#سـلاسـل السُـلطان
بقلمي: رحيق رعد
قِــــــــــــــــــــــــࢪأه مُمتعه للــــــــــــجَميع:
꧁꧂
«روز»
_حمحمت وطلعت فوراً هدها واخذ اغراضه وطلع راحت فرح جمعت اغراضها وگالت
فرح: غوز انا غاح اطلع للبيت اختنگت بلغي بابا
روز: ماشي حبي
_تركتني وطلعت اول ما طلعت گمزتت من الفرحه ياربيي يخبلوووون يخبلووونن اخذت اغراضي وطلعت وراها متوجهه لمكتب بابا طرقت الباب ودخلت سلمان ونجوم وبابا بلمكتب يشتغلون رحت لبابا بسته بخده وگتله
: باباتي فروحه طلعت تعبانه شوي
فؤاد: وين طلعت؟
: راحت للبيت
فؤاد: ماشي حبيبتي ترجعين للبيت لو تبقين تنتضريني
: انتضررك لأن انتَ وعدتني من تكمل شغل توديني للمول اشتري فستان لحفلة الشركه
فؤاد: هههههههه ماناسيه الفصعونه ماشي حبيبتي انتضريني هنا
_اومئت براسي بأبتسامه ورحت گعدت على القنفه المعزوله عنهم طلعت ملازمي وگعدت اقره عندي امتحان بعد يومين ورفعت عيوني بلصدفه اجت على سـلمان الي يشتغل ردت انزلهن ولقطته عيوني يدور وجهه خفيف يباوع لنـجوم اومئ براسه واجت عينه عليه ابتسم رديتله الأبتسامه وغمزتله توسعت ابتسامته وهز راسه بلا عرف قصدي شنو
ضحكت خفيف ورجعت ادرس خلصت نـجوم شغلها بس تنتضر بابا يكمل حتى يوقع على اوراق مادري شنو اجت يمي گعدت
نـجوم: تحبون بعض؟
: هاا؟
نـجون: انتِ والمسيو سـلمان تحبون بعض؟
: لاا يمه ليش؟
نـجوم: لاحضت نضراتكُم قبل شوي من غمزتيله انا اسفه مو قصدي بس بلصدفه شفتكُم
: لا ما احبه ولا يحبني يمعووده سـلمان مثل ابوويه يعاملني مثل بنته ولله حتى ما اگلچ اخته لا بنته
نـجوم: هلگد هوه كبير؟
: لاا مو كبير كلش ببداية الثلاثين عمره بس انا اصغر منه بهووواي
نـجوم: شگد عمرچ؟
: 19 سنه مرحله اولى جامعه
نـجوم: اهاا انا 24سنه
: العمر كله حبيبتي
نـجوم: حبيبي ذكرتيني بأختي
: عندچ اخت؟
نـجوم: ايي بنفس عمرچ
: الله صددگ جيبيهاا للشركه خلل اشوفها يمكن نصير صديقات
أنت تقرأ
سلاسل السلطان
De Todoنَـعم هـذا ما يُـسمى بجـحيم الحُـب كُـل فَـرد لـهُ قُـصه مُـختلفه مُـعاناة مُـختلفه حِـقد وانتقام انتـصار وحُـب مـشاعر مُخـتلطه كُـل نصف وَجـد نـصفهُ الثـاني بلصُـدفه والمُـعاناة رفـض مُحـاربه هـروب مِـن الـواقع الأليم _ناس تطيح وتنكسر وناس ترتف...
