تفاجأ جود من أعترف آسر المفاجئ ماتوقع فد يوم يعترفله أحد بمشاعره وأهمشي آسر!
ليش حَبه هوَ والأختلاف البينهم وموت ياسر گُل هذا نساه آسر علمود حُبه لجود!!
جود:تحبني؟..تحبني أني؟
آسر:أي جود أحبك من أول يوم التقينا وحطيت عَيني عليك ماگدرت أنگر مشاعري أحبك جود
ضل جود متفاجئ ما يعرف شنو يرد تقرب منه آسر وراد يبوسه بس أبتعد جود وگال
:أوكف...أنتَ متأكد من مشاعرك؟
آسر:أگيد!
جود:لعد ليش عذبتني بالقبو وسويت كُل هَذا أذا چان عندك مشاعر تجاهي!!
حط آسر أيده على خد جود بحنية وگال
:چنت فاقد موت أخوية والضغوط ألي صارت وياي ما خلتني أستوعب مشاعري.
ضل يفگر جود
آسر:شنو أنتَ مَتحبني؟
جود:لاا..بس هيچ بين ليلة وضحاها أعترفلي والبارحة چنت حابسني مَچاي تمشي براسي ..ما أقصد أهين مشاعرك..بس تعرف ..خايف.
آسر:منين خايف ..خايف أعوفك وأخدعك؟مستحيل أسويها جود أني انغرمت بعينك أنغرمت بيك بأول نظرة ألك ضليت الليل گُله أفگر بيك..شسويت بيه أنتَ!
أبتسم جود بخفه لأن ما سامع هلگلام والغزل ما سامع من أحد هيج يعاملة جود عنده نقص حنان لا أب مهتمله ولا أم ألي ماتت قبل ماتنطيه الأهتمام والحُب ما حاس بالحُب من قبل ولا مجربة حس بشعور حلو من سمع گلام آسر مايعرف شنو حيصير بالدنيا من سمع گلام آسر حس گلامه صدك حس بالحُب بگلام آسر حس گلبه يدگ بسرعة معقولة هذا الحُب!
جود:مأعرف ..آسر إحتاج وگت أفكر بيه
هز رأسة آسر وگال بتفهم
:أگيد أخذ وگتك
