بين اصفاد الجحيم

مَشاهِد

جنت توني راجعه للبيت تعبانه كلش فتت لـ الشارع مالتنه ومثل كل مره بـ هيج وقت هو فارغ بعدني امشي وطلع شخص من بين البيوت خفت من شفته جان لابس قناع

دنكت ورحت اكمل طريقي بس زاد خوفي من صار مقابيلي بالتمام صرت اروح يمين يصير كدامي اروح يسار يصير كدامي بلعت ريكي بخوف وحجيت

ــ ما توخر شبيك

ما رد عليه تقرب مني كلش ورفع ايده لـ فوك مدري شيسوي بس سرعان ما شهكت من لزم ايدي ولواها لـ ظهري وكمم حلكي بـ ايده

صرت ارافس اريده يفكني ماكو شخص ضخم كلش ما اكدر اله شفت سياره فاتت بالفرع اجت علينه انفتح بابها انشمرت بيها قوي وبسرعه لزمني شخص بداخلها

صعد الي جان ويايه وبسرعه شخطو السياره واني عياطي مله المكان شفت ابواب الجوارين انفتحت على اثر عياطي انضربت براسي وما عاد حسيت على شي

ما اعرف شكد مر من وقت واني فاقده وعيي بس فزيت شاهكه من حسيت بـ بروده احتلت جسمي صرت اتلفت رابطيني على كرسي وذابين عليه مي

المكان جان بي ضوء صغير اصفر اباوع لـ الموجودين ثلاث شباب مقنعين جسمي يرجف خوف و برد بلعت ريكي وحجيت بـ لغة البلد

ــ منو انتو شتردون مني لــيـش جايبيني لـ هنا والله ممسويه شي اني

تقدم واحد منهم وكف مقابيلي وحجه بـ نبرة استهزاء بـ لغة البلد

ــ شغلنه مو وياج يحلوه

ــ لعد شكوو جايبينييي

ــ اشش لججج لا تعيطين لا افلششش راسجججج

بسرعه شال السلاح خلا براسي وعاط بيه بلعت ريكي من الخوف احس حتى لشتي ترجف انخرست ما عاد حجيت شي

انتفتحت الباب و اجاهم واحد مدري شنو حاجاهم وطلعو بقه بس واحد يمي سحب كرسي وكعد مقابيلي

ــ الله يخليك طلعوني والله ممسويه شي

ــ اش لججج راح اذبحج اذا حجيتي بعد

انلصمت خايفه بقيت على هالوضع لـ فتره ما اعرف شكد بالضبط وكل شوي ناس تفوت وناس تطلع لـحد ما فات ضوه خفيف من فتحه موجوده بالسكف عرفت الصبح صار

اجه واحد منهم يحاجي بيهم طلعو كلهم بقيت بوحدي متجمده من البرد اطرافي كلها خدرانه بسبب كعدتي من البارحه لـ هسه وملابسي مرطوبه بسبب المي الرشو عليه حتى اصحصح

مر هواي وقت واني على نفس كعدتي فات واحد بـ ايده اكل خلا يمي وفتح بس ايد وحده وموجه السلاح عليه حجه

ــ تاكلين مثل الحبابه حركه زايده تجي الرصاصة بـ راسج

ــ اي اي والله ما اسوي شي

اباوع لـ الاكل ردت اكل بس خفت خاف بي شي باوعتله وبلعت ريكي احجي

ــ الله عليك الاكل خما خالين بي شي

ــ اي بي سم

سكتت ومديت ايدي ميته جوع على لحم بطني صار من البارحه الظهر اكلت شوي وسحب الاكل ربط ايدي وطلع حتى ما شبعت ولا جابولي مي

دموعي من وحدها تنزل من الخوف ما اعرف شنو يردون مني وليش جايبيني بقيت اسب واشتم بيهم بـ گلبي زهكت وطلعت روحي عطت بصوت عالي

ــ صوتجججج *******

فزيت من واحد منهم عاط بيه وفشر خنست خايفه وادعي بلكي احد يطلعني لـ العصر اني على كعدتي انفتح الباب وفات واحد منهم سحب كرسي وكعد مقابيلي همست احجي وي روحي بالعراقي

ــ شكد حقراء گدرتكم على مره

ــ انلصمي

اندهشت من حجه عراقي بقيت فاتحه عيوني على وسعهم نزع القناع عن وجها وزادت دهشتي من شفته هو

ــ أنتَ؟!!!

***********

توني التفت عليه دفعني شهكت من سحبني اله مانعني اوكع بعدت عنه ايدي على كلبي ومصدومه من عملته خزرته وهو ضحك

ــ شنو خفتي

ــ اني؟ اخاف!!!! لا ابد ما توقعتها منك

ــ يعني ما خفتي

ــ تؤ خفت

ــ صريحه بعد كلبي

ــ اعجبك بالصراحه

ــ كلج تعجبيني

حجاها وغمز درت عيوني مو عاجبني اخذت نفس من الجكاره ورجعت زفرته حجيت

ــ احجي شتريد

ــ اعفي عنج بشغله وحده

ــ كمل

ــ تجيبيلي اوراق مهمة من المدعو زوجج ههه!!

التفتت مستغربه من طلبه رفعت حاجبي وقدمت شفتي السفليه وميلت راسي وحجيت

ــ واذا رفضت

ــ تموتين

ابتسمت وتقربت منه كلش شلت الجكاره وطفيتها بزنده غمض عيونه متألم بس ابتسم

ــ اه احب

ــ موتني لعد

فتح عيونه باوعلي وهمس

ــ ليكون حبيتي؟!

ركزت عيوني بـ عيونه قريت شي بـ نظراته هاي ابتسمت وهمس بنفس نبرة صوته

ــ نفس حبك الي اي حبيته

بلع ريگه وابتعد عني اشر لـ رجاله يروحون راحو وهو ميل راسه وباوعلي رافع حاجبه

ــ على خصرج الميال ملنه جميلتي

ــ لـ سوء حضك گلبي مال اله

ــ يعني نعلن حرب الحب

ــ  انتَ التخسر

_ عمري ما خسرت

_نشوف!!