمه بجسدها وهي ترا بان كل شي انقلب ضدها اسرعت الفتاه التي كانت مع جود بالهروب وجود اللي لبست عبايتها ماتدري كيف بتطلع وذول عند الباب
سلطان التفت على اثر بكاء جوري القوي ولتوه يلاحظ بان الفتاة المغميه بلا حجاب ابتعد عن محمد تارك بندر يمسكه ونزل شماغه وهو صاد : يا اختي استريها بها اخذتها جوري بسرعه وهي تلفها حولين موضي اللي كانت فاقدة الوعي وسرعان ما سمعو صوت الاسعاف وبشكل عاجل نقلو موضي والشرطه اخذت محمد تحت التحقيق وجوري تبكي وهي تمسك بيد موضي
بندر مسح على راسه : يحزن والله
سلطان تنهد بقوه وفجاة شاف الشرطه مطلعين فتاه تبكي بشده
رفع حاجبه وتذكر شي ما بعد ما ربط المواضيع موضي !!! هذا الاسم مو نفس اسم صديقة شادن بندر بعد ما هز سلطان : صح النوم وين رحت بالتفكير
سلطان : اركب بس وركبو ومشى سلطان يلحق الاسعاف ..

•
عند أريج اللي جايه مع خالتها فاطمه تراجع مواعيد لها لانها مريضة سكر
دخلو للدكتور إللي فورًا ابتهج وجهه : يا هلا بخالتي فاطمه كيفك بشريني عنك
ابتسمت فاطمه بحنان : الحمدالله ابشرك بخير
أريج تنهدت : ليه الكذب تراها تعبت مرتين بالاسبوع ذا فجاة تدوخ ويوم اسالها تقول نسيت اخذ اضرب ابره
ابتسم الدكتور اكثر وهو يسمع صوت ونبرة أريج الهاديه والمتذمره : لا كذا بزعل منك يا خاله ليه تهملين نفسك
الخاله فاطمه تنهدت : والله يجيني خمول ولا فيني اخذ الابره اتعاجز عنها
الدكتور : اجل لازم تجين اعطيك اياها او ان الانسة اريج تعطيك اياها
أريج: ليتها تخلينييييي بس يوم اسالها تقول اخذتها
الدكتور : لا يا خاله معليش هذه السكر محد يتهاون فيه لازم تكونين مستمره بضرب الابر
خالة فاطمه : ان شاء الله ياولدي بلتزم فيها
الدكتور ابتسم : ازين ما تسوين وقام يكشف عليها ..
•
وقفت سيارة الاسعاف امام المستشفى واسرعو المسعفين اللي حاولو يصحون موضي من الاغماء ولكن كانت تصحى ويغمى عليها مره ثانيه وجوري عيونها ورمت من البكاء وهي تلعن نفسها بداخلها ونزلوها المسعفين للطوارىء وخرجت أريج برفقة خالتها فاطمه ولمحت جوري وهي تشهق برعب وهي تشوف ملامح موضي من خلف الشماغ الملفوف على راسها وصرخت : موضييييي !!!!
جوري اسرعت تحتضن أريج بارتجاف وبكاء خالك فاطمه حاوطت جوري وأريج كذلك وهي تنطق بخوف : وشفيهااااا تكلميييي
جوري بانهيار : كله مني
خالة فاطمه وهي تحتضنها : وشفيهههاااا
جوري بشهقات : والله جود هددتني لو ماسويت كذا كانت موضي بتنتهي مسيرتها الدراسيه والله انييي مادريت بيصير كذااااا
أريج ابتعدت عن جوري وهي تركض خلف المسعفين اللي دخلو موضي لاحد غرف وخالة فاطمه حضنت جوري بقوه وهي تهديها وجوري متشبثه فيها وكانها تريد الهروب من والواقع المرير ...
.
