سلاسل السلطان

Part 8| انكِـسار وَقـوه

سَـلاسل السُـلطان

بقلمي: رحيق رعد

قِــــــــــــــــــــــــــــࢪأه مُـــــــــــمتعه للجَــــــميع:

꧁꧂
«طـفوف»

_ارتخت اعصابه وعيونه جمدت عليَّ نطق من بين سنونه يسوي نفسه نافي عصبيته

بـيان: مو مريض انا

: اعرف بس روح عنده

_هز راسه رافض راح وده علبة الأسعافات ورجع وگف بلباب شغل جگارته اخذ اول نفس وگال

بـيان: انا رايح اذا تحاجين شي مني بس دگي عليَّ راح اكون منتضر اتصالچ على احر من الجمر

: بـيان

بـيان: گلبه وغراضه

: اذا مارحت لدكتور ميشيل راح تبقى طول عمرك بحلم تشوف ضلي

_بلع ريگه مسح شعره بأيد وحده وگال

بـيان: ما تگدرين تختفين لو ترحين لأخر بُقعه بلأرض هم الگاچ

: لا ما راح اختفي راح اكون موجوده هنا بس انتَ ماراح تشوفني

بـيان: لا تسوين هيچ

: اسويها اذا مارحت

بـيان: اموت بدون شوفة عيونچ

: القرار يبقى الك

_تكتفت ودرت وجهي عنه ما اباوع اله باوعت بطرف عيني هز راسه بيأس وطلع من المُكان معقوله صدگ راح يروح؟ طيب ولله الدكتور ميشيل دكتور حبابب ليش يكرهاا

دقايق واجتني رساله على تلفوني اخذت التلفون رفعته وشفت الرساله جايه من (My obsession)

💬عيوني تشتهي تشوفك على طول وما اگدر بلياك كلشي تريده راح انفذه بس ارجعلي طيفي.

_ختمت الرساله وانا ما حاسه بنفسي غير دموعي تنزل شمرت التلفون على صفحه وتمددت على القنفه اريد انام وانسى كلشي ماريد ابقى گاعده والأفكار تاخذني وتوديني

«فـرح»

_دخلت روز عليَّ فرحانه وتگلي

روز: توقعتچ راح تكونين فرحانه

: افغح؟ ليش افغح وهوه ما يغيدني؟ ماشفتي غوز ماشفتي شلون من گال بابا لازم تغجعون شلون باوعله مصدوم ونفى مايغيدد يرجعلي ليشش افغحح وهوه ما يغيدنيي

: اشش فروحه اشش على كيفچ ويَّ نفسچ ميخالف كلشي ينحل لا تخافين

_بقت عيوني على السقف وروز يمي تهدأ بيَّ وتواسيني دقايق واحاني اتصال خلاني اطفر من مُكاني رحت بدلت بسرعه وروز تحاول تفهم شنو وشكو شصاير منو هذا وره الأتصال بس ما چان عندي وقت ابرر