- صعَبه ﭑلطِباع ،
ليٰستَ هَيُنه
كمَا تظُن !
تاره:جنت داحضر نفسي حته نروح للزياره كلش متحمسه اروح ازور صار فتره كلش هواي مرايحه وصلنا الطريق كلش طويل ويتعب نزلنا ودخلنا بفندق حجزنا وبعدين نروح نزور وراها اني ورنين دنرتب نفسنا بدلنا ملابسنا والبنات طالعات اكيد ديزورن طبعا الساعه ب2ونص بليل ورنين كالت امشي هسا نروح وراهن حته نزور ونزلنا جوا شفت مهدي صحناله كال تعالو نزور سوا ورحنه ويا مهدي دنزور كال اني هنا انتضركم مو تضيعون دخلنا للضريح واحس كلشي تجمع بصدري تذكرت اهلي ودمعت عيني رحت دعيتلهم ودعيت من كل كلبي اذا كرار ميسعدني بحياتي ويحبني كون يطلع من كلبي وطلعت واني مرتاحه احس هم ونزاح عني بقيت امري يم الله طلعنا ماشفنه مهدي واحنه كلشي منندل ضليت لازمه ايد رنين وننتضره يطلع وهوا ماكو كتلها اني يمكن اعرف منين اجينا كالت هوا كال ننتضره هنا خل ننتضر بعد شويه ذا ما اجه نرجع وحدنا نتضرنا تقريبا ربع ساعه وهوه ماكو بعدين شفت رباب احس تطمنت من شفت رباب كتله شو مهدي ماكو ماشفتي كالت رباب والله اني هم ضايعه صار ساعه ادور همزين شفتجن عاد ماضل وحدي سئلتها ع تلفونها كالت ناسيته بلشقه واني تلفوني طافي مابي شحن ورنين تلفونها عطلان صار فتره كالت رباب يمكن اندل امشو والله كريم رحنه ورا رباب ودخلتنا اماكن اصلا ماشايفيها كتلها مومنا كالت لاا منا وعاندت واني مشيت وياهن والرجفه لازمتني طلعنا ع دربونه كلش ضيقه ومبينه متروكه ابد محد عايش بيها فجأه طلعو شباب ثنين يطوطحون وتقدمو علينا ولزموني وهمه موكلش ضخام واني اعيط اريد اخلص روحي والبنات يحاولون يوخروهم عني
رباب:شفت بطل كزاز بلكاع صح اني اخاف بس مستحيل اعوف تاره شلته ماعرف منين اجتني الجرئه وضربت واحد ع راسه وكع بلكاع والثاني هم ضربته ضل صافن عليه واني سحبت تاره المنتهيه وضلينا نركض مندري وين نروح وهمه ورانا يطوطحون وصلنا مكان بي ناس ضلينا نسئل لحد ما لمحت كرار من بعيد ورحنه نركض اله وهوا عيونه تدور علينا وعصبي نارر شافنا واجانه ضل يرزل بينا ويعيط والناس كلها تباوعلنا
كرار:هاي عوددد انت الجبييره مالتهن يلاا امشن حسابجن بلبيت
تاره:هذوله الجلاب الاثنين ماسوولي شي لان ماكدرو بس تعبت واني ابعدهم عني ونوب اجه كرار يرزل بينا واحنه بيا حال تفقت ويا البنات هلسالفه ابد متطلع ورحنه وهم ترزلنا اكيد من الكل
ام مرتضى:اي خطيه هنه متعمدات يضيعن نفسهن حته يتونسن ويرجعنن ارتاحيتن هااا
مرتضى :كافي يمه كافي
عوجت حلكها وسكتت
ورحنه دنرتاح ونمت واني غارقه ب تفكير كعدت لكيت بنات توهن كاعدات كمت وياهن ورحنه جوا لكيناهم كاعدين واني اراقب كرار شديسوي فتح تلفونه وديتصل جاوبه وهوا نكلب وجها كلنا سئلنا شكو
كال ريام بلمستشفى وابنها مات
هوا كال هيج لو اني عيوني صارو شلال
كالو بسرعه حضرو غراضكم دانرجع
وحضرنا كلشي وطلعنا راسا للبصره
واني خلصت الطريق نايمه
وصلنا شفت ريام راسا دخلت صعدت
لغرفتها عرفتها تعبانه
تريد تنام كلت اعوفها براحتها
رحت سبحت وضليت كاعده لان مونعسانه
والبيت كله نام والاضويه طافيه بس ضوا غرفتي مفتوح
محسيت ع نفسي ونمت كعدت ثاني
جنت دانضف