الدكتوره باستغراب : شفيهاا ؟؟؟
المسعف : حالتها اغمى ولكن كل ما نصحيها ترجع تنام نحاول نقومها ماترضى
الدكتور اخذ كشاف وهو يكشف عليها وابتعد عنها وهو يشوف الكشف بان مافيها فقر دم ولا اي مرض : اعطوها مغذيه ومحلول
الممرضه : طيب واسرعت تنفذ وطلع الدكتور واسرعت أريج تساله : وشفيها يا دكتور تكفى خبرنييي
الدكتور : اللي فهمته انها ماعنده اي مرض وعلى مايبدو بان سبب الاغماء الخوف هل فيه مشكله ؟؟؟
أريج التفت تمسح دموعها : كانت برا جايه من مشوار مدري وش سبب لها كذا
تنهد الدكتور : حصل خير بعد شوي تقوم وهي بخير ومشى تارك أريج تدخل لعندها وهي تقترب بجانبها تمسح على راسها بحنان : موضي حبيبتي
دخلو سلطان وبندر للطوارئ ولمحو هيئة جوري الجالسه على احد الكراسي بجانبها امرأة محتضنتها مسح على شنبه بندر : اجس تسرعنا بجيتنا لهنا ؟
سلطان مسح على راسه : شكله
قامت جوري بسرعه : خاله فاطمه خلينا نشوف موضي
خالك فاطمه : طيب يابنتي بس مسحي دموعك يكفي بكاء
جوري مسحت بسرعه دموعها ومشت لغرفة موضي لحقهم سلطان وبندر وهم يقوفون عند الباب ودخلت جوري ومعها خالتها فاطمه
واريج لازالت تقراء على موضي النائمه
جوري بصوت به الغصه : ما صحت ؟
أريج: لا
موضي قامت وهي تشهق وهي تصرخ : لاااااااا تقرررررببببب لااا وخر عنييي اريج وقفت بخوف وقلق تحاول تهديها : موضي موضييييي استهدي بالله وهدي مافي احد غيرنا
موضي ببكاء وصراخ : لااااا وخروه عنيييييي وطاح نظرها على جوري وصرخت وهي تمسك راسها ببكاء : طلعوهااااااااا طلعوهاااااااااااا
جوري مسكت فمها ببكاء : موضي
موضي وهي حاطه يدها على اذنها وتبكي : طلعوها تكفوننننن مابيهاااااا
اسرعت خالتهم فاطمه تطلع جوري واريج اللي حضنت موضي اللي بادلتها وهي تبكي بضعف موقف اليوم جدد لها ذاكرتها قبل سبع سنوات عندما حاول عامل البقاله ان يعتدي عليها اصبح لديها عقدة من المواقف المشابهه لهذا !
أريج التي اكتسح عليها الصدمه وهي تمسح على راس موضي التي تبكي بحضنها لاول مره ترا انهيارها بهذا الشكل المحزن
عند سلطان وبندر اللي سمعو صراخ موضي وبكاءها وخروج جوري ومعها خالتها فاطمه تهديها همس له بندر : تتوقع سوا فيها شي الكلب ؟
سلطان بهدوء مسح على كف يده : مدري بس خلنا نمشي
وجو بيمشون قاطعهم خروج موضي اللي لافه الشماغ على راسها ومسويه فيه مثل اللثمه فقط عيناها المتورمه من البكاء ظاهره وأريج ساندتها شرد بعيناها الرماديه غير مصدق لونها النادر ولكن لاحظ بهتان لمعان عيناها وطلعت من البوابه وجوري كانت كاتمه بكاءها ومشت هي وخالتها خلفهم ونحنح بندر : هي وين رحت ؟
سلطان : مشينا وطلعو وهم يركبون السياره
موضي ركبت بالسياره مع مديرة الدار وبجانبها أريج صدت موضي عن جوري التي صعدت هي وخالتها فاطمه ومشى السواق متجهه للدار
مسحت على كفها مديرة الدار : لا تخافين يا روحي الشرطه حلت امره
موضي غمضت عيونها تكتم عبرتها من النزول وهي تشعر بالجرح بقلبها
..
بعد نص ساعه بعد ان اوصل سلطان بندر دخل البيت وهو ينادي شادن التي كانت بغرفتها وطلعت على اثر صوت سلطان بمزاح : هلا وشفيه لا يكون اشتقت لي ترا انهار !!!
سلطان : هاها مضحكه جاي اقولك عن حاجه وجلس وهو يصب له مويه
شادن بفضول : قول وشفيه ؟
سلطان وهو يمسح على شاربه :  قبل شوي صار موقف كنت انا وبندر نتفرج على احد الشقق بعمارة كلها عزاب وفجاة يرم قررنا نمشي و دوبنا طلعنا من الشقه الا تستقبلنا بنت تصارخ وتبكي وطاحت مغمي عليها قدامنا وشخص يلاحقها من الشقه اللي طلعت منها شهقت شادن بحزن وصدمه : ياويلي عنهااا وش صار عليها ؟؟؟ سلطان : انت وبندر مسكنا الكلب عشان لا يهرب واتصلنا على الاسعاف والشرطه وجات بنت من برا وهي تبكي وتنادي باسم البنت وطلع اسمها موضي واذا ما خاب ظني شكلها صديقتك
شهقت شادن بصدمه وخوف : وشهووووو لااااا مستحيللللل
سلطان لعب بلسانه داخل خده : اتوقع من رد فعل البنت انها ما دخلت برضاها في شي اجبرها شادن مسحت على راسها تحاول تفهم اللي قاله مستحيل موضي تكون كذا !
