فصلية

p3

مر اليوم وجود گاعد بالقبو ميت جوع وعطش والچو حار وضلمة ومختنگ
للحظات وسمع صوت الباب ينفتح شاف مرة دخلت نفسها المرة الچانت تبچي تقربت مني وبأيدها صينية بيها تمن ومرگة ولبن حطتها گبالي وگالت بصوت مبين عليه التعب
:ما أگلت شي من البارحة چبتلك هذا الشي البسيط

أبتسم جود ألها بلطف وگال بصوت باهت وتعبان
:تسلمين ..أي والله گُلش جوعان

أبتسمت أميمة وأخذت الخاشوگة البيها تمن ومرگة وگامت توگل جود لأن أديه مربوطة

أكل جود وشبع وگامت أميمة تريد تطلع بس قبل ماتطلع سمعت صوت جود يگول
:شكرًا

اندارت وباوعتله ويه أبتسامة خفيفة ودمعت عينها وطلعت بساع

عرف جود تذكرت ياسر وأحترگ گلبه بس مابيده شي

الساعة 10 بليل
فتح الباب آسر وشاف جود گاعد يباوع بهدوء للحايط تحولت نظراته على آسر وتبادلو النظرات لمدة ثواني ودخل آسر وگف گبال جود
چاب كُرسي وگعد گبال جود
ضل يباوعله وأخيرًا حچه جود

:شنو چايبني فصلية حيوان ساچنيني هنا

آسر:تگدر تگول أي

جود:أنت شبيك وياي ..قبل أسبوع چنت لطيف شغيرك وحتى لو موت أخوك أني شعليه

آسر:الزم حلكگ ترا أگصه ألك وعلي أسمع لك لطيف والخرا التحچي عنه انساها لأن مستحيل يطلع ألك مرة لاخ .

جود:ديلا وشنو حَضل هيج أني مربوط

آسر:أي

سكت جود وضل يباوع على آسر وگال

:باوع آسر أدري أخوك مات والله يرُحمهَ بس هاي حالتك وألي دتسوي مارح يعيش ويرجع أخوك ياسر مرة ل...