وصلت لغرفه كرار بلصدفه سمعت
كرار:كعدي بلببت لج تراا انه اغارر عليج ويضحك بقوه
اني نقهرت وتأكدت انو عنده علاقه ويحبها ويغار عليها امداني
شمرت البيدي
صار صوت طلع كرار ع اثر الصوت
واني ركضت ابجي للغرفه
وهوا صاح عليه تاره شبيج
سديت باب الغرفه وضليت ابجي واكول لنفسي اني عوبه حبيت الشخص الغلط هوا اصلا ميحبني ولا رايدنيي انيي شكوو حبيته يحب حبيبته ويغار عليها واني متأمله عبالي يحبني
هوااا اصلاا مامعترفلي اني ليش هيج سويت بنفسي حطيت راسي ع مخده ونمت
كعدت واني عيوني تطلع نار وجسميي مشتعلل وراسي يوجعني
واني من النوع ابد ماتحمل الصخونه
اضل ع طول ابجي لحد متنزل حرارتي
راسا دخلت رنين عليه
كالت ها متجين تتغدين
اشرتلها واني دموعي تصب لا
كالت شبيج
اجت قربت عليه لزمتني
وراسا عاطت يااا عزززه
طلعت بسرعه
اجه حسام يركض واضح القلق والخوف بعيونه وكرار اجه ورا لزموني راسا شالني
حسام وراح للسياره يركض بيه
اجت رنين وياي وكرار كال لا ماعوفكم وحدكم واجه ويانا جانت حرارتي كلش هواي مرتفعه ودوني للغرفه نطوني ابره
ورا شويه صرت زينه ونزلت حرارتي كالو هسا تكدرون تطلعون
اجه حسام وطلعت ويا رجعنا للبيت واني كرار كارهته ماتمنه اشوفه ورا شويه
ندكت باب الغرفه
تفضل دخل كرار كال ها شلون صرتي
باوعتله بطرف عيني كتله بخير
كال شبيج
كتله مابيه ششي
يلا اني اروح خاف تردين ترتاحين
ماجاوبته طلع وسد الباب ورا
فكرت كلت هوا كلت هوا يشوفني حالي حال رنين اني هم المفروض اشوفه نفس حسام من البدايه
رجعت للبيت ماريد اشوف احد وتعبانه
ورا فتره عرفنه منو جانن بسبب منو سقط الطفل
ضجت على ريام وعرفنه انو حسبن يريد يعزل
زعلت وضجت ماريد اخسر اختي
بس اهم شي راحتها
قررنه نروح لريام لبيتها رحنه. طبعا بعد عركه اني وكرار ضل يحجي على ملابسي كتله معليك بيه
ورحت كلش تونست وغيرت نفسيتي
اجه ليوم الي
كالو انو جدي ضاربته جلطه بلدماغ
وكلنا ضلينا نبجي وندعيله
ورجعو للبيت
كالو حالته كلش موزينه
وريام جابها حسين يمنا بليل لان وحدها وبيبي فارشه سجادتها وتبجي وتدعيله وتصلي
ضلينا هيج لحد ثاني يوم
خابرونا وصلنا خبر وفات جدي
والبيت صار عباره عن صريخ وبجي
وبيبي تخربطت وكلنا لتمينا عليها صحيناها لحد ما جابو التابوت للبيت
وكلنا ضلينا نبجي وبيبي تكسر الكلب حاله ماتتمنى لعدوك
بيبي:ولكمممممم عشتت ويااا لاسنه ولاسنتين ليش انكسر بي والله يوم يوم ادعي اموت قبله ليش هسه هوا مات كالل ماعوفج حجييهه ماعوفج ليش عفتني بهاي الدنيا الكشره ماتسوه بدونك ياحبيبي ارجععع اروحلك فدوه ارجع ولك اني المن عايشه اذا انتهه ماموجود خلصتت طفولتي وشبابي وكبرنا سوه فتحت عيني عليكك ليش عفتنيي والله احبك مامطوله انه يارب اخذ امانتك حفففررررروولييي بصففههه مايروحح وحده انيي ويااا وين مايروح كتليي ماعوفجج ليشش جذبتتت عليههه كومممم يلاا لتشاقه وياييي هذا شقاكك كافي مليتتت كووومم
واحنه لازميها حيل نهارت
كالوله هذا قضاء الله بعد الله يرحمه
عاطت راسا ماميتتتتتتتتت حتهه تكول الله يرحمههه ماميتت عايش اني ادري بيي جاي يشاقه وياي يريدد يضوجني يلاا حجي لخاطري كوم اغديلك فدوه اني ياروحي انتته
