كابوس العشائر

بارت 16

                 بّسِمٌ الُلُهہ الُرَحُمٌنَ الُرَحُيـﮯمٌ

               الُڴاتْبّة هہيـﮯامٌ حُسِيـﮯنَ 🤍

       
                         طوعه

طبيت للحجره حابسه شهكتي عن لا واحد يحس
بيه حته ماكدر ابجي ع امي لو بجيت عليه ودرت الشيخه تذبحني حيه ع الصلا
ذبيت عباتي واني اعض بلمخده ماريد صووتي يطلع بناتي نايمات
شويه وطبت خاجيه

خاجيه:  ها يطوعه بالي ظل يمج وين رحتي وشسويتي شو تاخرتي

طوعه: بجي ولج خاجيه امي اني امي درهم راحت ولج الحنينه مااتت من قهرهه عليه ولج حسره شوفتي ظلت بنفسه ولج مشيت اريد احظنه واشوفه لكيت التراب حاظنه وووولج يمه عفتيلي دنيه وغربه شسوي بيهن من بعدج ولج ماريد الهوئ الماتشمينه يييييييممههه

خاجيه:  يمه سوده بوجهي عمتي درهم ماتت شنهي السبب ولج طوعه حسج فضحتينه لو درت الشيخه هسا دكلج شمدريج وشلون عرفتي. مانعول تفك منج احنه وتعوفج مشي عليج الحسين بهدائ ع كيفج مالومج بس صبري ع مود بناتج

طوعه:  اخ شسويت ربي شسويت وجاي تعاقبني حته بجي ماكدر ابجي براحتي ولكم حته البجي ع امي يستحسفووونه الله اكبرررر

فقدت الطم واملخ بشعري واعض بصابيعي حته مايطلع صووتي دخل زناد شاف حالتي حاله

زناد:  كاافي بويه مووتي روحج كنه ع هلدرب صووتج يطوعه صووتج

طوعه :  اريد اصرخ ع امي زناد والله امنيه مو صعبه مو صعبه حققهه اليه اريد اصيح ع امي حالي حال البنات ليش هلظلم حته البجي تمنعونه منه ليش هلخووف احنه بشرر وهيه بشر

زناد:  من رخصتج خويه خاجيه روحي نامي اني يمه طووعه

خاجيه:  بهداي وياهه تراهه ماتعرف شتحجي من ظيمه لاتحاسبه ع حجيه

زناد:  بعيوني لاتوصين بويه طوعه بتي كبل لاصير مرتي واعرفه واعرف كلشي تقصده وماتقصده

خاجيه : كمت واني كلي ثقه بزناد يختلف عنهم ويحبه وزين وياهه غيره واحد لو تمووت ماياخذه لهله وهيه فصليه لو تمووت وهوه بس طلبت منه نفذ احنه لو ماالشيخه جا بخير وعايشين حالنه حال البشر

طوعه: كلما اريد اسكت واكول هايهه ترسم عيونه وضحكته كبالي حلم عمري جان وامنيتي اشم ريحته واحضنه وراح يظل حلمي هاذه المايتحقق

زناد مايعرف شيسويلي لايكدر يجبرني اسكت ولايكدر يعوفني مستمره ابجي صار الصبح واني ع فرد دمعه. ونه

تشرينه:  يمه شبي وجهج احمر وعيونج منفوخات وكبار وحمر
طوعه:  يمه مريضه من عبن الدنيه بارده وسبحت وتمرضت مالج غرض تغطي بعد وكت لاطلعين هسا

شذره:  يمه اليله سمعتج تبجين منهو وياج ابوي طكاج لو حبوبتي الشيخه طكتج

طوعه:  لايمه لاابوج ولاحبوبتج بس اني حلمت شفت حلم يخوف وكمت ابجي مالجن غرض سكتن ونامن ولو واحد نشدجن عليه كلله امنه مريضه وهيج حاله