يتبعهو صوتي،
كاشتياقي له،
وبهمسات دافئه،
اعشقك ،
الكاتبه :فاطمه احمد
مرت علينه الايام اني وحسين بلبيت حلوه مليئه بلحب والحنان اذا ينزل حسين اشبع دلال وطلعات
ميخلي شي بنفسي مونسني
فديوم جنت كاعده اجه حسين جان طالع ورجع
حسين:اكلج حبي
حضري نفسج عكب باجر نروح لاربيل
باوعتله وفتحت حلكي بفهاوه
كتله عليك اللله
كلي شبيج الفاهيه قابل وين رايحين
كمت وكمزت عليه من الفرحه كتله يمه فديت رجلي الي يونسني
كمت الم غراضي ممصدكه. بعدين ذكرت شكد حنبقه
نداريت عليه كتله شكدد نبقههه
كال. 15يومم اني نادريت ورجعت اكمل فرحتي
الملم بلغراض
هو يضحك عليه لان يشوفني افرح بكلشي هو يسوي جد يعني الي كلشي يسوي يفرحني
مر ثاني يوم كله مخبوصه اني وارتب غراضي وغراضه وهو عاجبه خبصتي وبس يضحك عل فرحتي
طلعنه. من البيت وقفلنه البيبان
وكايل الاهله احنه راح نروح لاربيل كم يوم
اني كطعت كلش مارسل ولا اسئل عليهم هو هم مرتاح من هاي الناحيه ميريدني اتواصل ويهه احد
يعرف عندي بس رقمه ورقم تاره وحسام وكرار
كرار لان يتصل عليه خاف احتاج شي وحسين مموجود
انطلقنه بطريق اني نعست رجعت الكرسي ليورا ونمت ماحسيت على نفسي. غير حسين يكعدني وصلنه لفندق جان جو كلش بارد ومطرر. الجو شتاء
نزلت من السياره قفله وحجزنه غرفه دخل الغراض شفت السرير كبل كمزت عليه اريد انام
ضل يضحك اني رجعت كملت نومتي هو دخل يسبحح
وحسيت عليه من اجه حضني وناممم ضلينه نايمين واحس عل ايده يلعب بوجهي ويهمس باذني شنو حبيبي حتكضيه نومم. كومي خلي نتعشه فتحت تك عين بلكوه مفتحتها من النعاس وبتسمت كتله شسوي غير نعسانه
كال ديلا كومي خلي نطلع نتعشه كتله تمام
دخلت كبل بوجهي للحمام سبحت وطلعت لكيت مخلص تبديل رمقتهه بنضره عود ليش خلصت بسرعه هههههه
كال يلا بدلي انتضرج رحت عل الجنط طلعت هاينكك. اسود وبنطرون قماش مارونيي. فوك الهاينك لبست جاكيت هم اسود وشال ماروني. وحذاء اسود لبست الجنطه وطلعت نزلت شفته واكف ومنتضرني بتسمت ورحتله لزمت ايده باوعلي ببتسامه مشينه وصعدنه بسياره
كال هاي شطالعه تخبلين عمي
ريام:حبيبي متعرف اله تخجلني
حسين:طبعاا ام بيهس
ضحكت وكتله شنو هل اسمم حسينن
حسين:باوعلي بفخر ابنه المستقبلي اسمه هيج
بنسمت وكتله نشالله وصلنه للمطعم اجه الويتر اخذنه المنيو كال شتردين نزلي
نزلت الي اريده.
