سلاسل السلطان

Part 2|كَـبرياء

سـلاسـل السُلطان

بقلمي: رحـيق رَعـد

قِـــــــــــــــــــࢪأه مُــــــمتعه للــــــجَميع:

꧁꧂
«فـرح»

_ختم كلامه بابا وگام من مكانه قبل لا يطلع گال

فؤاد: راح اطلب من الموضفين يجهزون طاوله اضافيه بمكتب فرح لسُلطان وبمكتب الي يشتغلون بي امير وروز حتى يبدي عاشور وياهم واذا تحبون ابدو من اليوم شغل باچر يكون كلشي جاهز

_گمت من مكاني احس النفس ضاق بيه شوفته گدامي حرگت روحي مو بس گلبي تركتهم وطلعت اتمشى للمكتب حسيت اكو خطوات شخص وراي ما التفتت ولا اهتميت دخلت لمكتبي من انداريت شفت سُـلطان گدامي

سُـلطان: تحبين نبدي شغل من اليوم لو نأجله على باچر شكلچ تعبان

: ومن يمتى انتَ تلاحض شكلي تعبان؟

_عض شفته السُفليه بقهر وگال بهدوء وعيونه عليه مقلصهن

سُـلطان: فرح لا تدخلين حياتنه الشخصيه بلشغل

_اومئت براسي وميلت شفتي ابتسمت بسُخريه وهزيت راسي بهدوء جريت الكرسي وگعدت

: اوكِ تمام بغاحتك

_گعد على القنفه حط رجل على رجل وشغل حاسبته يشتغل بيها انطاني كم ملف اراجعهن بدون ما ينطق حرف ولا انا نطقت عم الهدوء المُكان تقريباً لمُدة ربع ساعه كسر الهدوء من گال وهوه يباوعلي

سُـلطان: شلونها امورچ

: كُلش تمام

سُـلطان: متأكده؟

: اي نعم ليش متوقع حياتي غاح تتوقف بدونك؟

_ابتسم بهدوء وهز راسه بلا وگال

سُـلطان: مُمتاز

_نرفزني تمالكت اعصابي اخذت نفس ورجعت اشتغل وبلغلط عيوني تصير عليه بلغلط والحمدلله ماصادني ولا مره الى ان اخر شي دخلت كارولين السكرتيره مالتي اجنبيه حطت گبالي عصير وگال بأبتسامه حلوه مثلها

كارولين: Miss Farah, Monsieur Amir sent you this juice

: Thanks
_اومئت براسها وطلعت اخذت العصير شربت منه بأبتسامه عيوني صارت عليه من گال وهوه يباوع للأوراق لبيده ويرفع عيونه بُبطئ عليه

سـلطان: هواي يهتملچ امير

: اي صح اميغ صديقي المُقغب وهوه يعغف شنو احب وشنو يعدل مزاجي من يتعكغ واتعب

_تعمدت ما اذكر كلمة (مثل اخوي) حتى اشوف ردة فعله ابتسمت ابتسامه جانبيه من شفت ردة فعله قبض ايده على شكل بوكس عض شفته مبتسم بسُخريه