ليتها تعرف ان الشوق جابني

9

ليسَ الحَبيبُ بِمَن يَأتيكَ في رَغَدٍ إنَّ الحَبيبَ هوَ المَشهودُ في المِحَن

• • • • •
" تذكير باخر حدث "
موضي تنهدت وهي تفتح عيونها وتضغط على مكان الابره وقامت وهي تشعر بالدوران واسرعت تمسك السرير وساعدتها الممرضه بالثابت : ياليت تنتظرين لين تخف الدوخه لان سحب الدم راح يخليك تتعبين لازم تشربين عصير
موضي : لا مايحتاج وطلعت بعد ما عدلت عبايتها وهي تحس بالدوران وفركت جبينها تحاول تخفف من الضغط ولكن كانت تشعر بالارض تدور بها وكانت على وشك الوقوع لولا استناد جسدها على جسد اخر ورفعت راسها بالم وهي ترا وجهه سلطان الغير واضح بسبب دوختها وهمست : لا تلمسني ! وجات بتبتعد وقعت فاقده الوعي باحضانه تحت انظار عبدالرحمن ورائد وشادن المصدومين ...
سلطان ارتبك من وقوعها وهمس وهو يحملها : موضي بنت وشفيك !!
اسرع عبدالرحمن والقلق واضح عليه : وشفيها ؟؟؟
سلطان : مدري مدري ودخلها بسرعه لاحد غرف الطوارئ وه. يسمع اسالة الممرضات : مدري وشفيها فجاة اغمى عليها
دخلت شادن بخوف وهي عيونها على موضي : سلطان وشفيها ليه طاحت كذا !
سلطان بربكه : مدري عنها فجاة طاحت بين يديني
التفت الممرضه : ليه تخلونها تتحرك وهي توها ساحبه دم ؟!
شادن باستغراب : ساحبه كيف يعني ؟؟
الممرضه : الممرضه فاطمه تقول انها كانت ساحبه لها دم ورفضت تشوب عصير عشان يخفف عنها الدوخه
سلطان عقد حواجبه ونطق عبدالرحمن: وكيفها الحين ؟
الممرضه : ان شاء الله بتكون احسن حطينا لها محلول ومغذيه شويات وتصحى
شادن : شكرا وجلست جنب موضي تمسك يدها
الممرضه : يعافيك وطلعت واتصل رائد بسلطان ورد بسرعه وجاه صوت رائد المستعجل : طلعو ابوي لغرفه تحت الملاحظه
سلطان : جاي جاي وقفل نطقت شادن بقلق : وشفيه صار شي جديد بخصوص بابا
سلطان : ايه طلعوه لغرفه تحت الملاحظه واكيد نقدر نشوفه ونتطمن عليه
شادن بخوف على والدها : بروح اشوفه وطلعت برفقة سلطان اللي نظر نظرة اخيره لموضي ومشى فقط كان عبدالرحمن متواجد وهو ينظر لها بهدوء وحنان وهو يستذكر كلام زوجته اسماء عنها ومن حديثها تؤكد بانها أبنته المفقوده منذ ٢١ سنه ...
لاحظ بان عيناها ترمش واسرع يخرج من الغرفه اتجهه للممرضه اللي وقفت امامه تبتسم بخفه : عم عبدالرحمن سويت نفس ما طلبت مني
ابتسم عبدالرحمن: يعطيك العافيه يا بنتي ماقصرتي ومتى راح تخلص ؟
الممرضه : الله يعافيك ياعم ماسويت الا واجبي وباذن الله بعد يومين كذا تخلص واعطيك خبر
عبدالرحمن: جزاك الله خير الله يحفظك
الممرضه : توصي شي ثاني ؟
عبدالرحمن: سلامتك ومشى وهو متوتر ويدعي بقلبه بان النتايج تخرج الحقيقه وتبعد شكوكه ..
موضي فتحت عيونها وهي تحس راسها ثقيل ماتقدر ترفعه من الثقل اللي تحسه عضت على شفايفها وهي تفسخ النقاب وهي تتنفس الصعداء وهمست بتانيب لذاتها : اهخ منك يا نفسي ليه العناد ثاني مره ادوخ
دخلت الممرضه تبتسم وبيدها عصير طازج : بتشربينه مافي رفض اوكيه ؟
موضي تنهدت وهزت راسها واخذته منها وهي ترتشف منه شوي بس عشان تخف عنها الدوخه
.
بغرفة ابو سلطان المستلقي لم يستيقظ إلى الان وكانو عائلته حوله وقلوبهم حزينه بسبب حالته الصحيه المفاجئه
بتال بحزن : وش اللي خلاه يتعب كذا !!!
ام سلطان اللي كاتمه حزنها عشان عيالها : هذا مكتوب ومقدر مالنا حكم على حكم الله ادعو له وان شاء الله بيقوم انا بصحه وعافيه
سلطان تنهد بخفه وهو يحضن شادن التي تبكي بهدوء على حالة والدها
رائد اتجهه لها من الجهه الثانيه اصبح محاوطها مع سلطان : شدو خلاص هدي لازم تكونين راضيه بحكم ربي وابوي باذن الله بيصحى وهو بخير
شادن مسحت دموعها بمساعدة سلطان لها وهو يهمس لها : يكفي بكاء يا دلوعه كلنا منكسرين على ابوي بس ثقتنا بربي قويه وان شاء الله ابوي بيقوم
دخل عبدالرحمن : بشروني عنه
رائد بهدوء: بيكون تحت الملاحظه ماندري متى بيصحى
تنهد عبدالرحمن وهو يقترب من شادن ويحضنها : تعالي وانا خالك بادلته شادن
سلطان ابتسم بخفه من حركات دلع شادن لان الكل يداريها وفجاة تذكر موضي ! تركها وهي نايمه مايدري وش صار عليها كان بيطرد فكرة وجودها ولكن ضميره انبه لانه هو جابها لهنا ولا كان امداها بالدار يعني الحين هي مسؤليته لين يوصلها لمسكنها طلع وهو مستغل انشغال الجميع بشادن و والده واتجهه لها عند موضي الجالسه وهي تكلم أريج وتفسر لها سبب تاخرها
أريج بغضب : وش قايله لك لعد تسوين نفسك فزعه وانتي لو يسون لك فحص يطلع معك فقر دم ومع ذلك مستمره تعطين الرايح والجاي !!!
موضي بابتسامة : خلصتي ؟ خليني اهرج يمه منك اصلا ما كنت بعطي لين قالت طفله معليش ماقدرت
تنهدت أريج: وكيفك الحين ؟
موضي : بخير جابت لي الممرضه عصير والمغذيه بعد ساعدتني احسني بخير
أريج : على من مصع لك اذانيك
ضحكت موضي : ليه مامي جوجو بتعور
أريج: وعععع عدلي صوتك !
موضي ضحكت بقوه ودخل سلطان وشهقت موضي : وجعع وجعع وين داخل ! انصدم سلطان وصد : جايي اوصلك البسي
أريج بفضول : شفيك ؟؟؟
موضي : شوي اكلمك بتفاهم مع عديم الاخلاق وقفلت وتنهد سلطان ولبست طرحتها ونقابها وهي تعدل عبايتها : توكل بروح مع اي سياره من بعد سواقتك ماني راكبه معك لو يصير اللي يصير !
سلطان التفت عليها رفع حاجبه : بتمشين ولا عرفت كيف امشيك ؟
موضي بسخريه : لا ياشيخ شكلك مكثر افلام اقول فارق عني ! وقامت تمشي متجاهلته وسحبها من يدها بغضب : لعد تتجاهلني عشان مايصير شي مب من صالحك !
موضي بحده : وش قايله لك مو قلت لا تلمسني !!! شكل الاستيعاب عندك صفر !
سلطان : انا جبتك انا اوصلك فاهمه يلاه قدامي !!!
ابعدت يده عنها بقوه وقاطعها دخول ممرض باستغراب : لو انتظرتي كان طلعت لك المغذيه
موضي : طلعتها بنفسي مايحتاج
انصدم سلطان منها وهو يشوفها تضغط بالمنديل ومسك يدها : لو سمحت اعطني لصقه جروح
الممرض لاحظه : طيب واسرع يجيب وصرت على اسنانها موضي وهي تحاول تسحب يدها بس كان اقوى منها وهو ماسكها بقوه وهمس بغضب : بكسرها لك لو تحاولين تسحبينها !