كعدنه ناكل ونسولف الاكل الي بقه كلهم اريده سفري يدري بيه اوصل للغرفه واجوع هههه
خلصنه وطلبنه كريب وحلويات وهيج اشيااء
طلعنه من المطعم كال خلي شوي نفتر فترينهه جانت الاجواء حلوه
مرت ايامنه باربيل احلا ايام وماخلا مكان ماوداني عليه فرينه لحد ماملينه تونست. ضليت اوثق لحظاتي ويه حسين وادزهن لتاره وفرحانه تكلي اتمنه اجي
رجعنه لبغداد بده روتيني العادي لتحق حسين بين الشغل وبين الهوسه مال شغل ندك الباب
كمت افتحه كلت منو على الباب
جات اسمع صوت عمتي ضحكت وفتحت الباب جايات تاره ورنين وعمه
فرحت بجيتهم لان جنت ضايجه
تاره ورنين يشبكني ويبوسن بيه دخلتهم للصاله جبتلهم مي وضلينه نسولف. شافو البيت لان مجايني همه نطيتهم الهدايه الي جبناه من اربيل. صارت صلاه كامو يصلون شلت التلفون تصلت بكرار بدون ميدرون
كتله جيبب عشهه
كرار:لاتكلفين نفسج وجيبين سوي الي موجود
ريام:نجب ابو صخام جيب عشه مابيه حيل اسوي بلبيت كلشي اكو بس مابيه حيل اسوي جيب ومن ارجع انطيك فلوسهن
كلي نجبي عل الفلوس كتله حتلو
رحت بعدهم يصلون توضيت وصليت وهمه خلصو صلاه راحت رنين وتاره للمطبخ يطلعن حلويات وياكلن
كتلهم عفيه لاتستحون مني ماحب الي يستحي ضلن يضحكن
منحترمجج ولا نستحي منج فناكل ععادي ضحكت عليهن كعدت يم عمه
ام حسين:يمه شوكت اشوف حفيدي وافرح بيكم
ريام:مدري خاله ماعرف ليش هيج
ام حسين:راجعي دكتوره يمه
كتله نشاللله صرت ماحب هلطاري
جاب العشه كرار وكعدنه تعشينه
بلكوه اخذ الفلوس ميحب ياخذ اضوج من هاي الحاله
راحت عمتي وكرار
بعد تواسيل ياله خلت رنين
بقت تاره ورنين صعدنه لغرفتي لبسن من ملابسي
حضرنه سهره لان حلويات موجودات بثلاجه حسين كل مايجي يجيب حلويات يعرف احبهن فيضلنن
كعدنه نصور دزينه سهرتنه لحسين يحارشن بي😂
هو راسن تصل كامره فتحنه وكال ها ياملعونات هاي شنو
محتفلات اليوم شو
كتله غير اجن الحبايب
ضل يشاقه وياهن ويسولف بعدين كال كملو سهرتكم اني اروح كبل من كال هيج كطعت التصل بوجه وضليت اضحك
كتبلي اني الج ودز ضحكه وياها
ضحكت وذبيت الفون
كعدنه نسولف طلعت عترافاتهن كله
رنين:اخوج صح حلو بس زوده شوكت يخطب طلع روحي امدا
تاره:خاب نجبي
رنين :هوشنو قابل مكيفه اصير مرت اخوج بس احب اخوج ععادي
ضلن يتناكرن نعسنه ونمنه
كعدت ثاني يوم هنه بعدهن نايمات كمت غسلت ونزلت احضر الريوك جهزت الريوك وعفت الجاي عل نار وصعدت اكعدهن بلكوه كعدن طبعا جانت ساعه ب2
نزلن صبيتلهن جايي نتريك ونضحك
ونذكر ايامنه من جنه سوه
كمنه غسلت المواعين وهنه. واكفات يمي يتناكرن
كتلهن اليوم العصر خلي نحاجي كرار يطلعنه ملينه من البيت هنه كامن يكمزن كتلهن نجبن ماصدكتن بديت اسوي غده دجاج جبس. بتيته وطماطه وليمون. وفلفل كلهن حطيتهن بجيس ودخلتهم للفرن
شوي كامت تطلع ريحت الدجاج
والبنات مايصبرن ريام بس خلي يصير الاكل وصبي تره متنه من الجوع وريحه طيبه
