بقَلمي: الكاتبة رَيريَ 🌸.
بسم الله الرحمن الرحيم
صَمت 🎞.
تنويهه💥
حذفت قصه المجَهول ١٢:١٢
وراح يتبدي قصتنه الجديده الي هيه
صَمت راح تشوفون اشياء تصدمكم حيل
وتوقيت النشر راح يصير عشوائي يعني ليمته ماخلص البارت انشره والبارتات راح توصل
٦٠٠٠كلمه او اكثر حته👀🔥.
متشوقين ل روايتنه الي تاخذنه لل غموض؟
المشهد ألاول
____________________________________
تمشيت بهدوء لل حديقه ماريده يكعد حت يكلبها عليه مناحه سديت باب الصاله بهدوء وكعدت ع كاع ريحتها تجنن بقيت صافنه ع نجوم والهوى الخفيف توها بدايه شته
_شعندچ كاعده هنا؟
التفتت ل صوته اكيد ماراح يخليني اكعد براحتي اله يحارشني حجيت واني مرجعه عيوني لل سماء
_شنو تريد تحرمني حت من الهوى
_غير لوبيدي حت الهوى اكطعه منچ
هزيت راسي وكمت انكث بملابسي من التراب تقدمت صرت كباله واني ارجع بشعره لوره واحجي برجف
_شراح تكول ل ربك من تعرف اني مضلومه؟ وصدك حوبتي راح تحركك حرك كلشي ولا حوبه اليتيم
_انجبي كح...... هم حك.... وهم لسانها شطوله
هزيت راسي بتوعيد ورحت نمت واني ادي بكلب ملچوم ودموعي يهلن ربي صارلي سنه عنده ماشفت بيوم صار زين وياي اخذ حوبتي من عنده استسلمت لل نوم ماحسيت بشي غير ع صوته وهوه يصيح
_ولجج خويههههه كسرتييييي ضهريييييي ولججج شسويتييي بحاليييييييييي
نخمش گلبي شصاير نزلت ع سريع لكيت كاعد بل كاعد واديه فوك راسه
بقيت صافنه ربي اخذ حوبتي منه بس بمنو؟
ب اخته الي سويت وياي عمايل خلتني مانام ليلي
حطيت ادي ع گلبي زعلانه عليهن بس فرحانه بنفس الوقت!
تمشيت يمه وصلت يم راسه وهوه يبجي چنه مره
_الحوبه تبطي بس ما تخطي
وتسحَگ وتلحك
وتاخذ ثلثين من الحَگ
عفته هوه وضميره ومشيت لل غرفه دخلت وسديت الباب ونهاريت من البجيي مو زعلانه عليها لاا
فرحانه لأن رب العالمين اخذ حقي منهم
المشهد الثَاني
____________________________________
كملت الريوك وسطرته ع ميز ومنتظرته يشرف
مرت دقايق برد الچاي وهوه دخل خليت القوري
ع نار حت يحمى هوه كعد ينافخ
صبيت جاي النه والي وكعدت كباله اريد اتريك؟
_سالمين شكو مكابلتني؟
_شنو اريد اتريك؟
ضحك بخفه
_ومن ليمته الخدامات ياكلن ويه اسيادهم؟