موضي وسعت عيونها من وقاحته واخذ سلطان اللصقه من الممرض وهو يضعها مكان موضع الابره وسحبت يدها منه بغضب وهمست : مبروك دخلت لقائمه اعدائي ومشت تاركته يضحك بخفه من افعالها وحركاتها الغير متوقعه لحقها وهو يمشي خلفها وفجاة تحسس جيبه : مفتاحي مو فيه !!!
موضي طلعته وهي تلوح فيه قدامه وتمشي امامه ترميه على سيارته اخذه و نطق لمن شافها تريد الابتعاد عن السياره بنبره أمر : موضي تعالي اركبي مب لصالحك تركبين مع احد غيري !!!
موضي ناظرته وابتسمت بخفه وهي تلتفت وتصعد مع سياره اجره واقفه ونطقت : لو سمحت لدار الرعايه ***
السايق : طيب ومشى تحت غضب سلطان منها كيف قدرت تكسر كلمته وهو اللي ما عمر احد عانده مثل عنادها ! مسح على وجهه يهدي من نفسه ولا لحقها الحين وفجر فيها وارتاح جعلت الغضب يتفجر بداخله ..
ابتسمت موضي باستمتاع وهي تشعر بشعور جميل بعد ان ركبت ولمحة نظرة الغضب التي تملكت سلطان طبعا هي لا ترضى بان يحكمها او يامرها شخص لا يقربها ولا يعرفها ولا بينهم اي رابط لكي يتحدث معها بهذه النبره ..
بعد ربع ساعه وصلت للدار ونزلت بعد ما حاسبت السايق ودخلت وهي ترا أريج التي تسرع تحتضنها : اهخ خوفتيني عليك يا تبن
ضحكت موضي : حبيت طريقة تعبيرك عن خوفك
أريج ضربتها على كتفها بخفه وهي تبتعد عنها : ماتضحكين شايفه الساعه كم طالعه من الصبح وتوك ترجعين الساعه ٣ عصر !
موضي تنهدت : حسستيني بزر ! وهي تخلع عبايتها والنقاب والطرحه وتجلس وهي تريح جسدها على الاريكه المريحه ونطت جنبها جوري : وجيتي مع سلطان ؟؟؟
موضي بابتسامة وهي تتذكر تعابير وجهه : لا مع سيارة اجرة
اريج جلست وهي تضيق عيونها : يوم قفلتي قبل شوي بوجهي عشان سلطان وش بينك وبينه ؟
موضي رفعت حاجبها وضحكت : منجدك تشكين فيني ؟
جوري بحماس : عاد تراكم مناسبين لبعض
موضي رمقتها بحده : جوري افضلك تنطمين وناظرت لاريج واكملت : قفلت لانه درعم علي يتامر ويقول اجهزي عشان يوصلني وانا رفضت
وعلى فكره اخر وحده تشكون فيها انا لان فارس احلامي مو هنا وعبست
ضحكت جوري : اجل تتوقعين هنري كافيل يجيك ؟
موضي ضربتها بالمخده وبسخريه : عساس انتي بيطلق جاستين بيبر هايلي ويجي يتزوجك ؟
كشرت جوري وهي تزفر : اص بس
اريج ضحكت : مو صاحيات اهخ منكم بس
.
"بالمستشفى"
عبدالرحمن: يا ام سلطان لازم ترجعون البيت انتي وشادن لانكم تعبانين يبالكم راحه
شادن : ماني راجعه بجلس عند ابوي
سلطان : وش تجلسين ترا بكره وراك جامعه
شادن : ماني مداومه !
ام سلطان : مايصير يا شادن لازم تداومين وكلام خالك صح انتي تعبانه وانا بديت اتعب من اجواء المستشفى
رائد : بوصلهم انا
سلطان طبطب على كتفه : زين ماتسوي وانا بجلس عند ابوي
دخل الدكتور ونطق : السلام عليكم اتمنى ان الجميع يطلع لان خلص وقت الزياره
سلطان : بجلس عند ابوي مرافق
الدكتور : ممنوع غرفة الملاحظه محد يرافق فيها
سلطان بحده : كيف ما ارافق لازم احد يجلس معه
الدكتور : طيب واحنا وش نسوي هنا ؟ ترا ما حطيناه بغرفة المرافقه الا واحنا بنكون مراقبين اي حركه او جديد بخصوص وضعه !
عبدالرحمن شد على يد سلطان الغاضب ونطق بهدوء: ماتقصر ياولدي زي ماتبي الحين بنطلع كلنا وهمس لسلطان : امش ابوك مهو ضايع تحت مراقبة الدكاتره ترا !
زفر بقوه سلطان وطلع والجميع طلع من بعده
بتال همس لشادن : بديت احس سلطان فيه انفصام مو توه قبل شوي كان مافيه شي وفجاة عصب
شادن تنهدت : سلطان معروف اذا فيه شي مشغل باله بيعصب ويتوتر عشان كذا همهم بتال وكمل طريقه مع اهله لسياره رائد وركبو وسلطان اتجهه لسيارته وركب وعبدالرحمن كذلك كان برفقة مهند اللي جالس بسيارته وينتظر ابوه
ومشى الكل تاركين ابو سلطان تحت مراقبة الدكاتره وحفظ الرحمن ..
•
" بيت فهد ال راشد "
وقف ياسر بغضب : تبيني ارضخ لكلام بنت **** واتزوج العاهر***
فهد بحده وهو يرمقه : غلطه غلطتها بتصلحها ولا وقسم بالله الكلام ليوصل لابوي وتعرف وش بيسوي فيك !
ياسر مسك راسه : فهد مو منجدك تهددني عشان كلبه اعترف وش مغريتك فيه !
فهد بغضب فز : ياسر بتعقب وترضى بالامر الواقع ولا ورب البيت لتندم وعدل اسلوبك افضلك وتذكر اني اخوك الكبير فاهم !
ياسر : ثلاث شهور واطلقها زي الكلبه وارميه رمية الدميه انا اوريها
فهد بحده : لو اسمع شكوى ضدك بتندم انت تبي توطي رؤسنا حنا ال راشد معروف صيتنا تجي انت يا ورع الامس تدهسه لنا !
ياسر زفر بقوه : فهد لا تكون ضدي انت والزمن !
فهد بسخريه : انا والزمن ؟ ليه ما يوم جيت مثل الحيوان تعتدي على بنت الناس مافكرت بعواقب فعلتك ولا ترضى احد يتعرض لاحد من خواتك ؟
ياسر بعصبيه : اخواتي غير متربيات مو مثل ذي !
فهد : انتبه لنفسك تراك بديت تكثر غلطات واذا درا ابوي لا انا ولا امي نقدر نساعدك وانت فاهمني وتجهز بكره رايحين نعقد لك وطلع تارك ياسر بوسط انهياراته دخل فهد لمكتبه الخاص بالمنزل وجلس وهو يريح راسه فوق الكرسي وغمض عيونه وفجاة خطرت بباله عيونها النادره ذات اللون الرمادي زفر بقوه وهو يفتح عيونه ويخرج سيجارته ويدخنها بشراهه وتفكيره كله يتمحور حولها.
•
" اليوم التالي "
اسرعت جوري وهي تركض وشايله شنطتها وقفتها الخاله فاطمه وهي تمد لها توست محمص بداخله جبن : وقفي وقفي اخذي ذي معك اكليها بالطريق ما افطرتي
جوري اخذتها بحب وهي تبوس خدها : احلى خاله وطلعت تركض للباص وضيقت اريج نظرها بخالتها وهي ترا نظره الحنان ونظره اخرى لا تعلم ماهي زفرت بقوه وهي تبي تعرف وش اللي مخبيته ونطقت مقاطعه تامل الخاله فاطمه : خاله فطوم اليوم موعد مراجعتك كلمت السايق بعد ساعه يجي ونمشي
خاله فاطمه : الله يسعدك يا أريج ذكرتيني كنت ناسيته
ابتسمت بخفه أريج: بالعكس انسى كل شي الا شي يخصك
ابتسمت لها الخاله فاطمه : افطرتي زين ؟
أريج: ايه الحمدالله
"بالباص "
بعد ان ركبت جوري بجانب موضي وهي تلهث نظرت لموضي التي واضعه سماعتها على اذنها وشارده البال قلبت عيونها وقامت تفطر ونظرها معلق بهاتفها وبعد ساعه ونصف وصلو للجامعه ونزلو البنات من الباص وهم يدخلون للجامعه وبعد ان خلعو عبايتهم كل وحده اتجهت لمحاضرتها  ..