كتلهم عا كيفجنن لاتستعجلننن
صار الاكل وصبيته وحطيت زلاطه ولبن
وكعدنه نتغده
رنين:لج عاشت ايدج طيبهه
تاره: واللله طلع بيج خير
رديت عليهن وايدج ++شعبالج مبيه خير
ضلينه ناكل ونسولف
تاره غسلت الماعين
ورنين صعدت تخابر حسامم
وتارهه ماعرف شسوي راحت ضليت وحدي بصاله
شلت التلفون وتصلت عل حسين
رفضه
طنكرت شوي ليش يرفضه
ضليت اكلب بلفيس
شوي وتصل حسين رديت كتله هلاو من ورا خشمي
حسين:شبيج اشو من وره خشمج
كتله ليش رفضته
حسين:واللله مشغول ماكدرت ارد
.اممم هو انت متحبني
.لامنو كال ماحبج
ضل يلطف الجو وصالحني على طريقته
نزلت رنين وهي تضحك
كتله حسين بعدين نحجي كطعته منه
كتلها ها رنين خير ليش ضحكين
رنين:ولجج اخوج كال طلبت ايدج من جدي
ريام:اي مواكول طايره من الفرح
رنين:ولج ريامم مادري شسوي هسه فرحانه
ريام:ثكلي ونجبي لاتفرحين زايد من تنخطبون وتخلصون وتعرسون. فرحي ضلت تضحك اجت تاره
شبيججن شجاي تحجن
.انتي وين رحتي هاي صعدت تحاجي حسام انتي وين رحتي
تاره. مالج غرض وين رحت يععع
حشريات
ريام. ممكن تنجبين
وتباركين لرنين لان حيخطبها حسام
كامت تكمز تاره وشغلت الشاشهه وطلعت اغاني كالت يلا كومو خلي نركص
كمنه ضلينه نركص وهزينه لحد مملينه
شوي كتلهم خلي نخابر كرار يطلعنه تقريبا جانت ساعه 5هيج
تصلنه عل كرار بس يرن ومايرد
رد اخر شي
ريام. الو ها كرار شونك
كرار. هلا ريم الحمدالله خو مامحتاجه شي
ريام. ايواللله كرار تعال طلعنه واللله طاكه روحنه من البيت
كرار. انتي ومنو اطلعكم
اني وتاره ورنين يلا حباب
كرار.لاماكدر مشغول
طنكر كرار. ومقبل ياخذنه بعد تواسيل وكلمه منا وكلمه منا وافق كال ربع ساعه اذا اجي والكاجن ممخلصات اعوفجن وروح
كناله تمام
رحت للغرفه اتصل عل حسين
هم رفض ومقبل اروح الف ياعلي ياله وافق اروح وبعد توصيات لالبس ضيق ولا حمره وبدون تمضحك
وقبل لاطلعين صوري شكلج
رحت بدلت لبست فستان طويل بنفسجي وشال اسود حطيت قليل مكياج
خلصت قبلهن وصورت نفسي ودزيتهن الحسين
قتنع وكال عفيه اخذي فلوس واخذي تلفونج
كتله ادري. خلصنه وسمعنه كرار يتصل اابنات بس يعدلن بخدودهن لان المكياج مخلصنه سوونه شون مكان ونزلن
فتحنه االباب الكرار واني ورنين نتعارك ياهي تصعد ليكدام سبقتهن ورحت صعدت دكت رجل رنين لان صعدت اني ضليت اضحك عليه
شغل اغنيه (الساعه. الي بعيشها بقربك 60دقيقه حياه والوقت الضايع طول بعدك من عمري انا مش حسبا) ندمجت ويه الغنيه واذكرر حسين بيه
ضليت ادندن ويه الغنيه ورايحه بعالم خاص
وذني بصوتهن المزعج يغنن
ودانه بحديقه كعدنه ناخذ صور جنه جهال نكمز😂
وهو يكول عيب منا الناس عيب لاسون هيج
ضل عيب ماعيب وحنه بس نصور. نلعب
شوي وحجه كرار. امشو خلي ننزل بمطعم
واللله احنه منصدك ركبنه بسياره
وحرك كرار
ورجع شغل نفس الاغنيه واحنه كلنه مندمجين واني ضليت اصور وغني ويه االغنيه
جانت الاجواء ولاغلطه
نزلنه للمطعم