سلطان : بس ما قلت لك بعد ما الشرطه اخذو التبن اللي كان يطاردها فتشو الشقه ولقو بنت طلعوها وهي تبكي تقولهم يتركونها
شادن : انت متاكد اسمها موضي ؟؟؟
سلطان : ايه وبعد عيونها رماديه نفس صديقتك ناظرته بحاجب مرفوع : عيون ملونه شكلك حفظتها !!
سلطان بحده : على فكره البنت طلعت لنا مصلع ما عليها حجاب بس عبايه واعطيتها شماغي وعيونها تذكرتها من لمحتها يوم وصلنهم ولا وش لي اناظر باشكال كذا
شادن : سلطان بلا هرج تافه عيب تقول كذا !
سلطان تجاهلها وقام لغرفته وهو يلعن بندر دايم مايروح معه مكان الا تصير مصيبه ..
•
" بالدار "
دخل الكل ومعهم المديرة جوري همست وهي خلف موضي : موضي انا اسفه تكفين سامحيني
موضي مشت متجاهلتها ودخلت غرفتها وشافت خالتها فاطمه وأريج يبون يلحقونها نطقت بنبره هاديه : مابي احد يلحقني بنام وقفلت الباب بوجيهم المديرة : جوري تعالي اجلسي وفهمينا الموضوع
جلست جوري وهي تبكي وبدت تسرد لهم كل شي تحت صدمتهم بفعلتها الغير متوقعه هم متاكدين بان مقصدها حماية موضي ولكن حدث العكس ولم يتسبب الا بصدمه لموضي ساد الصمت عليهم ولم يسمع الا شهقات جوري احتضنتها الخالة فاطمه وهي تحاول تهديها
المديره : افضل لك ما تصادفين موضي
أريج مسح على راسها بقهر : مسوي تعرفين تقررين كان جيتي قلتي لي كان ما صار كل ذا
خالك فاطمه : خلاص يا أريج صار اللي صار
أريج بحرقه : وما انحرق فيه الا موضي ومشت تاركتهم متجهه لغرفتها وهي تحاول تضبط اعصابها ودها تروح لموضي بس تعرف عنادها مراح تسمح لها
"بغرفة موضي "
اللي انسدحت بدون ما تفسخ عبايتها وهي تسمح لدموعها بالسقوط وهي تضع يدها على قلبها بقهر وحرقه من خداع وخيانة جوري اختها وصديقتها اللي معتبرتها عائلتها تسوي فيها كذا !!! بدا يرتفع صوت بكاءها تحاول تخرج مابداخلها من الم تتمنى لو انها تموت وترتاح من تعب الحياة يكفي ما عانته بحياتها منذ الابتدائي وهي تعاني من نظرات الشفقه على الجميع من معلمات الى الطالبات عندما يقولون الطفل اليتيم الجميع ينظر لها وكانها مثال على ذلك !
فقط كان ظاهرها اقوى من داخلها الضعيف داخلها طفلة ترجو ربها وتتمنى فقط ان تحظى بحضن والدتها المجهوله فقط كانت امنيتها هذه لم تطلب المال ولا مغريات الدنيا فقط حضن ام دافئ وعائله هذه ما كانت تتمناها مسحت دموعها وهي تستنشق رائحه عطر رجالي ولكن ذو رائحه جميلة وابعدت عنها الشماغ وهي ترجع تتاكد من الرائحه وهي تزفر وترميه بعيد عنها وتخلع عبايتها وتدخل الحمام تستحم وبعد عشرين دقيقه طلعت وهي تاخذ مشطها وفتحت باب غرفتها بهدوء لم ترا احد اتجهت لغرفة أريج وهي تطرق عليها الباب ودخلت : فاضي تمشطين شعري ؟
أريج فزت بابتسامة : اايي فاضيه تعالي دخلت موضي وهي تتجهه للسرير تجلس وجلست خلفها اريج وهي تاخذ منها المشط تمشط لها شعرها وهي تبتسم بحنان وموضي مغمضه عيونها تستشعر لمسات أريج الحنونه وعندما انتهت حضنتها أريج وبادلتها موضي بهدوء: يمديك توقفين بكاء لان الموضوع انتهى
أريج وهي تبتعد عنها وتحاول تخبي دموعها : لا مين قال ابكي بس شعرك دخل بعيوني ابتسمت موضي بسخريه من كذبة أريج المكشوفه : تبين شي بروح انام وراي دوام
أريج : لا ياروحي سلامتك بس انتي تعبانه كيف بتداومين
موضي : مقدر اغيب عندي محاضرات وطلعت تاركة أريج تتنهد دخلت موضي غرفتها وهي تستلقي وتنظر لسقف غرفتها الى ان غفت تتمنى ما مر فقط حلم وسوف يمر !
••••••••••••••••••••••••••••••••••••
رايكم بالبارت ❤️
قراءه ممتعه ❤️❤️