جوري بقاعتها كانت جالسه وهي تتصور بسبب تاخر الدكتوره اخذت راحتها وقاطعها وقوف جود امامها قلبت عيونها وهي تكمل تصويرها فجاة سحبت منها الجوال جود وهي تنطق بحده : وين موضي ؟
جوري بابتسامة خبيثه : ليه تسالين شكلك اشتقتي ليدها الحنونه ؟
جود صرت على اسنانها بغضب وهي تمسك جوري من فكها : من متى تردين علي يا قمامه هاه ؟؟؟؟
جوري تالمت وهي تبعد يد جود عنها بس بغتتها جود بشدها لشعرها وهي تهمس بغضب : اعتذري من وقاحتك ولا ارميك جثه لموضي
جوري بالم وقهر : انا اسفه ااه دفعتها جود ورمت عليها جوالها ومشت تاركه جوري تحترق بقهرها هي فعلا ليست مثل موضي التي تستطيع الوقوف امام جود عكسها زفرت وهي تجلس تحاول كتمان الامر عن موضي
وفجاة جلست جنبها فتاه رائحة عطرها تسبقها وهي تعدل شعرها وانصدمت جوري وهي تنطق : البندري ؟
البندري التفت وهي متفاجئه : اريج ؟
جوري كتمت ضحكتها : جوري
البندري : ايه صح صدفه حلوه لاني معرف احد هنا
جوري ابتسمت : معليك راح اكون معك و اوريك كل شي بالجامعه
ابتسمت بدلع البندري : Thank you very much"
جوري : "You're welcome"
.
عند موضي اللي مركزه كامل التركيز بالمحاضره وقاطع عليها دخول جود التي نطقت بكل غرور وثقه : اوه دكتورة غاليه ممكن اخذ من وقتك شويه ابغى موضي ابغاها بشي مهم
موضي رفعت حاجبها ونطقت : ماعندي شي اتكلم فيه مع وحده مثلك
احتقن وجهه جود بغيض بسبب تزاحم القاعه ونطقت الدكتوره : مو مشكله يا موضي يمديك تخرجين شوي مع جود
موضي بحده : ما ابغى !
جود ناظرت للدكتوره وكانها تامرها بان تطرد موضي وفعلا انصاعت الدكتوره وهي فهمت من نظراتها ماذا تريد ونطقت : اجل اطلعي برا وشذا الاسلوب اللي تردين فيه على دكتورتك !
موضي ضحكت بسخريه وهي فاهمتهم ودخلت دفترها بشنطتها واخذت شنطتها وطلعت وهي تلعن بداخلها جود التي لا تزال تحوم حولها مثل الذبابه !
ولحقت جود وهي تنطق : عشان المره الجايه تطلعين اذا طلبتك
موضي وقفت وهي تغمض عيونها وهي تستغفر ماتبي تكفر فيها لانها يالله تكبح افكارها الشيطانيه عشان لا تطبقها بجود والتفت : انتي شكلك مو ناويه تبتعدين عني لين اعطيك درس من بعده تنسين انك تحومين حولي !
جود قربت منها : فهد اللي دفع الفلوس عنك تعرفينه يعرفك ؟
موضي عقدة حواجبها بغرابه من سوالها بس فجاة ضحكت بقوه : ليه لا يكون تركك كلبك الرخيص مثلك
جود بغضب : جاوبي على قد السوال !
موضي جات بترد بس قاطعها رن هاتفها ورفعته بتقفل بس كان اسم فهد ابتسمت بخفه وهي ترفع جوالها : اكلمك بعدين تشاو ومشت وهي ترد عليه : هلا ؟
فهد : السلام عليكم
موضي : وعليكم السلام
فهد : اليوم بجي انا واخوي ونخطبها رسمي
ابتسمت موضي : زين رجع عقل اخوك من الكف !
فهد مسح وجهه من اسلوبها في الاستفزاز : موضي ممكن تعدلين اسلوبك ولا بنزعل خن بعض !!!
موضي وهي تبتسم بخفه : افا الا زعلك يا عديلي الحين صرنا اهل
فهد بلل شفايفه وهمس : عقبالنا
موضي تجمدت وهي تحاول تستوعب هل اللي سمعته صح او انها بسبب ازعاج البنات ما سمعت زين ونطقت : عفوا ؟
فهد نحنح : قلت العصر جايين راح نتواصل
موضي : تمام راح اعطي مديرة الدار خبر
فهد : طيب ارسلي علي اللوكيشن بعدين
موضي : اوكيه وقفلت وهي تبتسم بانتصار وراحه آن موضوع داليا راح يتقفل عليه هي ليست غبيه بان لا تلاحظ حب داليا لياسر لهذا اصرت على الزواج تنهدت بقوه وفجاة تذكرت شادن واسرعت تجلس وتتصل عليها
وجاها صوت شادن المبحوح : هلا موضي
موضي لانت ملامح وجهها من سمعت صوتها الواضح انها كانت تبكي : كيفك كيف الوالد ؟
شادن التي سارعت بالبكاء وكانها كانت تنتظر احد يسالها : مو بخير يا موضي انا شايله هم ابوي لانه ما قام ألى الحين
تنهدت موضي بقلة حيله : ياروحي انا انتي وينك ؟
شادن وهي تمسح دموعها : بالبيت
موضي : بجيك اذا مو رايحه مكان
شادن : ياليت والله احتاج احد افضفض له تعبانه يا موضي
موضي : خلاص تمام جايتك ياروح موضي مسافة الطريق
شادن : طيب وقفلت موضي وهي ترسل لجوري بانها طالعه لشادن
ولبست عبايتها بعد ما كلمت السواق الخاص بالدار وركبت معه واتجهت تاخذ معها اغراض قبل لا تتجه لمنزل صديقتها ..
•
•
عند عبدالرحمن اللي دخل توه جايي من المحكمه وجلس ولقى اسماء حاطه القهوه والحلا والمعمول ابتسمت : غريبه جيت بدري !
عبدالرحمن ببسمه : احد عنده اسماء وما يجي بدري ؟؟
ضحكت اسماء : قولي وش الموضوع اللي مخليك مبسوط
تنهد عبدالرحمن: قصدك وش الموضوع اللي مخليني قلقان ؟
اسماء : وشفيه ؟؟
عبدالرحمن مسح على راسه وتنهد : سويت شي وما قلت لك عنه
اسماء : وشهو ؟؟؟؟
عبدالرحمن: يوم رحت لابو سلطان بالمستشفى شفتها شفت البنت اللي شاك انها بنتي ماتحملت ورحت كلمت صديق لي بنته ممرضه واتفقت معها تسحب منها دم عشان نسوي تحليل DNA لان التفكير جالس ياكلني انا ما انام زين من الافكار اللي تاخذني وتجيبني
اسماء : طيب وش صار طلعت النتيجه ؟
مهند طلع من غرفته وجاء بينزل لتحت وفجاة استوقفه كلام والده ووالدته عقد حاجبيه بغرابه من حديثه الغير مفهوم
عبدالرحمن تنهد : لا باقي امس سوينا سحب
أسماء قربت منه وهي تمسح على يده : انا متاكده بدون تحليل انها بنتك
ناظرها عبدالرحمن بعيون لامعه بابتسامة : صدق ؟
اسماء ابتسمت وهزت راسها : ايه كانت تشبهك والوحمه تكفي وتوفي بس العيون ماتشبهك فيها
باس عبدالرحمن يد زوجته : الله يدلني عليها وبس ٢١ سنه يا اسماء اضحك واشرب واطلع واروح وانا تفكير فيها ٢١ سنه ما نمت زي العالم من الضيقه والهم تنهدت اسماء : ان شاء الله ربي بيفرحك فيها انت بس وكل امرك لربك ومراح يخيب لك امر ربي
عبدالرحمن: يارب وقاطعه رنة هاتفه وكان رقم غير معروف ورد : هلا ؟
الممرضه ببسمه : السلام عليكم يا عم عبدالرحمن هذي انا رنا الممرضه عرفتيني ؟
عبدالرحمن ارتبك وتوتر : هلا هلا وعليكم السلام يا بنتي ايه عرفتك بشريني فيه اخبار زينه ؟
ابتسمت وهي تناظر للورقه : ابشرك النتيجه مطابقه ميه بالميه معك
وسع عيونه عبدالرحمن وزفر بقوه وهو كانه يتنفس لاول مره بحياته وعيناه دمعت واسماء وسعت عيونها ببسمه وهي مقربه من الجوال وسمعت ما قالته وابتسمت بسعادة لزوجها ونطق عبدالرحمن بتلعثم : يـ يـعـ نـي مـ منجد البنت بنتي ؟ رنا ابتسمت : ايه يا عم بنتك من دمك ولحمك وعشانك استعجلت بالتحاليل وطلعت بدري عشان بس ابي ابشرك باسرع وقت
عبدالرحمن بلع ريقه وهو يحاول يسيطر على نفسه : الله يسعدك يا بنتي ويحفظك لاهلك ماقصرتي معي
رنا : امين ياعم وما سويت الا واجبي توصي على شي ؟
عبدالرحمن: سلامتك يابنتي وقفل وهو ينظر لاسماء بنظرات مليانه مشاعر مختلطه ابتسمت اسماء وهي تسارع باحتضانه اجشى يبكي بحضنها وكانه طفل صغير هذا كله تحت نظرات مهند المصدوم بما سمع وبما يرا والده يبكي ولديه اخت ! مفقوده منذ ٢١ !! وهو ليس لديه خبر لم يعلم ابدا بكل هذا ! رجع لغرفته وهو يقفل على نفسه يحاول ان يسيطر على افكاره والاساله التي تحتاج اجوبه
..
