كابوس العشائر

بارت 29

بسمٌ اَْلّلّهً اَْلّرحًمٌنَ اَْلّرحًيِمٌ

الكاتبة هًيِاَْمٌ حًسيِنَ ★★

روايتي _ كابو العشائر ♥

الكاسر. : شنهي غايتج يتشرينه من جيتي للعرس

نرجس. :دخوليته جانت احلا حته من العروس مكيجه ولابسه الذهب واحسن الملابس والضحكه مافاگرت وجهه الحلو ابد رغم ضايجه منه بس فرحت من شفته العيون كله صارت عليه الكاسرر ظاج گلش وعيونه اكلتهه من الغيره راح عليه نسه نفسه والعالم الموجوده وهيه ولاكأنو شوفه عبالك متقصده ثير غضبه اجه عليه سحبه من ايده وشمرهه بزاويت الصاله

رحت ركض عليهم لايسويله سالفه ويفضحنه

الكاسر. : تشرينه شجابج وشكو داخله ويه العروس لاتخبليني انتي وهاذه ترتيبج وعيونج وتفترين بنص الزلم

- تفاجانه تشرينه ساكته اشرت بيده ع راسه بمعنا انته خبل وخلت وراحت تنوع وراهه الكاسر

الكاسر. : لاهاي راح تخبلني ماتخليني عايش ابد لج شوووفيه نرجس كليله خل تمسح هاذه البوجه اذا خضر ماعنده غيره اني ماتحمل اشوفه هيج تحركي گليله

نرجس. : رحت وراهه احاجيه ساگته ماتحجي ومستمره تصفك والبتسامه على وجه وستغربت بس هيه لااخته ولاامه معقوله خضر جابه راح اتخبل والله البنيه ابد مو طبيعيه. رحت يمه ندسته من متنه

تشرينه وولج هيووو مو احجي ويااج

شبيج شو تتنوعيلي ماتحجين

- صارت تأشر بيده ع لسانه معقوله تشرينه ماتحجي لا يالله راح اتخبل قبل كم يوم يمهه مابيه شي

تشرينه احجي خل اسمع صوتج فدوه لاتخوفيني احجي

رجعت كررت نفس الحرگه بدون وعي مني ونسيت العرس بگبره حضنته وابجي من كل گلبي اكو بعض نسوان سمعن واجن يسالن شكوو جاوبتهن ماكو شي

سحبت تشرينه وياي للغرفه وهيه مستغربه حالي

احجي تشرينه كولي مقلب لاتخبليني فدوه احجي ووولج. ليش ساكته تشرينه

رجعت بنفس الحركه ماتگدر تحجي والحزن حتل ملامحه معقووله مستحيل ليش شنو الصار وياهه بقيت اهز بيه اريده تحاجيني مستحيل الجاي اشوفه گدامي تشرينه خرسه

رجعت تأشر ع لسانه وراسه وشغلات ماعرفته نهاريت ابجي نسيت فرحت اخوي وكلشي حضنتني وصارت تبجي وياي دخل علينه حسين ورا الكاسر يردون يعرفون شنو السالفه اني اناشغ وابجي وتشرينه وياي

حسين. : بويه شنهي السالفه شكو عليمن تبجن وحدجن بيه شي لاسودنني شبيجن احجي نرجس شكوو

- مستمر بلبجي اريد اجاوبه ماكدر من الشهكه من. اتخيل تشرينه بعد ماتحجي اتخبل دخلت امي علينه وشافت وضعنه لطمت ع وجه