عــــەدەم ༒︎

4

وەک ڕێزێک لە ماندووبوونم ڤۆت بکە

Jungkook~

ئەگەر کەسێک توانی لەسەر خۆر بە بەفر بنوسێت "خۆشمئەوێی" ئەو کاتە باوەڕ ئەکەم یەکێک لە من زیاتر خۆشی ئەوێی

.

.

سەختترین سات کە کەسێکی پەراوێزخراو پێیدا تێپەڕ ئەبێ، ئەو کاتەیە کە ئەو کەسەی هۆگری بووە و تێکەڵ بە ڕوحی بووە، لە پڕ، بێ هیچ هۆکارێک، بێ ئەوەی هیچ هەڵەیەکی بەرامبەر بکەی، سەرنج ئەدەی ڕۆژ بە ڕۆژ و سات بە سات لێت دوور ئەکەوێتەوە.

لە گەشتی قوتابخانەکەمان بووم

لەم ڕۆژانە زۆر بێزار بووم، هەستم ئەکرد ئارەزووم بۆ هیچ نەماوە، هاوڕێکانم خەریکی چەپڵە لێدان و گۆرانی وتنەوە و خۆشی وەرگرتن بوون، بە بیانووی نەخۆشی
لە کۆمەڵەکە دوور کەوتبوومەوە و بیستۆکەکەم کردبووە گوێم و لەسەر ئەو گۆرانییە دامنابوو کە جۆنگکووک پێی وتبووم دڵخوازییەتی.

هەموو ئەو ساتانەی پێکەوە بەسەرمان بردبوو وەک فیلمێک ئەهاتنە پێش چاوم و بۆم لێ ئەدرانەوە.

نازانم بۆچی؟ بەڵام ساردییەکی زۆر کەوتبووە نێوانمان و لە هەمان کات هەستم ئەکرد ئیتر ئێمەوە بەرەو کۆتایی پەیوەندییەکەمان ئەڕۆین.

ئەوەی هەوڵی مانەوە و درێژەدانی ئەدا، تەنیا من بووم.

هەنێ جار بیرم ئەکردەوە و ئەم وت، جۆنگکووک ئەزانێ کە ناتوانێت بێتە ژێر ئەو بارە و بۆی ناکرێت کە بێتە خوازبێنیم، وە نایهەوێت بە ڕاستەوخۆیی ئەوەم پێبڵێت و دڵم بشکێنێت، ئەیهەوێت پشتگوێم بخا تا ئەوەی خۆم لێی سارد ئەبمەوە و جێی ئەهێڵم.

ئەمە ئەو شتەبوو کە بە درێژایی ساتەکە مێشکی ئەخواردم و بە بەردەوامی بیرم لێی ئەکردەوە.

ئاخر هیچ شتێکی ترم شک نەئەبرد، هەموو شت زۆر لە پڕ بوو، بێ ئەوەی هیچ شتێکم کردبێ، ڕۆژێک دەستی کرد بە ساردبوونەوە و دواکەوتن و پشتگوێ خستنم.