وصلت موضي عند منزل شادن وهي تنزل وبيدها باقه ورد كبيره  واكياس فيها اشياء هي جايبتها عشان تفرح فيها شادن وكانت. شايله الباقه والاكياس ومع شنطتها كانت ماتنشاف منها ودخلت من باب الحوش وهي متجهه تطرق باب الفيلا وقاطعها فتحه وارتطامها بشخص : اهخ وجع والتفتت وهي تشوف سلطان بنظراته الحاده يرمقها : استغفر الله اصبحنا واصبح الملك لله
موضي بسخريه : صبح وين ياعين امك انت ترانا بالظهر وقربنا على العصر !
سلطان : وانتي وشدخلك فيني اقول اللي اقوله !
موضي زفرت : اقول ناد لي شادن
سلطان : صدق انك ماتستحين على وجهك
موضي بغضب : بتنادي شادن ولا هفيتك بالباقه !!!
سلطان رفع حاجبه : تهفيني انتبهي لا انفخ عليك تطيرين ومشى تاركها تستوعب كلامه وصرت على اسنانها بغيض وهي تطق الجرس وفتحت لها العامله ودخلت بتعب من الباقه : نادي لي شادن
العامله : اوكيه مدام وراحت وبعد ثواني جات شادن تركض وحضنت موضي اللي اختنقت من حضنها القوي : ااه شـ شادن حبيبي اختنقت
شادن ابتعدت بسرعه : اسفه اسفه فيك شي ؟
موضي تحاول تتنفس اكبر قدر من الهواء وتطلعه من فمها وهي تنظم انفاسها : كنت راح اموت بس عوافي امسكي ومدت لها الباقه ابتسمت شادن بحنان : ياروحي ما كان له داعي !
موضي : تذكرت انك تعشقين الورد عشان كذا خطر ببالي ومدت لها الاكياس ابتسمت شادن بحب : ياروحي احبك شكرا مره وحضنتها وضحكت موضي : ناويه تقتليني بحضنك والورد ؟
شادن ضحكت وابتعدت : شسويي افعالك تخليني ودي احضنك لين ما اشبع
موضي ابتسمت وهي تخلع عبايتها : معليك بحضنك لين تشبعين وين خالتي ام سلطان ؟
شادن عبست : راحت مع رائد لعند ابوي تفضلي تعالي نجلس بالصاله دام مافي احد هزت راسها موضي ودخلت وجلست على الكنبه الطويله وجلست جنبها شادن بعد ما اعطت العامله الورد عشان تحطها بفازه تاملتها موضي بهدوء وهي تلاحظ عينان شادن المتعبه اثر البكاء وقلة النوم تنهدت وفتحت يدينها : تبين حضن ؟
شادن سرعان ما احمرت عيونها ودمعت واسرعت تحتضنها بادلتها موضي وهي تسمع شهقات وتشعر بدموع شادن التي لطخت ملابسها مسحت على راسها وهي سيئه اذا اتى الامر على المواساة لا تعلم الا ان تحتضن الشخص اذا راته محتاج لحضن شخص ما ؛ شادن ابتعدت وهب تمسح دموعها بالمناديل : اسفه اذا ازعجتك بحالتي ذي بس والله احس قلبي يعورني على ابوي !
موضي تاملتها بهدوء هل حب الاب يفعل بالانسان هكذا ؟ هي لم تجرب هذا الشي لهذا لا تستطيع الحكم ونطقت : وش ازعاجه منجدك اصلا انا جايه لك خصوصي عشان ابيك تفضفضين وترتاحين !!!
شادن تنهدت : وش اقول وش اخلي ما اتخيل بابا يصير فيه شي مستحيل اتحمل بعده وفراقه عني
موضي : بعيد الشر عنه مو جايه شي وترا الجلطه تحصل غالبًا باللي عمر ابوك بسبب كبر العمر ومع العلاجات وعناية الطبيب ان شاء الله بيقوم بصحه وعافيه شادن مسحت انفها بالمنديل و وجهها احمر من البكاء : يارب ان شاء الله
رن هاتف شادن ورفعته وهي تشوف اسم رائد وردت وجاها صوته الفرحان : شادددددنننن ابوي صحى ابويييي قاااامممم
شادن شهقت وقفت بفرحه ودموع : رائد احلف !!! ابوي قاممم !!!
موضي انفجعت بالبدايه بس بعدها ابتسمت من سمعت كلام شادن نطق رائد بسعادة وعيونه معلقه على ابو سلطان الجالس على سرير المستشفى وينظر بهدوء له : اييييييييه والله قام
شادن ببكاء : اعطيني اياه بكلمه
رائد : شدو مايمدي عشانه تعبان شويات من الجلطه ومايمديه يتكلم كثير بس بفتح لك الكام تشوفينه
شادن وهي تحبس دموعها من الفرحه : طيب طيب يلاه وفتح رائد الكام وجلس جنب ابو سلطان وحط الكام عليه وشادن فتحت الكام حقتها وما تمالكت نفسها وهي تسمح بدموعها بالسقوط وهي تبتسم بسعادة : بابا حبيبي كيفك بشرني عنك والله خفت عليك كثير تفكى لعد تسوي فينا كذا !
ابتسم بخفه ابو سلطان وهو يهز راسه لها وشادن كانت تتامله وتتكلم وتعبر لوالدها قد ايش هي خافت عليه وانها كانت تبكي ليل ونهار عشانه جلست موضي وهي تكتف يدينها بهدوء وهي تبتسم بخفه وهي تعدل شعرها خطر ببالها جوري لو كانت معها كان جلست تبكي لان تبي تجرب ان يكون عندها اب او شعور البنت بحب والدها ابتسمت بسخريه كيف انها تشوف هذا شعور تافه وليس له معنى هي كبرت على ان ليس لها اب او ام بالاصل لا تعلم معناها فقط تعرف حبها لاريج وجوري وخالتها فاطمه لا احد اخر تعرفه سواهم ..
•
" بالجامعه "
عند جوري اللي كانت تسولف على البندري التي اعجبت باسلوبها وكانها تشبهها ولكن اكثر تواضع منها وتعترف بهذا الشيء
وضعت جوري القهوه امام البندري وهي تبتسم : قهوتك علي اليوم بمناسبة انه اول يوم لك هنا
ابتسمت البندري : شكرا وعلى فكره ما توقعت شخصيتك كذا !
