كابوس العشائر

بارت 30

                   بسمٌ اَْلّلّهً اَْلّرحًمٌنَ اَْلّرحًيِمٌ

                  اَْلّگٍاَْتٍبةّ هًيِاَْمٌ حًسيِنَ ★★

                   روايتي - كابوس العشائر
   

                           ♠     ♠     ♠   
                                  

                          ♥  تشرينه ♥

ماتوقعت ابد يجي وينفذ كلامه بس ليش وشنو القضيه حته يدخل ويفتش معقوله اجه على خضر وبهاي السرعه راح ينهي كلشي

غضب. : معي اذن من العمليات ……… تفتيش جميع المنطقه بيت بيت

زناد. : على راسنه بويه بس غير نعرف السالفه شنهي وليش تفتشون

غضب. : قبل فتره اختفه سلاح من الدوله وشاكين بهاي المنطقه الي سارقه

زناد. : بس من  رخصتك بويه ويلادنه هنا كلهم خيرين مابيهم اليمد ايده ع حلال غيره وشوداهم لدوله مايسونه اني اتعهدلك وثاق ميه بلميه ويلادنه مايسونه.

غضب. :ولو عمي بعد اصدر القرار بلتفتيش واني مؤمور ولازم انفذ سونه طريق

تشرينه. : ذبيت العبا من وجهي لئن هوايه نسوان واصلن مايشوفني.  ندستني شذرة. 

شذرة. : ولج هاذه شنو من طغگاعه شو حلووو

تشرينه. : ماگدرت اجاوبه واگله هوه نفسه غضب لئن كلهن موجودات ويسمعني سكتت عنه سحبت نفسي منهن للاخير ماردت يشوفني ابد بس هوه عرف شلون يگمل خطته

غضب. : وشنو يضملي السلاح ماظامينه عند النساء

زناد. : لاعمي ماسمحلك هاي واگفه كلش حجايتك اول شي احنه بيت شيخ وظاح وماعايزين حته نمد ادينه وطلبتو تفتيش ورضينه بس مال حريمنه تفتشونه مانگدر تعذرنه

غضب. : ارجع اگلك اني مؤمور والقرارات موبيدي وياي شرطيات هنه الي يفتشن.

ام عصام تعالي. دخلي فتشي الحريم وحده وحده

- تقدمت الشرطيه تطلع بعمر امي صارت تفتشنه وحده وحده من وره العبا عيونه ماشالهه من عدنه ابد ظاجو ابوي واعمامي كلش من نظراته بس ماگدرو يحجون صارت شذرة گدامي ركز بيه كلش عباله اني لئن نشابهه اني وياهه. بس من حجت شذرة بحلق عيونه نصدم من لدغته والشبهه البينه لئن كل ظنه اني

شذرة. : خاله هسا حاطتني وتفتشين بيه ادغي شسوي بي السلاح ابوكه مادگليلي

ام عصام. : شغلانه هاذه والقانون فوق الجميع يتنفذ

شذرة. : جا القانون هيج كل ظباطه حلوين

تشرينه. : كرصتهه اريده تسكت لاتفضحنه تقدمت اني بدت تفتش بيه من خلصت باوعت علينه اني وشذره سألت بصوت عالي