جوري : ليه ؟
البندري : مدري حسبت شخصيتك مثل ذيك شسمها حادة الطبع وهي تقلب بعيونها ابتسمت بخفه جوري : موضي طبعها كذا بس مع الاشخاص اللي ماتعرفهم اما شوفيها مع شادن كيف عسوله يعني
البندري زفرت بملل : الا اقول بما اني وحدانيه وشرايك نروح نتغدا برا ؟
جوري : اممم الحين ؟
البندري : اجل بكره ؟
ضحكت جوري : اوكيه بس مين بيوصلنا ؟
البندري : نروح مع تاكسي ؟
جوري : لا معليش مقدر موضي محذرتني ما اطلع مع تاكسي او سايق بدونها
البندري بغيض : اوف منها وهي وش بيعرفها ؟
جوري بتوتر : اعرف نفسي بخاف ويزل لساني قدامها !
البندري : اجل بنروح مع مهند اخوي ورفعت جوالها تتصل فيه جاعله من جوري ترسل لموضي تخبرها لامر خروجها
عند موضي شافت الرساله رفعت حاجبها واتصلت بجوري : مع من مع من ؟؟؟؟
جوري بتوتر : مع البندري
موضي بحده : مافي طلعه تبين تطلعين اجي اخذك ونتغدى برا اما مع ذي بندري مدري البندري لا !
قفلت البندري من مهند اللي اخبرها بانه قادم والتفت وهي ترا ملامح جوري العابسه وهي تبرر لشخص وسمعتها تقول : موضي تكفين البنت عسل وصارت صديقتي !
شادن كتمت ضحكتها وهي ترا ملامح موضي الغاضبه وهي تعلم بانها لا تطيق ابنة خالها ومع اصرار جوري سوف تجعل من موضي تنفجر : جوري
لعد تصرين قلت كلمتي وانا ما اعيد كلامي فاهمه !
سحبت البندري جوال جوري اللي وسعت عيونها بصدمه وتكلمت بحده : تعرفين وين تحطين كلمتك ؟ جوري بتروح معي تتغدا واخوي بيوصلنا ونرجع مراح اكلها وقفلت بوجهها جاعله من موضي تصر على اسنانها وهي ترمي هاتفها بغضب عند جوري اللي شهقت بخوف : وش سويتي !!!!! كيف تقفلين بوجهها كذا !!!!
البندري قلبت عيونها وهي تنفخ على اظافيرها : هدي من روعك مراح تذبحك!
جوري برعب : انتي ماتعرفين موضي كيف تسوين كذا وتقفلين بوجهها وربي ماترحمنا !
البندري اتصل عليها مهند ورفعت جوالها : جاء اخوي البسي عبايتك وقامت وهي تعدل الطرحه على شعرها اللي نصه طالع وجوري زفرت من برود البندري وهي ترتدي عبايتها وتلحقها وهم يطلعون لعند بوابه الجامعة واتجهت البندري وهي ترا سيارة اخاها وركبت بالامام وجوري بالخلف وهي تفرك اصابيعها بخوف وتوتر وتفكيرها منشغل بموضي التي شربت كاستين ماء بارد ولا انطفئ غضبها عضت شادن شفايفها بتوتر منها : موضي خلاص افرديها جوري مب طفله ودام البندري رايحه مع اخوها عادي
موضي بغضب : وشهو عادي من متى نعرف البندري عشان تروح معها جوري مو يعني تقرب لك يعني استامن عليها !
تنهدت شادن : اصلا الساعه ثلاث الظهر مابقى شي على العصر واكيد بيرجعون وسعت عيونها موضي وهي تضرب جبينها : نسيتتتت
شادن : وشهو ؟
موضي : فهد بيخطب لاخوه داليا صديقتي وهي تسرع تكلم السايق يجي وتلبس عبايتها بسرعه وشادن عقدة حاجبيها : منهو فهد ؟
موضي : خلي اذا فضيت كلمتك بالموضوع الحين ماعندي وقت
شادن شافتها مستعجله ما اصرت عليها : اوكيه زي ماتبين وقامت معها توصلها للباب وطلعت موضي تنتظر السايق وقف رائد سيارته امام المنزل وسلطان خلفه ونزلت ام سلطان وهم ينظرون للفتاه التي واقفه امام الباب وكانها تنتظر احد ما شافتهم موضي وهي تتنهد وتتجه تسلم على ام سلطان : السلام عليكم خاله
ام سلطان : يا هلا ياهلا موضي ؟
موضي : ايه موضي يا خاله جيت لعند شادن اغير لها جوها شويه والحين بمشي بس انتظر السواق
ام سلطان : لو تخلين سلطان يوصلك ؟
موضي : لا ماله داعي السايق الحين جايي
رائد صد وهو يسمع حوارها مع والدته وبعدها لاحظها ابتعدت بعد ان اخبرت ام سلطان ان السواق قريب ويوصل وساعد امه للدخول وسلطان اللي تجاهل موضي اللي رن هاتفها وردت وكان فهد : ان شاء الله على الموعد ؟
موضي : اكيد الا اذا انت واخوك سحبتو ؟
وقف سلطان يستمع لحديثها من خلفها ورد فهد بابتسامة : ماقد شفت عريس يسحب غالبًا العروس تهرب ولا ؟!
موضي بثقه : الحمدالله عروستنا ماتهرب مثل اخوك اللي مايتسمى
فهد بلل شفايفه وهو كاتم بسمته : ان شاء الله الكرهه ذا ما يشملني ؟
موضي : اي شي من ريحة ال راشد اكرهه
سلطان رفع حاجبه بتركيز وهو في عقله ألف سؤال وسؤال موضي حست بوجود سلطان وفتحت السبيكر
فهد عض شفايفه ببسمه ونطق : اوف لهدرجه ؟ مع انه بيصير بيننا قرابه وماندري وش بيصير بالمستقبل بيننا
موضي انصدمت من كلامه وهي ملاحظه جرائته هذي الفتره : بيننا عفوا ؟ وش قاعد تهبد انتبهه لكلامك حاول انك تفكر قبل لا تتكلم وقفلت بوجهه بعد ان شعرت بالنرفزه والتفتت على سلطان : ماشاءالله اذنك طويله !
سلطان رفع حاجبه بثبات : وش اللي بينكم ؟
موضي : وش دخلك ؟؟؟؟؟
سلطان مسح على وجهه وهو يكتم غضبه : صح مالي دخل بوحده مثلك ! وقفل الباب بقوه جاعل من موضي تصر على اسنانها وهي تضرب الارض بقوه وترا السواق يوقف امامها وركبت وهي تنطق بغضب : لو نمت بييتك افضل ليه التاخير ؟؟؟
السايق : انا اسف مدام بس زحمه مره !
موضي كتفت يدينها بصمت وهي تلعن بداخلها الجميع ...
.
" بالمطعم "
كانت جوري تاكل مع البندري بعد ان اخبرت اخاها ينتظر بالخارج لان جوري معها وكانت البندري مبسوطه برفقة جوري التي تبادلها الشعور ولكن بداخلها خوف وقلق من مواجهة موضي بعد الذي حصل والذي فعلته البندري
جوري : الحين من ولدتي بكندا كنتي ؟
البندري ببسمه : ايه اصلا معي الجنسيه لاني ولدت هناك السعوديه كنت اجيها فقط ايام الاجازات ونادر نروح
جوري : هممم وماشاءالله عادي اهلك كذا متفتحين ؟
البندري : يب الحمدالله معطيني الحريه الشخصيه
ابتسمت جوري : ماشاءالله
البندري وهي تلعب بالملعقه داخل اكلها وتناظر لجوري بتردد : ودي اسال بس خايفه ازعلك بس ابي اشبع فضولي
جوري ابتسمت بخفه : تفضلي
البندري : لك اهل او متوفين ؟
جوري بهدوء: مدري لقوني مرميه وكان عمري اسبوع
البندري وهي تشعر لاول مره تحن على شخص : واريج ؟
جوري : اريج اهلها متوفين اتوقع يوم كان عمرها شهرين وموضي زيي كانت مرميه وعمرها كم ساعه من ولادتها
البندري لانت ملامحها وساد الصمت وهم ياكلون بهدوء وقاطع عليهم هاتف جوري اللي شافت أسم أريج واسرعت ترد : هلا
أريج: وينك تاخرتي انتي وموضي ؟
جوري : انا اتغدى مع البندري وموضي عند شادن مدري اذا بترجع الحين او لا
أريج: والله انتو ماخذين راحتكم مره يبالي أرجع اريج الاوليه
ابتسمت جوري : صدقيني مع البندري واخوها وصلنا والحين نخلص بس ونمشي
أريج: اعجلي وقفلت عضت شفايفها جوري بضحكه
البندري : مين ؟
جوري : أريج نسيت اقولها والواضح عصبت
البندري : انا خلصت الا خلصتي مشينا
جوري : وانا كمان شبعت وشكرا على الغداء ما كان فيه داعي تحلفن انك تدفعين !!!
البندري : انتي قهوتيني ماقلت شي الحين دوري عادي مو صاحبات احنا ؟
جوري ابتسمت : البندري ببسمه : اجل يلاه وطلعو لمهند اللي كان متكي بالسياره واول ما شافهم طلعو وهو يرفع المقعده ويركبون ويمشي بعد ان فتحت جوري الموقع واعطته للبندري ومشى مهند على اتجاهه اللوكشين
عند موضي اللي نزلت من السياره ودخلت للدار وهي غاضبه وفسخت عبايتها : أريج خالة فاطمه وينكم تعالوووو
جات أريج من غرفتها وطلعت خالة فاطمه من المطبخ ونطقت أريج: الله جابك وينك طالعه من الجامعه ؟؟؟ وليه ماقلتي لي !!
موضي : رحت لعند شادن لانها نفسيتها قافله عشان ابوها تعبان الحين والزفت جوري اذا جات بذبحها واللي يمسكني بينجلد معها !!!! من الحين اقولكم !!!!
الخالة فاطمه بقلق : وشفيه وش صاير بينكم !!!
موضي : قولي وش ماصار تحط كلامي تحت رجلها وتمشي ورا كلام البندري !!! اللي ماعرفناها الا قبل امس !!! ولا تخليها تقفل بوجهي ولا تدق علي !
عضت شفايفها أريج: تلقينها خافت منك اذا جات بتعتذر
موضي : اوكيه اوكيه بجلدها هي واعتذارها ومشت متجهه لعند مكتب المديره حنان وطرقت الباب قبل لا تدخل ولقتها مشغوله باحد الاوراق
نحنحت موضي ملفته انتباها : اوه موضي هلا بنتي وش فيه ؟
موضي بثبات : تبين تعرفين وش فيه داليا بس توعديني توافقين على طلبي وشرطي ؟
عقدة المديرة حنان حاجبيها وهي تترك مافي يدها : الموضوع كبير ؟
موضي بجديه : ايه كبير واذا ما وافقتي مراح اضمن ان داليا مراح تنتحر للمره الثانيه !
المديرة حنان وسعت عيونها : تكلمي وشفيه طيحتي قلبي
موضي : اوعديني بالاول !
زفرت بقوه المديرة حنان وهي تنطق : وعد بس قولي وشفيه نشفتي دمي !
موضي بثبات : داليا كانت تحب شخص وخان ثقتها ومره طلعت معه عساس بس يلف فيها السياره ويوصلها للدار لكن ماصار كذا زفرت بقوه وكملت : اعتداء عليها وكان يهددها وهي قررت بيوم حادثتها انها تنتحر لكن الحمدالله انقذناها وانا عرفت بالموضوع من ريتاج عشانها معها خبرتني بكل شي وكنت اعرف الشخص وهو من عائله معروفه وهددت اخوه الكبير لو ما جاب اخوه ياسر اللي هدد داليا وخطبها رسمي وتزوجها راح افضحه
وسعت عيونها المديره حنان وهي تمسك راسها من اللي تسمعه طوال حياتها تحاول تحمي هولاء الأيتام ولكن تنصدم بالذي تسمعه : وش قاعده تقولين ! ومين ذا ؟
موضي : ياسر راشد ال راشد
المديرة حنان بصدمه : ياسر مو اخوه فهد راشد ال راشد المعروفين بصيتهم ؟
موضي : هم بس صيتهم معفن مثلهم وعشان كذا بعد العصر بيجي هو واخوه ومعهم المملك يعقدون لداليا واخوه ومابي الا انك توافقين عشان داليا بعد فعلته ذي هي تحبه وتبي تتزوج عشان لا يخرج عنها كلام
مسكت راسها المديره حنان وهي تولول : ياويلي ويلاه كيف يصير كل ذا وانا ماعندي خبررر ليه ماهرجتيني !!!!
موضي : وش بتسوين مراح تقدرين تسوين شي !!!
المديره حنان : مستحيل داليا توافق عليه بعد اللي سواه فيها !
موضي بهدوء: هي موافقه وانا شرطت عليه انه يتزوجها ثلاث اشهر ويطلقها
المديره حنان وهي تحس بضيقه بقلبها وحزن على داليا بعد اللي سمعته : مايصير اوافق على زواجها قبل لا اعطي المؤسسه خبر !
موضي : اعطيهم خبر بعد زواجها وخلاص راح يرسلون لك الموافقه وقد انهم تزوجو وخلاص ما يحتاج الموضوع كذا هذا !
المديره حنان : حسستيني الموضوع هين تتكلمين ما كانك تعرفين صعوبته ؟
موضي ببرود : الحياة كذا تفاجئك بكل شي غير متوقع وطلعت تاركه المديره حنان بدوامه من الافكار اللي تاخذها وتجيبها اتجهت موضي لغرفة داليا اللي كانت تضحك على حلطمت ريتاج لان المعلمه اخبرتها بانها بعالم موازي بسبب شرودها بالحصه دخلت عليهم موضي مقاطعتهم وهي تنطق : ريتاج اطلعي بكلم داليا
ريتاج بتوتر : اوكيه وطلعت وهي بتموت من الفضول قفلت الباب موضي وهي تتجه لداليا اللي عقدة حاجبيها باستغراب : وشفيه ؟
موضي تنهدت بقوه وابتسمت : جبت لك ياسر لرجولك بيعقد عليك اليوم وراح تشرطين عليه الشرط اللي تبينه
وسعت عيونها داليا بصدمه : موضي تمزحين ؟؟؟
موضي : لا انا وعدتك اجيبه لك مثل الكلب وينفذ لك اللي تبينه
داليا : موضي انا خايفه !
موضي : هش تخافين من وش من كلب مثله ! لا تخافين ولا شي هي بس فتره معينه وتتطلقين منه بس عشان لا تطلق اي اشاعه عنك
داليا بخوف وتوتر : كيف اقتنع ؟
موضي : والله مدري اخوه دق علي وقالي بنجيك عشان كذا جيت اعطيك خبر انهم بعد العصر جايين
داليا : بس ثلاث اشهر ؟
موضي : متى ماتبين انتي تخلعينه مثل الكلب لا تشيلين هم اوكيه ؟
داليا سكتت ضغطت موضي على يدها : داليا ماينفع الضعف لازم تصيرين قويه لازم تنتقمين منه خليه يتعلق فيك واكسريه مثل الزجاجه
داليا بتردد وتوتر : كيف ؟
موضي : مثل ما خلاك تحبينه سوي مثله مو بس هو يقدر يكسرك حتى انتي اكسريه بس اكسريه ضعف كسره لك !
داليا شردت بهدوء طلعها من شرودها موضي : سمعتي ؟
داليا ابتسمت : ايه وحضنتها بسرعه وهي تهمس : شكرا
موضي بابتسامة : بقرصك المره الجايه لو قلتيها مابيننا ذا كله !
ابتعدت داليا بابتسامة : مدري وش بسوي لو ما كنتي معي !
موضي ابتسمت وهي تهف شعرها : اوف ادري ان الكل بيضيع بدوني !
ضحكت داليا : حبيبي الواثق من نفسه
ابتسمت موضي بثقه وقامت : تجهزي اوكيه
داليا هزت راسها وطلعت موضي وهي تحس نص من الثقل خف عنها واول مادخلت لقت جوري توها تدخل وابتسمت بخفه وهي تشمر اكمام بلوزتها : كيف كان الغداء حلو لذيذ ؟
جوري بلعت ريقها وهي تفسخ النقاب وعبايتها وتحط شنطتها فوق الكنبه والعبايه كذلك وبخوف وتوتر : موضي انا اسفه
موضي ببسمه غاضبه : اسفه وقلبي على الاسف تعالي بضمك جوري برعب ركضت تستنجد بخالتها فاطمه وركضت خلفها موضي بصراخ : تعالي هنا والله لذبحك محد بينقذك مني !!!!
جوري بخوف وهي تحتمي خلف خالتها فاطمه : خالة تكفين ساعديني !!!
طلعت أريج من غرفتها منخرشه : وشفيكمممم !!!
خالة فاطمه وقفت امام موضي بدفاع : موضي خلاص بوجهي اتركيها !
موضي بغضب وعيونها تاكل جوري المختبئة خلف خالتها : خالة فاطمه ابعدي من قدامي انا قايله بجلدها يعني بجلدها !!!!!
الخالة فاطمه : عشاني قلت بوجهي !
موضي ضيقت عيونها بغضب مكتوم : طيب طيب بس اصحك اشوفها تتمشى لحالها بالبيت والله ماتفكينها من يدي لين اشبع من ضربها
عضت أريج شفايفها بضحك وهي تشوف جوري المختبئه كالفار خلف خالتها وموضي المشتطه وطلعت تاركه من جوري تتنفس الصعداء وهي تحس موضي راح تسبب لها تبول غير ارادي
أريج بضحك : ياويلك يا جوري
الخالة فاطمه : خلاص يا أريج
جوري عبست من كلأم أريج وهي متاكده انها بتنجلد الحين انقذتها خالتها فاطمه بعدين مين بينقذها ! طلعت أريج وهي تشوف موضي تهز رجولها وشارده البال
وجلست جنبها وهي تتاملها ماتبي تهرج لان واضح عليها معصبه
الخالة فاطمه التفتت على جوري وهي تحضنه بحنان : خلاص لا تخافين مراح تسوي لك شي بوجودي
جوري بخوف وهي تبادلها الحضن : وش بيصير لو استفردت فيني ؟
الخاله فاطمه : نامي عندي اليوم ومراح تسوي لك شي
ابتسمت جوري باتساع : عادي ؟
ابتسمت الخالة فاطمه بحنان وهي تتامل بسمتها : ايه عادي ياروحي
جوري باست خدها : احلى خاله وام ومشت متجهه لغرفتها تغير ملابسها وتصلي تاركه خالتها فاطمه تبتسم باتساع على فرحتها واتجهت تكمل شغلها 
أريج وهي تلعب بشعر موضي : وشفيك مشغولة البال ؟
موضي تنهدت وهي ترخي راسها ونطقت : فهد واخوه ياسر ومعهم المملك جايين يعقدون لداليا وياسر
وسعت عيونها أريج وتركت شعر موضي من يدها : منجدك !!!
موضي ناظرتها بجديه وزفرت أريج: داليا موافقه ؟
موضي : ايه كلمتها توها
أريج: والمديرة حنان ؟
موضي : انصدمت وبغت تقلب الدنيا بس ماعندها خيار الا انها توافق !
أريج: والله مو سهله يا موضي كيف قدرتي تقنعين هذا فهد واخوه ؟
موضي بسخريه : بالتهديد يا حبيبتي ما وافق حب فيني عشان سمعته لا تصير بالارض ! أريج: منجد ما يمشون الا كذا
موضي تنهدت : اهخ تعبت من ذي الاحداث هم داليا احسه كاتمني
أريج بحنان : انتي الله يصلحك ما تخلين شي الا وتسوينه ليه ماتعطين نفسك فرصه ترتاحين كل شويه داخله بموضوع جديد
موضي ابتسمت بخفه : شسويي ما احب اشوف احد متورط او تعبان او خايف او محتاج للمساعده ولا اساعده !
أريج تنهدت وسحبتها تحضنها : اهخ حبيبي الحنون نفسك عليك حق لازم ترتاحين بعد ذا التعب
موضي ببسمه : ان شاء الله وصدح صوت الاذان وتفرقو كل وحده اتجهت تصلي صلاة العصر
عند فهد واخوه اللي بعد ما خلصت الصلاه وهم يركبون السياره ويتجهون للمملك وياخذونه وكان فهد يمشي على اللوكيشن اللي رسلته موضي
..
بعد ساعه كان فهد وياسر والمملك جالسين مع المديرة حنان المرتديه عبايتها وجالسه و تفرك يدينها بتوتر من فعلت موضي المفاجئه والشيخ بدراية بخلفية الفتاه بانها ليس لها احد وكانت بطاقتها ومعلوماتها امامه يتاكد منها وبعدها هز راسه بخفه بعد ان تاكد انها فعلا لا يوجد لها احد ما يكون شاهد لها وبعد خمس دقايق دخلت موضي برفقة داليا كانو لابسين عبايتهم ونقاباتهم وداليا شاده على يد موضي بخوف وتوتر وهي تنظر لياسر الجالس يهز رجله وفهد الجالس برتياح ورفع نظره من دخول موضي برفقتها فتاة كتم بسمته بخفه وبدا الشيخ يعقد لهم وهو يسمع الموافقه من داليا وياسر وبعدها سالها عن شرطها وساد الصمت ونطقت بهدوء : ماعندي شروط
موضي انصدمت وهي تلتفت عليها ابعدت داليا نظرها عن موضي التي ترمقها بصدمه ابتسم ياسر ونظر لداليا وهو يتوعد لها باقسى عقاب
الشيخ : متاكده يا بنتي ؟
داليا بسرعه : ايه يا شيخ
الشيخ : طيب يابنتي اللهم بارك لهما وبارك عليهما واجمع بينهم بالخير وقام وهو صاد وقف وطلع برفقة حارس الدار وناظر ياسر لداليا ونطق : جهزتي شنطتك ؟
داليا بتوتر من موضي : ايه
موضي بصدمه : وش شنطته مراح تاخذها على طول !!!
ياسر : مالك دخل بين زوج وزوجته !
موضي بحده : انتبه لنفسك لا تعيش دور الزوج بسرعه مسكت يدها داليا : موضي خلاص انا وياسر نحل امورنا بدون اي تدخل لو سمحتي !
موضي بصدمه ابتعدت عنها وهي تنطق بغير تصديق : داليا !
فهد كان منصدم أيضا من اخاه الذي كان رافض ويتوعد انه سوف يذيقها الويل والان يقول لها زوجتي ! ولاحظ خيبة الامل بعيون موضي
داليا ابعدت نظرها عن موضي واقتربت المديرة حنان من موضي تسحبها للخارج : موضي خلاص تبي تروح مع زوجها
موضي اللي تحس من الصدمه مو قاعده تستوعب شي كيف الحين راضيه تدري انه بياخذها بس هي كلمت داليا تشرط ومو بذي السرعه تروح معه بس الحين تشوف داليا ثانيه مو نفس الشخص اللي تعرفه دخلت للمبنى حقها وهي تشوف أريج وخالتها فاطمه جالسين يشربون شاهي قامت اريج بسرعه : وش صار !
موضي بخيبة أمل وسخريه : راحت مع زوجها والمفروض ما اتدخل ولا شرطت ولا شرط كل كلامي صار تحت الرجل ومشت داخله لغرفتها تخلع عبايتها ونقابها بقوه وتغير ملابسها لبجامه
عند داليا اللي اقتربت من ياسر بعد ما طلع فهد وهي تسحب شنطتها ابتسم لها وهو يبوس راسها : ايه كذا ابيك تصيرين مطيعه لعد تسمعين لموضي ذي لانها بس تبي تخرب علينا !
داليا : بس هي ساعدتني !
ياسر : مو عشانك عشان نفسها هي حاولت تقرب مني !
داليا بغيض : خاينه !
ياسر : مدري كيف قدرتي توثقين فيها
داليا : شكلها قاريه علي لدرجه العمى بس من الحين معد بسمع لها اصلا بقطعها معها تحسبني غبيه !!!
ياسر ابتسم بشر : مشينا ؟
داليا : يلاه وطلعو
..............
بيت عبدالرحمن كانت اسماء متجهز ورايحه مع عبدالرحمن لعند بيت ام سلطان
اسماء : البندري حبيبتي نامي ارتاحي لا تسهرين ممكن نتاخر
البندري : اوكيه ماما وهي مشغوله بهاتفها
عبدالرحمن اشر لاسماء وطلعو وركبو السياره ومشى متجهه لمنزل اخته وهو متحمس يخبرها بالحقيقه بعد ان ياخذ الاوراق من الممرضه ابنة صديقه
وبعد ساعه ونصف وقف امام منزل اخته وهو ينزل وبرفقته زوجته بعد ان اعطوهم خبر بقدومهم ورن الجرس وفتحت لهم العامله وهي تدخلهم وجات ام سلطان ترحب بهم بمحبه ودخلتهم لصالة الضيوف وهي تقدم لهم القهوه والحلا عبدالرحمن بابتسامه : كيفك كيف العيال وابو سلطان
ام سلطان : بخير الحمدالله بنعمه انت كيفك وكيف البندري ومهند
عبدالرحمن: كلهم بخير يسلمون عليك
ام سلطان : الله يسلمهم وانتي يا ام مهند كيفك وش الاخبار
اسماء ببسمه : بخير الحمدالله انتي كيفك
ام سلطان : الحمدالله بخير عساكم بخير اشوفكم كنكم ودكم تقولون شي ومترددين ؟؟؟
عبدالرحمن وهو يبتسم ومايدري كيف يبدا كلامه وناظر لاسماء اللي تدعمه بابتسامتها ونطق : ام سلطان تذكرين احداث قبل واحد وعشرين سنه وش صار  يوم فقدت زوجتي الثانيه وبنتي ؟
ام سلطان باستغراب وفجاة وسعت عيونها بصدمه : هاه ؟ وش ذكرك بالماضي ؟
عبدالرحمن وهو يبتسم بسعاده وطلع ورقه من جيبه : بنتي عايشه وموجوده
ام سلطان خفق قلبها بقوه : كـ كيف؟!!!
عبدالرحمن جلس جنب اخته وهو يمسك يدها بسعادة ويوريها التقرير: هي بدار الايتام مدري مين اللي موديها هناك شكل اللي خطفها ماقدر على مصاريفها وحطها بالدار
وتركها هناك مايهمني كثر مايهمني سلامتها وصحتها
ام سلطان دمعت عيونها وبكت حضنها عبدالرحمن بحنان : ياروح اخوها كل ذا فرحه
ام سلطان ببكاء وهي تتامله : بتقدر تسامحني لو تكلمت بالحقيقه ؟؟؟؟
عقدة حواجبها اسماء وكذلك عبدالرحمن اللي حسو بغرابه كلام ام سلطان ونطق عبدالرحمن: وشفيه بسم الله عليك اسامحك على وش وحقيقه ايش ؟؟
ام سلطان : بقولك الحقيقه اللي امي حلفتني بغلاة عيالي ما اقولك بس حلفاني حرام دام الحقيقه تخص اب فاقد بنته
عبدالرحمن نحنح يبعد توتره : قولي وشهي احس بردت اطرافي من غموض كلامك وانا اخوك !
ام سلطان ببكاء وهي تفرك يدينها : امي اللي خطفت بنتك واخذتها للدار عند جارتنا اللي كانت تشتغل فيه وقالت لها تقول للاداره انها لقتها مرميه عند مسجد هذا كله عشان زوجتك اجنبيه والبنت امي معتبرتها بنت الاجنبيه مب بنتك وانا ما كنت راضيه بس امي وجبروتها وتعرفها وزاد بكى ام سلطان وهي تحس بالغصه بقلبها من واحد وعشرين سنه وهي مخبيه عن اخوها بسبب امها عبدالرحمن حس ببروده تسري بكامل اطراف جسده وابتعد عن ام سلطان وهو يجلس على الكنبه والدموع بعيونه عاش واحد وعشرين سنه فقدان الابن عاش افضع انواع العذاب وهو يتخيل بكا بنته بزوايا بيته جلس شهرين عشان يتعافى من الاكتئاب بسبب ابنته ويطلع السبب امه ! امه اقرب شخص له ! تسوي فيه كذا ! حرقت له قلبه خلته مثل الجسد بلا روح خلته يعاني شهور وسنين لدرجه هجر وطنه عشان بس لا يذكره ببنته لا يذكره بانه فاقد قطعه من روحه عاش بالغربه فقط لكي لا يتذكر عانى الكثير من الاشياء وسببه امه !!!!
بدا يشهق وهو يحاول يتنفس والدموع تسقط من عيناه واسماء تبكي خوف عليه وهي تصارخ : عبدالرحمن وشفيك عبدالرحمن
ام سلطان فزت برعب وهي ميته خوف على اخوها وهي تحاول تمسك فيه بس كان صدره يعلى ويهبط بقوه وهو يشاهق وكانه يصارع لاجل الاكسجين صارخت ام سلطان ببكاء ورعب : سللللططططااااااانننن
عند سلطان اللي كان جالس بالصاله وانفجع من صراخ امه وركض للداخل متجاهل وجود زوجة خاله التي سترت نفسها بسرعه وهي تبكي بحرقه على زوجها ؛ سلطان انصدم برؤية خاله بهذا المنظر كانه يحتضر !
وام سلطان تولو وتصيح من الفجعه ركض رائد اللي كان بغرفة بتال وانفجع باللي يشوفه خاله ينتفض بين يدين سلطان اللي يقرآ عليها ويسمي ويرش عليه الماء وحس سلطان بخاله بدا يتنفس وخفت شهقاته وتفاجئ بحضنه ودموعه التي سرعان ما بللت ثوبه كان سلطان ورائد وبتال منصدمين باللي يشوفونه سلطان ظن والده حدث معه شيءٍ ولكن من وضع خاله يبدو بانه امر يخصه
اسماء كانت حاضنه ام سلطان وتسمي عليها وهي تحتاج من يواسيها
عبدالرحمن ببكاء وكانه طفل وليس رجل وشعره ولحيته شابت من الكبر والهموم : ليييه ليييه اموت وانا عايش ليييه اهخ يايمه كسرتي ظهري وذبحتيني
سلطان جمد من اللي يسمعه وبكاء خاله اربكه لا يعلم ماذا يفعل ورائد الذي مسك راسه من حالة خاله المحزنه وبتال اللي طلع بسرعه يحاول ان لا يبكي بسبب تاثره من بكاء خاله الغير مبرر لهم
ام سلطان وهي تتجه له وتجلس جنبه وهي تمسح على ظهره : استهدي بالله الله يرحمها ماسوت فينا خير بس ماعد ينفع وانا اختك الا الرحمه على الميت مهما بلغت ذنوبه عبدالرحمن ابتعد عن كتف سلطان وهو واضع يده على عيناه لا يصدق الذي سمعه ليته مات ولا سمع الحقيقه ! دائم يقولو بان الحقيقه مره ! ولكن هو يقول بانها حقيقه قاتله ! سلطان مد لخاله و والدته مناديل وماء
ام سلطان بحزن وهي تمسح دموعها وتمسح على كتف اخاها : شسمها ووينها وكيف صحتها ؟ تكفى بشرني عنها ؟
رائد وسلطان عقدو حاجبيهم بعدم فهم مين ذي اللي يتكلمون عنها ؟؟
عبدالرحمن مسح دموعه وشرب مويه وهو يمسح على وجهه : موضي ناصر اسمها وهي بدار الرعايه وزي ما اعرف انها صديقة شادن
ام سلطان بصدمه : موضي ماغيرها والله قلته تشبهه احد بس ماعرفت مين وبكت بقهر عقد حاجبيه سلطان من المناحه اللي قدامه ونطق : وشفيكم تبكون وتسالون عنها ؟؟؟
صمت عبدالرحمن وهو مشتت من الحقيقه وكانت اسماء تتامله بحزن من اللي صار معه تمنت لو انها تحضنه بس بوجود ابناء اخته وام سلطان لا تسطيع
ام سلطان بعد صمت مسحت دموعها بحزن وقهر : طلعت موضي صديقة شادن بنت خالك عبدالرحمن المفقودة من ٢١ سنه
سلطان تجمد الدم بعروقه من اللي سمعه وقع كلام والدتها كالصاعقه عليه ورائد اللي اندهش من اللي يسمعه كانت طوال الفتره واخته شادن تكلمهم عنها وتطلع بالاخير بنت خاله المفقوده !
•••••••••••••••••••••••••••••••••••••••••••
قراءه ممتعه اتمنى الضغط على علامة النجمه للتحفيز 🫂
واعتذر اذا فيه اي اخطاء املائية ❤️